Jɛremaya 50:38 - EBƆRƐ BE KAWƆL

³⁸ Ewule beeŋ tɔr menyi be kasawule so, nɛ elɔr nɛ mbombiana kikɛ e wɔl to. Ade kikɛ beeŋ wora, ŋkpal manɛ so, agbirana e bɔlɔ menyi be kasawule so n shin nɛ men ki bewulpo.

Jɛremaya 50:38 ပူးပေါင်းရင်းမြစ်များ

Jɛnesis 8:1

Saŋɛ nɛ kuloŋgboŋ na daa deŋ nchu na so na Ebɔrɛ daa maŋ teŋ Nowa nɛ asɔbɔya nɛ b wɔ kuloŋgboŋ na to na so kikɛ. E daŋ shin nna nɛ afu fara a chela kasawule so nɛ nchu na fara a gberge.

Aizaaya 44:25

Ma katiŋ to nɛ anebi fɛpoana bee ku efɛ a ki befɛpo, nɛ bekpalpo malɛ bee ki bewulpo. Emamachisheŋ nɛ mee wora e naa shin nɛ dimɛdi be kanyiasheŋ bee ki kawulisheŋ.

Aizaaya 44:27

Jemanɛ kikɛ nɛ mee sha fanɛ eteku nɛ mbombi kikɛ e wɔl to, mee malga kenishipereso nna nɛ a bee wɔl to.

Jɛremaya 50:12

Menyi alɛ gba be kadegboŋ nɛ baa tre Babilɔnia na to be basa beeŋ ŋaba nseŋ ji anishinyɔr. Babilɔn be efuli na malɛ gbagba beeŋ ki efuliana kikɛ to be kumo nɛ k maaŋ baa kɔ ketre. K beeŋ ki keshishɛrsawule nɛ nchu maaŋ baa wɔ kumo so.

Jɛremaya 50:2

“Bɔ baru na nseŋ ber kumo be kubomboŋ n sa efuliana na! M maŋ tuta na so nseŋ ber baru na be kubomboŋ! Sa maŋ ta kumo fanɛ ashiri be kesheŋ! Babilɔn be efuli na beeŋ kɔ n tɔr! Bumo be kegbir nɛ baa tre Maaduk na e bure to; nɛ anishinyɔr a ji bumo be agbirana kikɛ.

Jɛremaya 51:44

Meeŋ gberge Babilɔn be kegbir nɛ baa tre Maaduk na kusoe, nseŋ shin nɛ k laŋɛ asɔ nɛ k yuri na n sa amowuraana. Kumo be kaman efuli pɔtɛana be basa maaŋ naŋ bar ŋkɛ m ba bunyaŋ kumo. Nɛ Babilɔn be egbalana e bure n tɔr.”

Jɛremaya 51:47

Ŋkpal manɛ so, jemanɛ ko bee ba, nɛ ŋ gberge Babilɔn be agbirana kusoe. Esa kama nɛ e wɔ efuli na so beeŋ wu, nɛ efuli na be basa kikɛ e ji anishinyɔr.

Jɛremaya 51:52

K maaŋ chɛr nɛ n ta kena ŋ gberge Babilɔn be efuli so be agbirana kusoe, nɛ kumo be basa e doro n dese kaplɛkama a tekeŋ.

Jɛremaya 51:7

Babilɔn daa du fanɛ shuwa be kawiebi nɛ ma, Enyɛnpe Ebɔrɛ na be agbo daŋ bɔlɔ kumo nna, nɛ k shin nɛ durnya be efuli kikɛ so be basa nuu kawiebi na to m boo nseŋ daa wora asheŋ fanɛ b ka bee lɔ eboŋ na.

Danɛl 5:4

nsaa di bumo be agbir nɛ b ta shuwa nɛ gbiti nɛ danyaŋ nɛ abɛlso nɛ ndibi nɛ ajembu n lɔŋɛ na epaŋ.

Ashuŋ Shunso 17:16

Pɔɔl ka wɔ Atens a jo Sailas nɛ Timoti nseŋ wu kananɛ agbir bɔlɔ kade na to nɛ mbe kagbene jija mo ga.

Kelaraŋŋini 16:12

Nɛ malaika shesopo na malɛ ta mbe katishaŋ nɛ agbo na n chulgi n wurge lɔrgboŋ nɛ baa tre Yufreetes na so nɛ kumo be nchu kikɛ feeto nɛ k wɔl n lɔŋɛ ekpa a dese a jo bewura mo nɛ b shi bɔrɛfito na.

Kelaraŋŋini 17:5

Le be wulo be ketre ere nɛ b daŋ sibɛ n deŋi mbe kasɔto so: “Babilɔn lempo, kesakaleajipoana bumo nio nɛ emo nɛ kasawule so be alemaŋkar be alubi kikɛ shi mo kutɔ.”

Demujipoana 6:30

Nɛ b ya kaŋɛ Joash: “Shin nɛ fo pibinyɛn na e lar m ba. E daga luwu, ŋkpal manɛ so, mo e ya bure Baal be kegbirsure nseŋ naŋ ku Ashira be kedibi nɛ k yil m mata kumo na n lɛ na.”