Jɛremaya 50:46 - EBƆRƐ BE KAWƆL

⁴⁶ Jemanɛ nɛ Babilɔn beeŋ tɔr na, egbri nɛ k beeŋ gbri na beeŋ shin nɛ durnya kikɛ e gbuŋgbuŋ, nɛ efuli pɔtɛana so be basa e nu egbri na.”

Jɛremaya 50:46 ပူးပေါင်းရင်းမြစ်များ

Aizaaya 15:5

Mee shu ma kagbene to nna a sa Mowabebi na ŋkpal b kaa shile a yɔ nde nɛ baa tre Zowa nɛ Ɛglaf Shelishiya na so. Bumo be beko dii m bɔla ekpa nɛ k bee yɔ kade nɛ baa tre Luhif na nna a shu a yɔ, nɛ beko malɛ ŋana n ta kagbenejija a shu awɔrso a shile a yɔ kade nɛ baa tre Hɔronaim na.

Aizaaya 5:7

Israɛl e la Enyɛnpetale Ebɔrɛ na be ndibi sɔrso be kudɔ na; Juda be efuli so be basa malɛ e la afeelebi nɛ e daŋ duu na. E daa sha fanɛ b wora kusɔ nɛ k walɛ nna, ama b daŋ mɔ basa nna. Mo alɛ daa sha fanɛ b baa wora kusɔ nɛ k daga nna, ama bumo be basa daa shu a fin esa nɛ e beeŋ wu bumo kuwɔr nna.

Jɛremaya 10:10

Ama fo, Enyɛnpe Ebɔrɛ na, e la Ebɔrɛ kashenteŋto. Fo e naa sa ŋkpa nsaa wɔ ŋkpa to na; fo alɛ e la ewura nɛ e wɔtɔ mbaanaayɔ na. Fo baŋ nya agbo, durnya kikɛ bee gbuŋgbuŋ to nna, nɛ efuliana bee mur.

Jɛremaya 46:12

Efuliana na nu men be ŋaba be asheŋ; esa kama malɛ nu men be kushu. Soja ko bee fiti mo barkasa nna nɛ bumo benyɔ na kikɛ e tɔr kasawule.

Jɛremaya 49:19

Kananɛ buluŋ bee lar kupo nɛ k dese Jɔɔdan be Lɔrgboŋ na ase a ba asɔbɔya be ejikpa nɛ asɔbɔya na e baa shile na, nɛ ma, Enyɛnpe Ebɔrɛ na beeŋ ba nɛ Edɔmebi e shile epul to n lar bumo be kadegboŋ na to. Kumo be kaman nɛ ejuŋkparpo nɛ meeŋ lara na e ba chena n ji kuwura efuli na so. Wanɛ e naŋ tiŋ n ta mbe kumu m ber ma ŋko n to ma emaŋ? Ewurjipo kikɛ maŋ wɔtɔ nɛ e beeŋ tiŋ n tu ma ŋ kɔ.

Jɛremaya 49:21

Jemanɛ nɛ Edɔm beeŋ tɔr na, egbri nɛ k beeŋ gbri na beeŋ shin nɛ durnya kikɛ e gbuŋgbuŋ, nɛ bumo be basa be kushu be awɔr e ya fo Teku Peper na ase.

Jɛremaya 51:29

Durnya bee kii to nsaa gbuŋgbuŋ to nna ŋkpal Enyɛnpe Ebɔrɛ na ka kre keshin nɛ Babilɔn be efuli na e ki keshishɛrsawule a dese fuloŋ nɛ esa maaŋ naa wɔ kumo so so.

Jɛremaya 51:54

Enyɛnpe Ebɔrɛ na yɛ: Men nu kushu nɛ k shi Babilɔn be kadegboŋ to a ba ere! K la kemur gboŋgboŋi nɛ k ba Babilɔn be kasawule be kaplɛkama so be basa be kushu nna.

Ezikɛl 26:18

Kachɛ nɛ k tɔr na ka fo, basa nɛ b chena teku ase na bee chicha nna. Nɛ kumo be kemur na chinchiŋ bumo ga.

Ezikɛl 27:28

nɛ basa nɛ baa ji nchu na boŋ to nɛ basa nɛ b wɔ kedeŋi so nu kumo.

Ezikɛl 31:16

Jemanɛ nɛ meeŋ shin nɛ kedibi na e wu n yɔ bubuni to na, kumo be asheŋ beeŋ shin nɛ kufu e pɛ efuliana nɛ b baa chicha. Iden to be ndibi nɛ Lebanɔn be efuli so be ndibi nɛ a bee nya nchu nɛnɛ nɛ amo be nliŋi luri kasawule to kikɛ be ŋgbene beeŋ fuli amo ŋkpal k ka wu n tɔr so.

Ezikɛl 32:10

Kusɔ nɛ meeŋ wora fo na beeŋ chinchiŋ basa damta. Kachɛ nɛ meeŋ pee ma tokobi m mɔ fo na, kufu beeŋ tɔr bewura so nɛ b baa chicha ŋkpal bumo gbagba be ŋkpa so.”