Jɛremaya 50:27 - EBƆRƐ BE KAWƆL

²⁷ Men mɔ bumo be benapo kikɛ. Babilɔn be basa wu asheŋ pasaa! Ŋkpal manɛ so, bumo be kasogberge be jemanɛ fo!”

Jɛremaya 50:27 ပူးပေါင်းရင်းမြစ်များ

Job be kawɔl 18:20

Yili epeŋilarkpa n ya fo epeŋitɔrkpa esa kama nɛ e nu bumo be asheŋ, kufugboŋ beeŋ tɔr amodoŋwura so nɛ e baa chicha.

Nshɛ 22:12

Bedoŋ damta e kulti ma n wɔtɔ fanɛ apuntona. B kɔ eleŋ nna nseŋ lubi fanɛ Bashan be efuli so be egbolu.

Nshɛ 37:13

Ama Enyɛnpe Ebɔrɛ na bee mushe belubiworapo nna, ŋkpal bumo be kasogberge be saŋɛ ka maaŋ chɛr nseŋ ba so.

Aizaaya 21:12

Ndoŋ nna nɛ ŋ kaŋɛ mo: “K maaŋ chɛr nɛ kare e chɛ, ama kanyɛ kraa beeŋ naŋ biri. Nɛ fo kraa sha kenaŋ pin to n ti so, kumo ere fo naŋ bɛta m ba bishi to.”

Aizaaya 34:6

Bumo be ŋklaŋ beeŋ gbiti Enyɛnpe Ebɔrɛ na be tokobi na fanɛ kananɛ mbolpɔ fɔlbi nɛ mboe nɛ b ta n lara esarga be ŋklaŋ bee gbiti nsaŋɛbi na. Ŋkpal manɛ so, Enyɛnpe Ebɔrɛ na beeŋ mɔ basa damta n ta bumo n lara sarga ashi kadegboŋ nɛ baa tre Bozra na nɛ Edɔm be efuli so be kaplɛkama.

Aizaaya 34:7

Basa na beeŋ wu n tɔr fanɛ egbolufɛlso nɛ egbolufɔlbi, nɛ bumo be ŋklaŋ e pere kasawule so nɛ nfɔ e sɔ kaplɛkama.

Jɛremaya 12:3

Ama, Enyɛnpe Ebɔrɛ, fo nyi ma nɛnɛ. Fee wu kusɔ nɛ mee wora nsaa nyi kananɛ mee sha fo. Amoso Enyɛnpe Ebɔrɛ, gberge n doŋana n ya mɔ fanɛ mbolpɔ.

Jɛremaya 25:34

Enyɛnpe Ebɔrɛ na be basa du fanɛ mbe mbolpɔ nna nɛ menyi bejuŋkparpoana na malɛ du fanɛ mbolpɔkpapoana. Ama naniere saŋɛ fo nɛ b mɔ menyi fanɛ ekpakpa, amoso men baa shu awɔrso nsaa dese shishɛr to a melti. Ŋkpal manɛ so, baaŋ kpla menyi to fanɛ kapuya ka bure to a dese na.

Jɛremaya 27:7

Efuliana na kikɛ be basa beeŋ shuŋ Ewura Nebukadneeza nɛ mbe mbia nɛ mo nanabiana fanɛ anya n ya fo fanɛ bedoŋ ka beeŋ ba mur mbe efuli na gba. Kumo be kaman nɛ efuliana nɛ e kɔ yuku ga nɛ bewurgboŋana e ba abar so m ba tintiŋ mbe efuli so be basa nɛ b shuŋ bumo fanɛ anya.

Jɛremaya 46:21

Benapo nɛ e ber paa na gba du fanɛ anabi nɛ a ji n daŋ n wora ŋku nna. Bumo alɛ gba beeŋ kilgi n lara keya n shile; b maaŋ yili n tu bedoŋ na ŋ kɔ, ŋkpal manɛ so, jɛrbi be kachɛ bee ba bumo so nna, nɛ bumo be kasogberge be saŋɛ fo.

Jɛremaya 48:10

Mee sha fanɛ men mɔ Mowabebi na nna; men kaŋ shin nɛ b nya n shile m mɔlga bumo be amu meeŋ sho menyi kɔnɔ.”

Jɛremaya 48:15

Ama ma e la Enyɛnpe Ebɔrɛ; Ewura nɛ e kɔ eleŋ ga na. Mee nase kɔnɔ nna fanɛ bedoŋ beeŋ ba kɔ kena m pɔ menyi be ndeana so. Menyi be benapo lempo gba beeŋ wu kena na to.

Jɛremaya 48:44

Esa kama nɛ e beeŋ nya n shile kenishipere gboŋgboŋi na to na beeŋ tɔr amaŋgboŋ na to. Ekama nɛ e beeŋ nya n dii n lar amaŋgboŋ na to malɛ beeŋ tɔr ajigbelɛ na to nɛ a pɛ mo, ŋkpal manɛ so, Enyɛnpe Ebɔrɛ teŋ n yili jemanɛ nɛ Mowab be efuli na beeŋ nya kumo be kasogberge nna.

Jɛremaya 50:11

Ade be kaman nɛ Enyɛnpe Ebɔrɛ na naŋ kaŋɛ le: “Babilɔn be basa, men daŋ suge ma basa be asɔ nna nɛ k par menyi ga nɛ menyee wora awɔr fanɛ mbrantiɛfɔlbi nɛ baa beri ayu ŋko gbaŋɛ ka bee shu na.

Jɛremaya 50:31

“Kamoowu e baŋ bɔlɔ Babilɔn be efuli so be basa to, amoso, ma, Enyɛnpetale Ebɔrɛ na maaŋ yige bumo kikɛ. Jemanɛ fo nɛ b nya bumo be kasogberge.

Jɛremaya 51:40

Meeŋ gberge bumo n yɔ luwu to, fanɛ kananɛ baa gberge mbolpɔ ŋko mbolpɔfɔlbi nɛ mboe n ya kaa mɔ na.

Nfabel 1:21

Ekama nu anyi ka bee munto a shu, ama esa kikɛ maŋ wɔtɔ nɛ e lolo anyi. An doŋana nyi etɔrɔ nɛ fo, Enyɛnpe Ebɔrɛ na, bar anyi so, nɛ bumo be ŋgbene fuli bumo ŋkpal loŋ so. Jande, nya manaŋ ŋ gberge bumo kusoe, fanɛ kananɛ fo nase kɔnɔ na.

Kelaraŋŋini 18:10

Ebesa mo nɛ e beeŋ ji na be asheŋ beeŋ pɛ bumo kufu nɛ b yili kufɔ nseŋ kaŋɛ: “O fo, kadegboŋ ere, asheŋ nya fo, asheŋ nya fo. O Babilɔn, eleŋ be kadegboŋ, awa koŋwule nawule to nɛ fo ta n nya fo kasogberge na.”

Kelaraŋŋini 19:17

Nɛ n wu malaika ko ka yil epeŋi so nseŋ malga awɔrso ŋ kaŋɛ mbuibi nɛ a bee firgi kumu so na kikɛ le: “Men ba. Men shɛr Ebɔrɛ be kejigboŋ na ase