Jɛremaya 50:24 - EBƆRƐ BE KAWƆL

²⁴ Babilɔn be efuli so be basa na daŋ to ma emaŋ nna a kɔ ma. Naniere kejigbelɛ nɛ n fe menyi na pɛ menyi nɛ menyi maŋ nyi gba.

Jɛremaya 50:24 ပူးပေါင်းရင်းမြစ်များ

Job be kawɔl 15:25

Kusɔ nɛ k beeŋ ba basa nɛ b kini Ebɔrɛ nseŋ lar Enyɛnpetale Ebɔrɛ kaman n ta akɔsɔ a kɔ Ebɔrɛ nna na.

Job be kawɔl 40:2

“Ma e la Enyɛnpetale Ebɔrɛ na, ama fo, Job malga ŋ kasar ma ŋ kaŋɛ fanɛ m maŋ wora n nyalɛ. To, sa ma mmalga nɛ m bishi fo na be atuwebi naniere.”

Job be kawɔl 40:9

Fo eleŋ fo ma eleŋ so a? Fo ebɔl beeŋ tiŋ m ponte to fanɛ meya a?

Job be kawɔl 9:4

Ebɔrɛ nyi asheŋ nsaa kɔ eleŋ ga, esa kikɛ maaŋ tiŋ n tu mo n ji emɔrɔ m pɔɔ so.

Ɛksodɔs 10:3

Ndoŋ nna nɛ Mosis nɛ Ɛɛrɔn naŋ yɔ Fɛɛro kutɔ n ya kaŋɛ mo fanɛ Enyɛnpe Ebɔrɛ, Israɛlebi be Ebɔrɛ na yɛ: “Shin nɛ ma basa e yɔ, saŋɛ na so, baaŋ ya bunyaŋ ma.

Kaŋinichiŋgeliŋ 9:12

Fo maaŋ tiŋ m pin jemanɛ nɛ fo peya bee ba. Kananɛ abulbi bee pɛ mbuibi ŋko ewule bee pɛ ekɔrɔtɔ epul to na, aloŋ nɛ asheŋ lubi bee ba edimɛdi gba so.

Aizaaya 13:11

Ade be kaman nɛ Enyɛnpe Ebɔrɛ naŋ kaŋɛ le: “Meeŋ gberge efuli lubi ere nɛ kumo to be basa kusoe ŋkpal bumo be alubi so. Ma alɛ beeŋ bar ekama nɛ e bee maŋ mbe kumu so kaseto nseŋ gberge ekama nɛ e bee fɛ fanɛ e shi ga nsaa ŋini to, a kute a wɔtɔ basa ebesa to na kusoe.

Aizaaya 45:9

Israɛl, fo maŋ kɔ ekpa nɛ fo tu fo etopo n ji emɔrɔ. Fo du fanɛ kapuliya nɛ mpuliya pɔrpo ta ebɔ m pɔr nna. Ebɔ na maa bishi epɔrpo na le: ‘Manɛ nɛ fee wora?’ Kapuliya na malɛ gba maa bile asheŋ a kaŋɛ fanɛ epɔrpo na maŋ nyi mbe kushuŋ.

Jɛremaya 48:43

Kenishipere gboŋgboŋi nɛ k bee keta kufu nɛ amaŋgboŋ nɛ ajigbelɛ e dese a jo Mowab be basa.

Jɛremaya 48:44

Esa kama nɛ e beeŋ nya n shile kenishipere gboŋgboŋi na to na beeŋ tɔr amaŋgboŋ na to. Ekama nɛ e beeŋ nya n dii n lar amaŋgboŋ na to malɛ beeŋ tɔr ajigbelɛ na to nɛ a pɛ mo, ŋkpal manɛ so, Enyɛnpe Ebɔrɛ teŋ n yili jemanɛ nɛ Mowab be efuli na beeŋ nya kumo be kasogberge nna.

Jɛremaya 51:57

Ma, Enyɛnpetale Ebɔrɛ nɛ n la Ewura kashenteŋto na, bee nase kɔnɔ fanɛ meeŋ shin nɛ Babilɔn be benimuana nɛ benyiashempo nɛ bejuŋkparpo nɛ benapo kikɛ e boo, nseŋ dese n di a maaŋ naaŋ tiŋ ŋ koso kikɛ.

Jɛremaya 51:8

Ama Babilɔn gba beeŋ tɔr epul to m mur. Men shu n sa kumo be basa, nseŋ fin kudur n wɔtɔ bumo be achuu to, ashere baaŋ nya kechɛ.

2 Tɛsalɔnikaebi 2:4

Kusɔ kama nɛ enyiŋgbasa bee bɛ so a kaŋɛ fanɛ k shi Ebɔrɛ kutɔ nna ŋko a tre kumo kabɔrɛshuŋ, alubipo na beeŋ ji kumo emɔrɔ ŋ ki kumo doŋ. E beeŋ wu mbe kumu hale n ya luri n chena bɔrɛlambu na to a tre mbe kumu Ebɔrɛ.