Jɛremaya 50:37 - EBƆRƐ BE KAWƆL

³⁷ Bedoŋ beeŋ mur menyi be egbaŋɛ nɛ amo be eturko, nɛ benapo nɛ men ya haya m ba na kikɛ! Menyi be benapo na beeŋ pɔ fanɛ beche, nɛ bedoŋ e mur menyi be asɔ lela kikɛ, nseŋ muu amo nɛ baa sha n yɔ.

Jɛremaya 50:37 ပူးပေါင်းရင်းမြစ်များ

Nshɛ 46:9

E shin nɛ kena loge durnya to. E buri benapo be atanyembi nɛ akpa to nseŋ chɔɔ bumo be asɔ kuŋso kikɛ.

Nshɛ 76:6

Jeekɔb be Ebɔrɛ, fo ka ponte to, egbaŋɛ nɛ bumo be bediipo kikɛ tɔr nna n wu a dese shruum.

Aizaaya 19:16

Jemanɛ ko bee ba nɛ Ijipt be basa e paŋ kenyɛn fanɛ beche na. B baŋ wu fanɛ Enyɛnpe Ebɔrɛ na bee sha kegberge bumo kusoe nɛ kufugboŋ e tɔr bumo so nɛ b baa chicha.

Aizaaya 45:3

Ma alɛ beeŋ sa fo asɔ lela nɛ a ŋana ashiri be mboŋ, nɛ basa bee sha amo ga na. Saŋɛ na so feeŋ pin fanɛ ma e la Enyɛnpe Ebɔrɛ na; nseŋ naŋ pin fanɛ Israɛl be Ebɔrɛ na e ti fo ketre n tre fo.

Jɛremaya 48:41

Baaŋ kɔ n suge ndeana na nɛ mboŋ lempoana na kikɛ. Loŋ be kachɛ na kufu beeŋ pɛ Mowab be benapo fanɛ kananɛ kufu bee pɛ eche nɛ kakurge ta mo na.

Jɛremaya 50:10

Baaŋ ba fuu Babilɔn be asɔ kama nɛ baa sha na n yɔ. Ma, Enyɛnpe Ebɔrɛ e kaŋɛ na.”

Jɛremaya 50:26

Babilɔn mo doŋana, men shi kufɔ kufɔ m ba kɔ mo kena m bure mboŋ nɛ baa yili bumo be ayu be yiri yiri na. Kumo be kaman nɛ men chala asɔ nɛ men suge na abar so fanɛ ayu ka biti abar so na. Men mur efuli na kikɛ nsaa maŋ yige shɛŋ n sa bumo.

Jɛremaya 51:21

Fo koŋwule na nɛ mee ta a beri egbaŋɛ nɛ amo be bediipo a mɔ; nsaa pechɛ egbaŋɛturko nɛ amo be befarpo to.

Jɛremaya 51:22

Fo nɛ mee ta a mɔ benyɛn nɛ beche, nɛ basakpar nɛ mbifɔlbi nɛ mbinyɛnsobi nɛ mbichesobi kikɛ.

Jɛremaya 51:30

Babilɔn be benapo na be eleŋ nɛ kenyɛn lar bumo to nɛ b ki fanɛ beche. Bumo kikɛ yige kena be kekɔ nna nseŋ shir a wɔ bumo be mboŋ lempoana. Bedoŋ bure kadegboŋ na be mbunagboŋ na n luri to a chɔɔ Babilɔnebi na be nwu.

Jɛremaya 51:4

Babilɔn be benapo na beeŋ nya edoro n wu n tɔr bumo be ndegboŋana be agbembi so.

Ezikɛl 30:5

Benapo nɛ b ya haya ashi Itiopia nɛ Libiya nɛ Lidiya n Areebia nɛ Kub be efuliana so na nɛ ma basa gbagba to be basa damta beeŋ wu kena na to.”

Ezikɛl 39:20

Ndoŋ beeŋ ki fanɛ ma ejikpa nɛ b we egbaŋɛ nɛ bumo be bediipo nɛ basa gboŋ nɛ benapo be yiri yiri be eblaŋ m mɔɛ m baŋ bumo be amu so.”

Nahum 2:13

Nɛ Enyɛnpetale Ebɔrɛ na kaŋɛ: “Ninɛveebi, men ki ma doŋana nna na, meeŋ chɔɔ menyi be egbaŋɛturko nseŋ shin nɛ b mɔ menyi be benapo kena to. Ma alɛ beeŋ naŋ shin nɛ b sɔ asɔ nɛ men suge beko kutɔ na, ekama malɛ maaŋ tuge menyi be mbɔ kikɛ.”

Nahum 3:13

Fo benapo du fanɛ beche nna nɛ shɛŋ malɛ maa kuŋ fo kasawule na ashi fo doŋana be enɔ to. Edɛ beeŋ chɔɔ ndibi nɛ baa ta a ber fo mbunagboŋ so na.

Heegai 2:22

Ma alɛ beeŋ gboŋi bewura nseŋ m mur bumo be kuwurjiana. Meeŋ melgi bumo be egbaŋɛturko m buu nseŋ shin nɛ bumo be egbaŋɛ e wu nɛ bediipo na malɛ e kilgi a mɔ abar.