Jɛremaya 50:35 - EBƆRƐ BE KAWƆL

³⁵ Le nɛ Enyɛnpe Ebɔrɛ na kaŋɛ: “Luwu beeŋ ba Babilɔn be efuli so! K beeŋ ba kumo be basa kikɛ so nna, bewurjipoana nɛ benyiashempo kikɛ.

Jɛremaya 50:35 ပူးပေါင်းရင်းမြစ်များ

Aizaaya 29:14

Amoso meeŋ wora asheŋ nɛ a beeŋ chinchiŋ bumo nseŋ chɔɔ bumo be ŋgbene to nɛ bumo be nnɔ e mɔ bumo. Bumo to be benyiashempo beeŋ ki bewulpo nɛ bumo be kashennyi e ki jiga.”

Aizaaya 41:25

Ma, Enyɛnpe Ebɔrɛ na lara esa ko nɛ e wɔ epeŋilarkpa. Men shin nɛ e shi kelargato be esoso m ba kɔ kena. E bee chichi bewura so nna fanɛ b ka la eshii, ŋko fanɛ kananɛ mpuliya be epɔrpo bee chichi ebɔ so na nna.

Aizaaya 44:25

Ma katiŋ to nɛ anebi fɛpoana bee ku efɛ a ki befɛpo, nɛ bekpalpo malɛ bee ki bewulpo. Emamachisheŋ nɛ mee wora e naa shin nɛ dimɛdi be kanyiasheŋ bee ki kawulisheŋ.

Aizaaya 45:1

Enyɛnpe Ebɔrɛ na e ta Sairus ŋ ki Pɛshiya be efuli so be ewura! E lara mo nna nɛ e kɔ m pɔɔ efuliana so nseŋ lara bewura ashi kuwurji to. Enyɛnpe Ebɔrɛ na beeŋ bugi ndegboŋ be mbunagboŋ kikɛ n sa mo nseŋ kaŋɛ mo le:

Aizaaya 66:16

Edɛ nɛ tokobi nɛ Enyɛnpe Ebɔrɛ na kɔ ba nɛ e ba ji durnya to be basa kikɛ demu nɛ basa damta nɛ baaŋ ji n tɔr na e wu.

Jɛremaya 10:7

Fo e naa ji efuliana na kikɛ so kuwura. Ekama daga fanɛ e maŋkura fo ga nna. Ashi durnya ere to be kaplɛkama, dimɛdi kikɛ maŋ nyi asheŋ a chɔ fo.

Jɛremaya 47:6

Menyee shu a kaŋɛ le: ‘Enyɛnpe Ebɔrɛ be Tokobi! Saŋɛ mo nɛ feeŋ yige anyi be kemɔ? Bɛta n luri fo efar to n ya kaa wɔ kumo to a wushi!’

Jɛremaya 50:27

Men mɔ bumo be benapo kikɛ. Babilɔn be basa wu asheŋ pasaa! Ŋkpal manɛ so, bumo be kasogberge be jemanɛ fo!”

Jɛremaya 50:30

Amoso bumo be mbrantiɛfɔlbi beeŋ wu n dese kadegboŋ na be agbembi so nɛ bumo be benapo kikɛ e mur loŋ be kachɛ na. Ma, Enyɛnpe Ebɔrɛ e kaŋɛ na.”

Jɛremaya 51:39

Akoŋ ka kɔ bumo ere bre, meeŋ wora kejigboŋ n sa bumo. Baaŋ ji bumo be amu nseŋ boo; kumo be kaman nɛ b dese n di, nsaa maaŋ naŋ koso kikɛ!

Jɛremaya 51:47

Ŋkpal manɛ so, jemanɛ ko bee ba, nɛ ŋ gberge Babilɔn be agbirana kusoe. Esa kama nɛ e wɔ efuli na so beeŋ wu, nɛ efuli na be basa kikɛ e ji anishinyɔr.

Jɛremaya 51:57

Ma, Enyɛnpetale Ebɔrɛ nɛ n la Ewura kashenteŋto na, bee nase kɔnɔ fanɛ meeŋ shin nɛ Babilɔn be benimuana nɛ benyiashempo nɛ bejuŋkparpo nɛ benapo kikɛ e boo, nseŋ dese n di a maaŋ naaŋ tiŋ ŋ koso kikɛ.

Jɛremaya 8:9

Menyi be benyiashempo ka kini ma, Enyɛnpe Ebɔrɛ na be kamalga so, baaŋ ji anishinyɔr nseŋ wulto to e maaŋ naa nyi asheŋ.

Ezikɛl 14:2

Ndoŋ nna nɛ Enyɛnpe Ebɔrɛ na kaŋɛ ma le:

Danɛl 5:30

Loŋ be kanyɛso gbagba nɛ b mɔ Babilɔn be ewura Bɛlshaaza na.

Hoziya 11:6

Baaŋ ta kena n luri bumo be nde to n jija bumo be kadegboŋ be kabuna to be akuloŋgboŋ na, nɛ kusɔ nɛ baa fɛ baaŋ wora na e jija.

Levitikɔs 26:25

Meeŋ shin bedoŋ e kɔ menyi kena ŋ gberge menyi kusoe ŋkpal men ka wora n da ma nɛ menyi be kɔnɔkoŋwule be ŋkre na so, nseŋ gama abar so ashi menyi be ndegboŋana to a fin kumɔlga menyi be amu so. Ma alɛ beeŋ naaŋ shin nɛ alɔ nɛ a maŋ kɔ kechɛ e tɔr menyi so n nyaŋ menyi nɛ men gbagba a ta menyi be amu m bɔɔ men doŋana enɔ.

Zakareya 11:17

Asheŋ maaŋ nyalɛ n sa loŋ be mbolpɔkpapo jiga nɛ e yige mbe mbolpɔ n lɛ na! Mbe eleŋ kikɛ beeŋ mur ashi kena to. Mbe kabre beeŋ wu, nɛ mbe jisoso be kenishi malɛ e tan!”