Jɛremaya 51:34 - EBƆRƐ BE KAWƆL

³⁴ Ndoŋ nna nɛ Jerusalɛm be basa kaŋɛ le: “Babilɔn be ewura Nebukadneeza shin nɛ kufugboŋ tɔr anyi so. E suge anyi be kadegboŋ na to be asɔ lela kikɛ ŋ ki mo peya fanɛ kuwɔ ka min kusɔ na. Asɔ nɛ e bee sha nɛ e suge n ta, nseŋ ta amo nɛ a ka na n lɛ.

Jɛremaya 51:34 ပူးပေါင်းရင်းမြစ်များ

Job be kawɔl 20:15

Ndoŋ nna nɛ Ebɔrɛ e shin nɛ b paŋ asɔ nɛ b suge beko kutɔ na kikɛ.

Nshɛ 74:13

Fo eleŋgboŋ nɛ fo ta n nase ekpa teku peper na to, nseŋ bure nchu to be asɔ keniso lubi gboŋgboŋi na be amu to.

Aŋasa 1:12

n shin nɛ bumo nɛ b kɔ eleŋ nɛ alenfia na e ki bubuni n luri nchaŋ to.

Aizaaya 34:11

Egbuŋgbula nɛ kupuŋ to be asɔbɔya be yiri yiri e naaŋ sɔ kasawule na kikɛ so a wɔtɔ. Enyɛnpe Ebɔrɛ na beeŋ shin nɛ k naaŋ ki kasawule fuloŋ n dese fanɛ kananɛ k daa du kasɔto be jemanɛ so na.

Aizaaya 42:22

Ama naniere mbe basa ki basa nɛ beko suge bumo be asɔ eleŋso nna, nseŋ ta bumo kikɛ n wɔtɔ emaŋ chiŋgeliŋ to ŋko n ti ebu nɛ esa kikɛ maaŋ tiŋ n lara bumo. Beko daŋ suge asɔ kama b daa kɔ nna nɛ esa kama malɛ daa maŋ wɔtɔ nɛ e kɔ n sɔ amo n sa bumo.

Jɛremaya 50:17

Kumo be kaman nɛ Enyɛnpe Ebɔrɛ na kaŋɛ le: “Israɛl be basa na du fanɛ mbolpɔ nɛ ebuluŋ ju bumo nɛ b pesaŋ bumo to nna. Asiriya be Ewurgboŋ e juŋkpar m ba kɔ bumo kena, kumo be kaman nɛ Babilɔn be ewura Nebukadneeza malɛ ba we bumo be awibi m bure to.

Jɛremaya 50:7

Bekama nɛ b daŋ wu bumo daa kɔ bumo kena nna. Le nɛ bumo doŋana bee kaŋɛ: ‘B wora alubi nna n da Enyɛnpe Ebɔrɛ nɛ e sa bumo nananyɛnana tama na so. Amoso kusɔ nɛ an wora na maŋ lubi. Bumo nananyɛnana daŋ yirda Enyɛnpe Ebɔrɛ nna, nɛ a daŋ daga fanɛ bumo alɛ gba ka ji kashenteŋ n sa mo.’

Jɛremaya 51:44

Meeŋ gberge Babilɔn be kegbir nɛ baa tre Maaduk na kusoe, nseŋ shin nɛ k laŋɛ asɔ nɛ k yuri na n sa amowuraana. Kumo be kaman efuli pɔtɛana be basa maaŋ naŋ bar ŋkɛ m ba bunyaŋ kumo. Nɛ Babilɔn be egbalana e bure n tɔr.”

Jɛremaya 51:49

Babilɔn gba daga fanɛ k bure, ŋkpal kumo be basa ka mɔ ma basa Israɛlebi nɛ durnya to be efuli damtaana be basa so.

Nfabel 1:1

Jerusalɛm be kadegboŋ nɛ basa daŋ bɔlɔ kumo to na e dese fuloŋ naniere na! Kadegboŋ nɛ durnya kikɛ daa nyi kumo be asheŋ nsaa sa kumo bunyaŋ ga na e ki fanɛ ekulpoche na! Kadegboŋ nɛ efuliana kikɛ daa shuŋ a sa na, e ki somaŋji na!

Nfabel 2:16

Menyi doŋana kikɛ bee mushe nna a wora menyi eyurto, nsaa gbɛlɛ menyi yurkishi so. Baa mɛr nnɔ nna nsaa kaŋɛ le: “An mur kumo! Kachɛ nɛ an baa jo na nna na!”

Ezikɛl 36:3

Amoso bɔ kubɔya nɛ ma Enyɛnpetale Ebɔrɛ na bee kaŋɛ ere. Jemanɛ nɛ efuli nɛ a chena ŋ kulti Israɛl na kɔ n suge Israɛl be abee na, ekama na daŋ wora Israɛl eyurto nna.

Hoziya 8:8

Israɛlebi gba ki fanɛ efuli pɔtɛana so ebi nna a shuŋ agbir. Amoso b maŋ kɔ tɔnɔ n sa ma fanɛ kapuliya bureso na.

Eemɔs 8:4

Menyi nɛ menyee ŋin betentaŋasepo nɛ efuli ere so be betirpo a lɛ a chichi so na e nu nfe.

Nahum 2:2

Enyɛnpe Ebɔrɛ naa sha kelaŋɛ Israɛlebi be kemaŋkura nɛ b daa kɔ pɔɛŋ nɛ bumo doŋana ba kɔ n suge bumo be asɔ na n sa bumo.

Matiu 23:13

Asheŋ maaŋ nyalɛ n sa menyi mbraŋinipoana nɛ Efarisiana ere kikɛ, kebirkɔnshiwuraana ere, ŋkpal men ka bee kuŋ basa ashi Ebɔrɛ be kuwura na to be keluri na to so. Men gbagba maa luri ebɔrɛso be kuwura na to, menyi alɛ nseŋ naa shin nɛ basa nɛ b daa beeŋ baa sha keluri bee paŋ kumo to be keluri.