Jɛremaya 51:44 - EBƆRƐ BE KAWƆL

⁴⁴ Meeŋ gberge Babilɔn be kegbir nɛ baa tre Maaduk na kusoe, nseŋ shin nɛ k laŋɛ asɔ nɛ k yuri na n sa amowuraana. Kumo be kaman efuli pɔtɛana be basa maaŋ naŋ bar ŋkɛ m ba bunyaŋ kumo. Nɛ Babilɔn be egbalana e bure n tɔr.”

Jɛremaya 51:44 ပူးပေါင်းရင်းမြစ်များ

2 Kronikɛls 36:7

Ewura Nebukadneeza daŋ ta Enyɛnpe Ebɔrɛ be bɔrɛ lambu na to be asɔ lela nna n ya wɔtɔ mbe laŋ to ashi Babilɔn.

Job be kawɔl 20:15

Ndoŋ nna nɛ Ebɔrɛ e shin nɛ b paŋ asɔ nɛ b suge beko kutɔ na kikɛ.

Aizaaya 2:2

Lalaloge be nchɛ na to kebee nɛ Enyɛnpe Ebɔrɛ na be bɔrɛlambu na yil so na beeŋ ba ki abee kikɛ to be kejeŋgreŋ, nɛ efuli damtaana be basa e shile m ba kumo ase

Aizaaya 21:9

K maŋ chɛr ko nɛ esoji nɛ b dii egbaŋɛ m bɛ abar so kenyɔ nyɔ fara a ba. Epul na to nɛ ekenipo na ponte awɔrso n sa baru nɛ egbaŋɛ diipo na bar ŋ kaŋɛ le: “Babilɔn be basa kɔ n tɔr! Agbirana nɛ b daa shuŋ na bure kuraa m pesaŋ to a dese kasawule.”

Aizaaya 60:5

Menyi alɛ beeŋ wu loŋ nɛ men be ŋgbene e fuli menyi ga. Kagbenefuli be ga beeŋ shin nɛ men baa chicha. Baaŋ sulɔ efuli pɔtɛana nɛ awɔ teku be kaba ndoŋ na be asɔ lela nɛ kanya m ba sa menyi.

Jɛremaya 50:15

Men kɔ bumo kaba kama so. Naniere Babilɔn shuli kapɔshi. Edoŋ na bure kumo be egbalana nɛ ebu jeŋgreŋana na n lɛ nɛ mee wora bumo kusɔ nɛ b ta n wora ndegboŋana ko na a bishi bumo kɔnɔ.

Jɛremaya 50:2

“Bɔ baru na nseŋ ber kumo be kubomboŋ n sa efuliana na! M maŋ tuta na so nseŋ ber baru na be kubomboŋ! Sa maŋ ta kumo fanɛ ashiri be kesheŋ! Babilɔn be efuli na beeŋ kɔ n tɔr! Bumo be kegbir nɛ baa tre Maaduk na e bure to; nɛ anishinyɔr a ji bumo be agbirana kikɛ.

Jɛremaya 51:18

Agbirana na maŋ kɔ tɔnɔ; a daga fanɛ basa e wora amo eyurto nna nseŋ kini amo n lɛ. Amo be kachɛ kaŋ fo, Enyɛnpe Ebɔrɛ na beeŋ mur amo kikɛ.

Jɛremaya 51:34

Ndoŋ nna nɛ Jerusalɛm be basa kaŋɛ le: “Babilɔn be ewura Nebukadneeza shin nɛ kufugboŋ tɔr anyi so. E suge anyi be kadegboŋ na to be asɔ lela kikɛ ŋ ki mo peya fanɛ kuwɔ ka min kusɔ na. Asɔ nɛ e bee sha nɛ e suge n ta, nseŋ ta amo nɛ a ka na n lɛ.

Jɛremaya 51:47

Ŋkpal manɛ so, jemanɛ ko bee ba, nɛ ŋ gberge Babilɔn be agbirana kusoe. Esa kama nɛ e wɔ efuli na so beeŋ wu, nɛ efuli na be basa kikɛ e ji anishinyɔr.

Jɛremaya 51:53

Hale Babilɔn be egbalana dii n ya kaa chute awɔlpa nɛ kumo be mboŋ lempoana naŋ wora eleŋ n ti so gba, benapo nɛ meeŋ shuŋi na kraa beeŋ mur kadegboŋ na. Ma, Enyɛnpe Ebɔrɛ e kaŋɛ na.”

Jɛremaya 51:58

Babilɔn be kadegboŋ na be egbal danto na beeŋ bure n tɔr kasawule, nɛ kumo be mbunagboŋana na e ji edɛ. Kusɔ kama nɛ efuli na so be basa shuŋ ŋ gben n nya kikɛ beeŋ ji edɛ m mur. Ma, Enyɛnpe Ebɔrɛ e kaŋɛ na.

Danɛl 1:2

Nɛ Enyɛnpe Ebɔrɛ shin nɛ ewura Nebukadneeza kɔ m pɔ ewura Jehowakim so m pɛ mo nɛ basa ko n ta bɔrɛlambu na to be asɔ na be ako n ti bumo so n yɔ Babilɔn be efuli so n ya ta asɔ na n yili mbe agbir be ebu to ashi Babilɔn.

Danɛl 3:29

Amoso n nase mbra nna na fanɛ efuli kama so ebi nɛ ŋgbar kama to ebi kaŋ pɛl m malga asheŋ kama ŋ gbiti Shaadrak nɛ Mɛshaak nɛ Abedneego be Ebɔrɛ na, b kuya bumo to fanɛ mblaŋkul nseŋ shin nɛ bumo be nwu e ki alambure, ŋkpal manɛ so kegbir kikɛ maŋ wɔtɔ a kɔ eleŋ nsaa beeŋ tiŋ n sa le be kumɔlga.”

Danɛl 4:1

Ewura Nebukadneeza daŋ sa efuliana nɛ eyiriana nɛ ŋgbarana nɛ e wɔ durnya to kikɛ ebɔl nna ŋ kaŋɛ le: “Kagbenewushi e baa wɔ menyi kikɛ so.

Danɛl 4:22

Yiramu, fo e la loŋ be kedibi tenteŋ lempo na. Fo eleŋ nɛ kemaŋkura wora kishi hale n ya fo awɔlpa so kikɛ, nseŋ salga to hale n ya fo durnya ere be kaplɛkama.

Danɛl 5:19

E daŋ ji eleŋ ga nɛ efuli kama so ebi nɛ yiri kikɛ daa ŋana mo ga. E baaŋ kaŋɛ fanɛ b mɔ esa, baa mɔ mo nna. Mo alɛ naŋ kaŋɛ fanɛ b shin nɛ esa e ji efute e bee ji efute nna. E beeŋ tiŋ n shin nɛ esa e nya bunyaŋ ŋko ŋaba.

Danɛl 5:26

Kumo be kifito malɛ nde: Lamba na bee ŋini nna fanɛ, Ebɔrɛ karga nchɛ nɛ feeŋ ji kuwura ere nna m ba fo kumo be ekar.

Danɛl 5:31

Ndoŋ nna nɛ Dairus nɛ e shi Mɛdi be efuli so nseŋ ji nfɛ adeshe nɛ anyɔ na ki Babilɔn be ewura.