Jɛremaya 51:58 - EBƆRƐ BE KAWƆL

⁵⁸ Babilɔn be kadegboŋ na be egbal danto na beeŋ bure n tɔr kasawule, nɛ kumo be mbunagboŋana na e ji edɛ. Kusɔ kama nɛ efuli na so be basa shuŋ ŋ gben n nya kikɛ beeŋ ji edɛ m mur. Ma, Enyɛnpe Ebɔrɛ e kaŋɛ na.

Jɛremaya 51:58 ပူးပေါင်းရင်းမြစ်များ

Nshɛ 127:1

Enyɛnpe Ebɔrɛ na baa maŋ chɛ to m pɔr kowu na, bepɔrpo bee gben jiga nna. Nɛ e baa maŋ kuŋ kadegboŋ na, bekumpo na bee kuŋ kumo jiga nna.

Aizaaya 13:2

E yɛ, Aizaaya, yili kepreŋ nɛ shɛŋ maŋ wɔ kumo so na be awɔlto m maŋ kena be tuta so! Ponte ŋ kaŋɛ esoji na fanɛ b kre kena. Pla bumo enɔ fanɛ b kɔ n nya n luri mbunagboŋ lempo na to n ya kɔ Babilɔn be kadegboŋ na.

Aizaaya 47:13

Dra dra men daa yɔ basa nɛ baa keni achɛkpabi nsaa kaŋɛ kusɔ nɛ k beeŋ wora echefoso kufɔl kikɛ na kutɔ n ya kaa fin kasotoji, ama k maŋ chɛ menyi to. To, men ya bishi bumo kananɛ menyeeŋ wora n nya kumɔlga a laŋɛ kusɔ nɛ k bee shin nɛ k wora ere be kaplɛa so.

Aizaaya 65:23

Bumo be ashuŋ beeŋ nyalɛ n sa bumo nɛ bumo be mbia malɛ maaŋ naaŋ lɔ alɔ lubi n wu. Meeŋ nɛfa bumo nɛ bumo be kaman to ebi kikɛ.

Jɛremaya 50:15

Men kɔ bumo kaba kama so. Naniere Babilɔn shuli kapɔshi. Edoŋ na bure kumo be egbalana nɛ ebu jeŋgreŋana na n lɛ nɛ mee wora bumo kusɔ nɛ b ta n wora ndegboŋana ko na a bishi bumo kɔnɔ.

Jɛremaya 51:30

Babilɔn be benapo na be eleŋ nɛ kenyɛn lar bumo to nɛ b ki fanɛ beche. Bumo kikɛ yige kena be kekɔ nna nseŋ shir a wɔ bumo be mboŋ lempoana. Bedoŋ bure kadegboŋ na be mbunagboŋ na n luri to a chɔɔ Babilɔnebi na be nwu.

Jɛremaya 51:44

Meeŋ gberge Babilɔn be kegbir nɛ baa tre Maaduk na kusoe, nseŋ shin nɛ k laŋɛ asɔ nɛ k yuri na n sa amowuraana. Kumo be kaman efuli pɔtɛana be basa maaŋ naŋ bar ŋkɛ m ba bunyaŋ kumo. Nɛ Babilɔn be egbalana e bure n tɔr.”

Jɛremaya 51:64

‘Kananɛ kejembugboŋ ere nɛ kawɔl ere muni nchu ere to ere nɛ Babilɔn be efuli gba beeŋ muni nsaa maaŋ naŋ tiŋ n lar jemanɛ nɛ Enyɛnpe Ebɔrɛ na beeŋ mur kumo na. Esa kama nɛ e wɔ kadegboŋ na to beeŋ wu nɛ efuli na maaŋ naŋ nya eleŋ ŋ koso kikɛ.’ ” Anebi Jɛremaya be kɔnɔ be ekar nna na.

Jɛremaya 51:9

Nɛ befɔ nɛ b wɔ ndoŋ na kaŋɛ abar le: ‘An wora ania fanɛ anyeeŋ chɛ Babilɔn be efuli na to, ama asheŋ teŋ n jija. Amoso men shin nɛ an bɛta epe. Ebɔrɛ be eleŋgboŋ na so nɛ e bɔla ŋ gberge Babilɔn kusoe nseŋ mur kumo cheche na.’ ”

Jɛremaya 9:5

Baa gben bumo be amu nna a fin ekpa popɔr nɛ baŋ bɔla so m puni bumo teriana nna.

Nfabel 5:5

Basa nɛ baa ju anyi na baa ji anyi ayabi nna, an gben ama anyi alɛ maaŋ tiŋ n yili n wushi.

Habakuk 2:13

Efuliana nɛ men daŋ kɔ m pɔɔ so na be basa daŋ shuŋ ŋ gben jiga hale a bɛlɛ nna. Asɔ nɛ b gben m pɔr na kikɛ ji edɛ. Enyɛnpe Ebɔrɛ e shin nɛ loŋ wora na.