Jɛremaya 50:32 - EBƆRƐ BE KAWƆL

³² Menyi be efuli nɛ kamoowu bɔlɔ kumo to na beeŋ fiti n tɔr nɛ esa kikɛ maaŋ chɛ to n niŋi kumo to n yili. Meeŋ shin nɛ menyi be ndegboŋana e ji edɛ nɛ asɔ kama nɛ a kulti menyi na kikɛ e mur.”

Jɛremaya 50:32 ပူးပေါင်းရင်းမြစ်များ

Nshɛ 119:78

Shin nɛ kamoowuwuraana e ji anishinyɔr ŋkpal b kaa bee ku efɛ a deŋi ma so; ma ere beeŋ ta fo mbra n wɔtɔ kumu to a fɛ amo be asheŋ.

Aŋasa 16:18

Kamoowu e naa yɛr esa kemur to nɛ ŋkpensheŋ malɛ bee bar esa kaseto.

Aŋasa 18:12

Kamoowu bee yɛr esa kemur to nna; ama kamoobarase bre bee sa esa kemaŋkura nna.

Jɛremaya 21:14

Meeŋ gberge menyi kusoe ŋkpal kusɔ nɛ menyee wora so. Meeŋ shin nɛ edɛ e ji menyi be ewurkpa nseŋ chɔɔ kusɔ kama nɛ k kulti kumo na m mur. Ma, Enyɛnpe Ebɔrɛ e kaŋɛ na.”

Jɛremaya 49:27

Meeŋ nya edɛ n wɔtɔ Damaskɔs be nwu to nseŋ chɔɔ ewura Bɛnhadad be ewurkpa lempoana n lɛ. Ma, Enyɛnpe Ebɔrɛ e kaŋɛ na.”

Jɛremaya 51:26

Esa maaŋ naaŋ tiŋ n ta fo ajembu nɛ a bure to a dese na be kekama m pɔr kikɛ. Feeŋ ki keshishɛrsawule a dese fuloŋ mbaanaayɔ. Ma, Enyɛnpe Ebɔrɛ e kaŋɛ na.

Jɛremaya 51:64

‘Kananɛ kejembugboŋ ere nɛ kawɔl ere muni nchu ere to ere nɛ Babilɔn be efuli gba beeŋ muni nsaa maaŋ naŋ tiŋ n lar jemanɛ nɛ Enyɛnpe Ebɔrɛ na beeŋ mur kumo na. Esa kama nɛ e wɔ kadegboŋ na to beeŋ wu nɛ efuli na maaŋ naŋ nya eleŋ ŋ koso kikɛ.’ ” Anebi Jɛremaya be kɔnɔ be ekar nna na.

Danɛl 5:20

Ama ŋkpal e ka maa wu kuwɔr nsaa kɔ kumu kpakpaso nɛ kamoowu nɛ ŋkpensheŋ so, b daŋ gboŋi mo kuwura nna nɛ e paŋ mbe bunyaŋ be eyilikpa.

Eemɔs 1:10

Amoso meeŋ shin nɛ edɛ e ba chɔɔ Tayɛ be kumɔlga be mboŋ nɛ a wɔ kumo be egbal nɛ b pɔr ŋ kulti kumo na so kikɛ cheche.”

Eemɔs 1:12

Amoso meeŋ shin nɛ edɛ e ya chɔɔ Edɔm be efuli so be nde nɛ baa tre Teman na, nɛ Bozra be kumɔlga be mboŋ na kikɛ cheche.”

Eemɔs 1:14

Ŋkpal loŋ so meeŋ shin nɛ edɛ e tɔr egbal nɛ b pɔr ŋ kulti Ammɔn be efuli so be kadegboŋ nɛ baa tre Raaba na so n chɔɔ kumo be kumɔlga be mboŋana. Kumo be kamɔnchɛ benapo beeŋ cha kena to be awɔr nseŋ kɔ kena fanɛ afugboŋ ka bee ber na.

Eemɔs 1:4

Meeŋ shin nɛ edɛ e ya chɔɔ lambu nɛ ewura Haziɛl pɔr na nɛ ewura Bɛnhadad be kumɔlga be mboŋ lempo na kikɛ cheche.

Eemɔs 1:7

Meeŋ shin nɛ edɛ e ba chɔɔ Gaaza be kade to be kumɔlga be mboŋ lempo nɛ a wɔ egbal nɛ b pɔr ŋ kulti kade na so na kikɛ cheche.

Eemɔs 2:2

Amoso meeŋ shin nɛ edɛ e ya chɔɔ kade nɛ baa tre Kiriɔf nɛ k wɔ Mowab be efuli so na be kumɔlga be mboŋ lempo na. Kena to be awɔr beeŋ cha n nɛ b baa foŋ kena to be mbel saŋɛ nɛ mee mur Mowabebi na.

Eemɔs 2:5

Ŋkpal loŋ so meeŋ shin nɛ edɛ e ba Juda be efuli so m ba chɔɔ Jerusalɛm be kumɔlga be mboŋ lempo kikɛ.”

Eemɔs 5:2

Ma eshapo lela Israɛl, tɔr a dese kasawule, a maŋ naŋ tiŋ nɛ e koso! Nɛ b kplaŋ mo so ashi mo gbagba be efuli so. Esa kama maŋ chɛ mo to nɛ e niŋito.

Ditɛronɔmi 32:22

Kumo be kaman nɛ ma agbo e suse fanɛ edɛ n chɔɔ kusɔ kama durnya to, n ta menyi be adɔ n ti so. Edɛ na beeŋ chɔɔ hale bubuni to ashi kasawule to nseŋ naŋ chɔɔ abeeana gba m mur.

Kelaraŋŋini 18:8

Ŋkpal loŋ so, mbe etɔrɔ kikɛ beeŋ tu mo kachɛ koŋwule. A beeŋ baa la luwu nɛ kushu nɛ akoŋ. Edɛ beeŋ ji mo, ŋkpal manɛ so, Enyɛnpe Ebɔrɛ nɛ e bee ji mo demu na la elempo nna.”