Jɛremaya 50:36 - EBƆRƐ BE KAWƆL

³⁶ Luwu beeŋ ba bumo be anebiana nɛ b la bewulpo nsaa ku efɛ na so! Luwu beeŋ ba bumo be benapo so, nɛ kufugboŋ e tɔr bumo so!

Jɛremaya 50:36 ပူးပေါင်းရင်းမြစ်များ

2 Samuɛl 15:31

B ka kaŋɛ Deevid fanɛ Ahitofɛl gba ti Absalɔm so nna, nɛ e kule Ebɔrɛ le: “Enyɛnpe Ebɔrɛ, jande shin nɛ Ahitofɛl be nfɛra nɛ e beeŋ sa Absalɔm na e ki nfɛra fuloŋ!”

2 Samuɛl 17:14

Ndoŋ nna nɛ Absalɔm nɛ mbe bebɛsopo na kaŋɛ le: “Hushai be kasotoji ere bɔ Ahitofɛl peya na, ŋkpal manɛ so, Enyɛnpe Ebɔrɛ na e yili kumo fanɛ b sa maŋ bɛ Ahitofɛl be kasotoji na so, saŋɛ na so Absalɔm beeŋ luri asheŋ to.

2 Kronikɛls 25:16

Nɛ ewura Amaziya ku mbe kamalga na to ŋ kaŋɛ le: “Saŋɛ mo nɛ an ta fo ŋ ki ewura be asoetojipo? Lo fo kɔnɔ na pɔɛŋ nɛ n shin nɛ b ba mɔ fo ndoŋ!” Anebi na ka jo nɛ e malga n loge, nɛ mo alɛ kaŋɛ le: “Naniere nɛ m pin fanɛ Ebɔrɛ bee sha kemur fo nna ŋkpal fo ka kplaŋ ma kasotoji so nseŋ wora asheŋ ere kikɛ so.”

Aizaaya 43:14

Kusɔ nɛ Enyɛnpe, Israɛl be Ebɔrɛ cheembi nɛ e mɔlga bumo na kaŋɛ nde: “Meeŋ shuŋi benapo ko nɛ b ba kɔ Babilɔn be efuli so be basa kena nseŋ mɔlga menyi. Ma alɛ beeŋ buri kadegboŋ na be mbunagboŋ to, nseŋ shin nɛ benapo na e ta Babilɔn be basa n wɔtɔ bumo gbagba be ekuloŋgboŋ to n sulɔ bumo a yɔ nɛ b baa boŋ to a shu.

Aizaaya 44:25

Ma katiŋ to nɛ anebi fɛpoana bee ku efɛ a ki befɛpo, nɛ bekpalpo malɛ bee ki bewulpo. Emamachisheŋ nɛ mee wora e naa shin nɛ dimɛdi be kanyiasheŋ bee ki kawulisheŋ.

Jɛremaya 48:30

Ma, Enyɛnpe Ebɔrɛ na nyi bumo be ŋkpensheŋ, ama bumo be mpuchi maaŋ tiŋ m mɔlga bumo.

Jɛremaya 49:22

Bedoŋ na beeŋ ba kɔ Bozra be basa eleŋso fanɛ kusore ka ber atɛ to ŋ gbelge m ba kasawule so eleŋso na. Kachɛ na kaŋ fo, Edɔm be benapo be ŋgbene beeŋ jija bumo ga fanɛ eche nɛ kakurge ta mo na.”

Jɛremaya 50:30

Amoso bumo be mbrantiɛfɔlbi beeŋ wu n dese kadegboŋ na be agbembi so nɛ bumo be benapo kikɛ e mur loŋ be kachɛ na. Ma, Enyɛnpe Ebɔrɛ e kaŋɛ na.”

Jɛremaya 51:23

Fo nɛ mee ta a mɔ mbolpɔkpapoana nɛ bumo be mbolpɔ, nɛ bedɔpo nɛ bumo be ana dɔso, nɛ bewurjipoana nɛ bumo be benimuana kikɛ.”

Jɛremaya 51:30

Babilɔn be benapo na be eleŋ nɛ kenyɛn lar bumo to nɛ b ki fanɛ beche. Bumo kikɛ yige kena be kekɔ nna nseŋ shir a wɔ bumo be mboŋ lempoana. Bedoŋ bure kadegboŋ na be mbunagboŋ na n luri to a chɔɔ Babilɔnebi na be nwu.

Jɛremaya 51:32

Bedoŋ teŋ ŋ kɔ n suge kakpa nɛ baa bɔla a dii lɔr be kaba ndoŋ na nseŋ nya edɛ n wɔtɔ mboŋ lempoana na to. Kufu tɔr Babilɔn be benapo na so nna.

Nahum 2:8

Kadegboŋ nɛ baa tre Ninɛve na bure nna nɛ kumo to be basa bee shile fanɛ kepa ka bɔlɔ m bu nɛ kumo to be nchu bee shile na. Beko bee ponte a kaŋɛ: “Yili! Yili!” Ama ekama maŋ yili nseŋ bɛta a ba.

Nahum 3:13

Fo benapo du fanɛ beche nna nɛ shɛŋ malɛ maa kuŋ fo kasawule na ashi fo doŋana be enɔ to. Edɛ beeŋ chɔɔ ndibi nɛ baa ta a ber fo mbunagboŋ so na.

Nahum 3:7

Bekama nɛ baaŋ wu fo beeŋ shile fo nseŋ kaŋɛ le: ‘Ninɛve e bure a dese na, wanɛ e naŋ shu n sa mo? Nnɛ nɛ meeŋ nya esa nɛ e lolo mo?’ ”

1 Timoti 4:2

Le be keŋini ere shi kebirkɔnshi be befɛpo nɛ nfɛra lubi deŋ bumo na kutɔ nna.

1 Timoti 6:4

Loŋ be esa bee kaa ta mbe kasha kikɛ nna a wɔtɔ emɔrɔ be keji to nsaa kpal mmalga so a bile. Asheŋ ere kikɛ malɛ e naa bar yurkishi nɛ kolu nɛ basa be kebaatege abar nɛ kebirkɔnshi be kebaawora abar basa to

Kelaraŋŋini 19:20

Nɛ b pɛ kusɔbɔya na n ta anebi fɛpo mo nɛ e daŋ wora emamachisheŋ damta kusɔbɔya na be anishito na n ti so. Emamachisheŋ na nɛ e daŋ ta n fule bumo nɛ b daŋ nya kusɔbɔya na be ndulgi na nseŋ maŋ mbe kaduli so na. B daŋ ta kusɔbɔya na nɛ anebi fɛpo na nna ŋ kpa n wɔtɔ edɛ mo nɛ jɛrbi wɔ amo to a chɔɔ na to nna nɛ b kraa keni.

Kelaraŋŋini 21:8

Ama befupo bre nɛ bumo nɛ b maa yirda na nɛ basa jiga nɛ bemɔpo nɛ kesakaleasheŋ wuraana nɛ bumo nɛ baa wora ŋ kilgi nɛ agbirshumpoana nɛ befɛpo kikɛ bre kikɛ be kaboŋ e la edɛ be kepa nɛ jɛrbi wɔ kumo to a chɔɔ na to. Ndoŋ be luwu e la luwu nyɔsopo na.”

Kelaraŋŋini 22:15

Bumo nɛ b la njɔnɔ nɛ basa nɛ baa wora ŋ kilgi nɛ kesakaleawuraana nɛ bemɔpo nɛ agbirshumpoana nɛ esa kama nɛ e bee sha nsaa bɛ efɛsheŋ kama so na nawule e maŋ wɔ kadegboŋ na to.