Jɛremaya 50:20 - EBƆRƐ BE KAWƆL

²⁰ Loŋ be jemanɛ na kaŋ fo, kulubi kikɛ maaŋ naa wɔ Israɛl be efuli so, nɛ kumu kpakpaso kikɛ malɛ maaŋ naa wɔ Juda be efuli so. Ŋkpal manɛ so, meeŋ ta basa nɛ n yige bumo nɛ b ji efute na be alubi m paŋ bumo. Ma, Enyɛnpe Ebɔrɛ e kaŋɛ na.”

Jɛremaya 50:20 ပူးပေါင်းရင်းမြစ်များ

Nshɛ 103:12

Kananɛ epeŋilarkpa nɛ epeŋitɔrkpa barga abar a wɔ kufɔ na, aloŋ nɛ Enyɛnpe Ebɔrɛ na lara anyi be alubi ashi anyi so.

Nshɛ 17:3

Fo nyi ma kagbene to. Fo wora ma ŋ keni kanyɛso n wu fanɛ maŋ wora n jija. N yili kumo ma kagbene to fanɛ m maaŋ ku efɛ kikɛ.

Nshɛ 85:3

Fo daŋ kaa kagbene nna, n nya agbo n wɔtɔ bumo.

Aizaaya 1:9

Nɛ Enyɛnpetale Ebɔrɛ na daŋ maŋ shin nɛ basa na be beko ji efute, ndafanɛ Jerusalɛm gba mur cheche fanɛ kananɛ nde nɛ baa tre Sodɔm nɛ Gomɔra mur na.

Aizaaya 10:21

Israɛlebi na daa shi nna ga fanɛ teku ase be eshishɛr, ama bumo to be gbrɛbi e naaŋ ji efute nseŋ bɛta m ba Israɛl be Ebɔrɛ lempo na kutɔ. Ŋkpal manɛ so, e daŋ yili kumo nna fanɛ e beeŋ mur bumo be efuli na, kumo be loŋ malɛ daga bumo nna.

Aizaaya 33:24

Enyɛnpe Ebɔrɛ na beeŋ ta menyi be alubi m paŋ menyi, nɛ esa kama nɛ e wɔ anyi be kasawule so maaŋ naŋ fubel ŋ kaŋɛ le: “Mee lɔ nna!”

Aizaaya 43:25

Ma, e naa ta menyi be alubi a paŋ menyi, ŋkpal esa nɛ e la ma so. Ma alɛ maŋ naa nyiŋi alubi nɛ men wora ŋ gbiti ma na.

Aizaaya 44:22

Ma e fuge menyi be alubi fanɛ afu ka ber kuwɔlpa n ya lɛ na nna. Men bɛta m ba ma kutɔ. Ma e la esa nɛ e bee mɔlga menyi.”

Jɛremaya 31:34

Bumo be ekama maaŋ naŋ ŋini mo barkasa kananɛ e beeŋ wora m pin Enyɛnpe Ebɔrɛ na, ŋkpal manɛ so, bumo be bewura nɛ bebɔlpo kikɛ beeŋ pin ma nsaa wora ma kasonu. Ma alɛ beeŋ ta bumo be alubi m paŋ bumo nsaa maaŋ naŋ nyiŋi amo kikɛ. Ma, Enyɛnpe Ebɔrɛ e kaŋɛ na.”

Jɛremaya 33:15

Jemanɛ na kaŋ fo meeŋ lara ewura Deevid be kaman to ebi to be esa nɛ e bee wora asheŋ niŋiso m buu mo kuwura. E beeŋ baa wora kusɔ nɛ k niŋi nseŋ daga ashi kasawule na kikɛ so.

Jɛremaya 33:8

B daŋ wora alubi n da ma so nseŋ kini ma n lar ma kaman, ama ma alɛ beeŋ ta bumo be alubi nɛ bumo be kekini ma na m paŋ bumo.

Jɛremaya 44:14

Basa nɛ b daŋ ka a wɔ Juda be efuli so nseŋ lar m ba kaa wɔ Ijipt na be ekama maaŋ nya n shile m mɔlga mbe kumu ŋko n ji efute. Bumo to be esa koŋwule gba maaŋ bɛta n yɔ Juda, kakpa nɛ b naa yɛlga kebɛta n yɔ na. Bumo to be basa gbrɛbi ko e naŋ nya m bɛta n yɔ.”

Jɛremaya 50:4

Nɛ Enyɛnpe Ebɔrɛ na kaŋɛ: “Jemanɛ na kaŋ fo, Israɛl nɛ Juda be basa kikɛ beeŋ cha abar n shu anishichubi. Kumo be kaman nɛ b bɛta m ba bumo be kasawule so m ba bunyaŋ ma.

Nfabel 4:22

Zayɔn be kadegboŋ na to be basa bre teŋ ka bumo be alubi be kukɔ nna na. Enyɛnpe Ebɔrɛ na maaŋ naŋ shin nɛ an baa wɔ kenyaya to ashi efuli pɔtɛ wɔfɔ so. E beeŋ shin nɛ an bɛta m ba epe. Ama menyi Edɔm be efuli so be basa bre, e beeŋ gberge menyi kusoe nseŋ shin nɛ menyi be asheŋ lubi e dii efuli nɛ ekama e pin amo.

Ezikɛl 18:22

Baaŋ nya bumo be alubi kikɛ be ketampaŋ, ŋkpal b ka wora asheŋ nɛ a daga so.

Maika 7:19

Fo e naa wu anyi kuwɔr fanɛ kananɛ fo daa wora na. Fee chichi anyi be alubi so nna a ta amo a lɛ teku be kechimbi to.

Zefanaiya 3:12

Bekama nɛ b du boeŋ nsaa bar bumo be amu ase kashenteŋto na bre, m maaŋ ju bumo, ŋkpal b ka ta bumo be yirda n deŋi ma so so.

Zakareya 3:9

Kejembu nɛ ŋ kɔ a nase Joshuwa be anishito ere kɔ mba ashunu nna. Meeŋ sibɛ kusɔ ko n deŋi kumo so nseŋ ta kachɛ koŋwule n lara kasawule ere so ebi be alubi ashi bumo so.

Nɔmbɛs 23:21

Mee keni a wu fanɛ Israɛl be echefoso be kebaawɔtɔ maaŋ ba kɔ kumulubi nɛ tɔrɔ. Ŋkpal manɛ so Enyɛnpe, bumo be Ebɔrɛ na, wɔ bumo kutɔ nna. B yɛ, mo e la bumo be ewura.

Ashuŋ Shunso 3:19

Amoso, men lar menyi be alubi to nseŋ bɛta m ba Ebɔrɛ kutɔ nɛ e kpra menyi be alubi kikɛ n lɛ.

Ashuŋ Shunso 3:26

Amoso nɛ Ebɔrɛ lara mbe kenya Yesu n shin nɛ e ba menyi kutɔ pɔɛŋ m ba nɛfa menyi a shin nɛ menyi kikɛ bee lar menyi be alubi to na.”

Romebi 11:6

K ka baa la kuwɔr be kakɛ be asheŋ ere bre, k maŋ naa la ashuŋ shunso be asheŋ, nɛ k daa la ashuŋ shunso be asheŋ nna, kumo ere Ebɔrɛ be kuwɔr be kakɛ na daa maaŋ naa la kuwɔr be kakɛ.

Romebi 5:16

Kusɔ nɛ k lar kakɛ na malɛ gba be kaman naa chɔ kusɔ nɛ k lar esa koŋwule be kulubi na be kaman, ŋkpal manɛ so, Adam ka baŋ wora kulubi koŋwule na n loge nɛ kewora n da so be nfɛra ba. Ama alubi damta malɛ be kewora ka ba nɛ Ebɔrɛ be kuwɔr be kakɛ shin nɛ kejinlar Ebɔrɛ be anishito malɛ ba.

Romebi 6:13

Menyi alɛ e sa maŋ naa shin nɛ menyi be eyurana be mba kama malɛ gba e naa wora kulubi nɛ men baa kɔ loŋ be kaba na a wora edalubisheŋ. Kusɔ nɛ k daga fanɛ men wora e la fanɛ men ta menyi be amu m bɔɔ Ebɔrɛ enɔ fanɛ basa nɛ b shi luwu to m ba luri ŋkpa to. Men ta menyi be eyurana kikɛ m bɔɔ mo enɔ nɛ e ta n shuŋ ashuŋ lela.

2 Pita 3:15

Men baa nyi men be ŋgbene to fanɛ Enyɛnpe be kanyiti e la kumɔlga fanɛ kananɛ Ebɔrɛ daŋ sa an niopibi Pɔɔl kanyiasheŋ nɛ e sibɛ menyi na.