Jɛremaya 51:64 - EBƆRƐ BE KAWƆL

⁶⁴ ‘Kananɛ kejembugboŋ ere nɛ kawɔl ere muni nchu ere to ere nɛ Babilɔn be efuli gba beeŋ muni nsaa maaŋ naŋ tiŋ n lar jemanɛ nɛ Enyɛnpe Ebɔrɛ na beeŋ mur kumo na. Esa kama nɛ e wɔ kadegboŋ na to beeŋ wu nɛ efuli na maaŋ naŋ nya eleŋ ŋ koso kikɛ.’ ” Anebi Jɛremaya be kɔnɔ be ekar nna na.

Jɛremaya 51:64 ပူးပေါင်းရင်းမြစ်များ

Job be kawɔl 31:40

kumo ere Ebɔrɛ e shin nɛ afitiri nɛ ewi a kɔr n sɔ kasawule na kikɛ so, mannɛ ayu ŋko aboyu. Job be kamalga be ekar nna na.

Nshɛ 72:20

Jɛsi pibinyɛn, Ewura Deevid, be kabɔrɛkule be ekar nna na.

Nshɛ 76:12

Mo e naa bar bewura kama nɛ baa boo kenyɛn na kaseto; a shin nɛ baa ki befupo.

Aizaaya 47:13

Dra dra men daa yɔ basa nɛ baa keni achɛkpabi nsaa kaŋɛ kusɔ nɛ k beeŋ wora echefoso kufɔl kikɛ na kutɔ n ya kaa fin kasotoji, ama k maŋ chɛ menyi to. To, men ya bishi bumo kananɛ menyeeŋ wora n nya kumɔlga a laŋɛ kusɔ nɛ k bee shin nɛ k wora ere be kaplɛa so.

Jɛremaya 13:4

“Ta dɔkɔri na n yɔ Yufreetes be Lɔrgboŋ na ase n ya puli kefalta be kemaŋ to.”

Jɛremaya 19:10

Kumo be kaman nɛ Enyɛnpe Ebɔrɛ na naŋ kaŋɛ ma fanɛ m bure kapuya na ashi basa nɛ ma nɛ bumo yɔ na be anishito

Jɛremaya 25:27

Ade kikɛ be kaman nɛ Enyɛnpe Ebɔrɛ na kaŋɛ ma le: “Kaŋɛ basa na fanɛ ma, Enyɛnpetale, Israɛl be Ebɔrɛ na bee kaŋɛ bumo kenishipereso nna fanɛ b nuu kawiebi na to be asɔ nuuso na m boo a kwiɛ nseŋ lar n tɔr a maaŋ naŋ tiŋ ŋ koso; ŋkpal kena nɛ meeŋ shin nɛ k ku bumo to na so.

Jɛremaya 51:42

Babilɔn mo doŋana beeŋ koso fanɛ ketili ka koso teku so na, m ba buu kadegboŋ na so.

Jɛremaya 51:58

Babilɔn be kadegboŋ na be egbal danto na beeŋ bure n tɔr kasawule, nɛ kumo be mbunagboŋana na e ji edɛ. Kusɔ kama nɛ efuli na so be basa shuŋ ŋ gben n nya kikɛ beeŋ ji edɛ m mur. Ma, Enyɛnpe Ebɔrɛ e kaŋɛ na.

Jɛremaya 9:5

Baa gben bumo be amu nna a fin ekpa popɔr nɛ baŋ bɔla so m puni bumo teriana nna.

Ezikɛl 28:19

Fo ere choŋ nna na, nɛ kusɔ nɛ k wora fo ere shin nɛ kufugboŋ tɔr efuliana nɛ b nyi fo na so. Ŋkpal manɛ so, baa fɛ nna fanɛ kusɔ nɛ k nya fo na beeŋ tiŋ n nya bumo alɛ gba.”

Habakuk 2:13

Efuliana nɛ men daŋ kɔ m pɔɔ so na be basa daŋ shuŋ ŋ gben jiga hale a bɛlɛ nna. Asɔ nɛ b gben m pɔr na kikɛ ji edɛ. Enyɛnpe Ebɔrɛ e shin nɛ loŋ wora na.

Kelaraŋŋini 14:8

Kede be kaman nɛ n naŋ wu malaika nyɔsopo ka ta m bɛ ejuŋkparso na so a kaŋɛ le: “E tɔr, Babilɔn be kade lempo na tɔr. E shin nɛ efuli kikɛ so ebi nuu mbe kesakalealubisheŋ be nsa na.”

Kelaraŋŋini 18:2

E ka bee ba na nɛ e ponte eleŋso ŋ kaŋɛ: “K tɔr, Babilɔn be kade lempo tɔr! Babilɔn ki alizinaana be kowu nɛ ayoyu lubiana kikɛ be eŋanakpa nɛ mbuibi jiga mo nɛ basa kishi kikɛ be eŋanakpa.

Kelaraŋŋini 18:21

Ndoŋ nna nɛ malaika lempo ko maŋ kejembu ko so, kumo nɛ kuboogboŋ sasa n ta kumo ŋ kpa n wɔtɔ teku to nseŋ kaŋɛ: “Loŋ nɛ baaŋ ta Babilɔn be kadegboŋ n lɛ kasawule so eleŋso nɛ ekama maaŋ naŋ wu kumo kikɛ.