Jɛremaya 5:22 - EBƆRƐ BE KAWƆL

²² ma e la Enyɛnpe Ebɔrɛ nɛ a daga fanɛ men baa ta kufu nɛ kechicha chicha a bunyaŋ ma? Ma e ta eshishɛr ŋ kuŋ teku nɛ k maŋ tiŋ n dii amo so. Teku so beeŋ tiŋ ŋ kaa ketili n wora awɔr ga, ama kumo alɛ maaŋ tiŋ n dii eshishɛr na so.

Jɛremaya 5:22 ပူးပေါင်းရင်းမြစ်များ

Jɛnesis 1:9

Kachɛ nyɔsopo na be kaman nɛ Ebɔrɛ naŋ kaŋɛ: “Shin nɛ nchu nɛ a wɔ awɔlpa be kaseto na e gama abar so kaboŋ koŋwule n shin nɛ kasawule malɛ e di efuli.” Nɛ loŋ wora.

1 Bewura 13:28

nɛ e dii kurma na m bɛ so n ya wu kanyɛn na be kebuni na ka dese kubɔrbi so nɛ kurma na nɛ buluŋ na yil kumo ase. Buluŋ na daa maŋ we kebuni na, kumo alɛ daa maŋ pɛ kurma na gba.

Job be kawɔl 26:10

Ebɔrɛ e chaŋ kefulto nɛ tentembiri be gbaŋfɔl n deŋi teku so.

Job be kawɔl 37:24

Amoso edimɛdi bee ŋana mo nsaa bunyaŋ mo nna, ŋkpal manɛ so, e maa keni kamoowu wuraana nɛ baa fɛ fanɛ b nyi asheŋ ga na a bɔlɔ kenishi.

Job be kawɔl 38:8

Jemanɛ nɛ n to teku na, wanɛ e chaŋ kumo be egbaŋ ŋ kuŋ kumo?

Nshɛ 104:9

Fo e yili amo be egbaŋ n sa amo nɛ a sa maŋ bɔlɔ n dii kepla m buu kasawule na kikɛ so.

Nshɛ 119:120

Ŋkpal kananɛ fo demuji be mbraana du so, kufu bee pɛ ma nna nɛ mee chicha.

Nshɛ 33:7

Mo e gbargbar teku be nchu kikɛ n wɔtɔ kakpa koŋwule. Mo koŋwule na e koli nchu na n wɔtɔ kakpa chiŋgeliŋ to fanɛ ebu na.

Nshɛ 46:3

Hale teku bee baga to a kaa apɔpɔ a gbuŋgbuŋ abeegboŋ a lɛ gba,

Nshɛ 99:1

Enyɛnpe Ebɔrɛ na e la ewura! Efuliana kikɛ so be basa e baa chicha. E chena mbe kuwurputi nɛ emalaika nɛ b kɔ aba wɔ kumo be kaseto na so nna; nɛ kasawule bee gbuŋgbuŋ.

Aŋasa 8:29

nseŋ ponte ŋ kaŋɛ nchu na fanɛ a sa maŋ bɔlɔ n dii a chɔ kananɛ e kaŋɛ amo saŋɛ nɛ e tɔl durnya be gbaltɔlase na.

Aizaaya 50:2

Ŋ ka ba nɛ m ba mɔlga ma basa na, b maŋ shuli m bɛ ma so. Ŋ ka tre bumo gba, b maŋ shuli so. M maŋ kɔ eleŋ nɛ m mɔlga bumo nna a? Ma kɔnɔ to be kamalga beeŋ tiŋ n shin nɛ teku nɛ elɔr kikɛ e wɔlto ŋ ki keshishɛrsawule nɛ ekɔrɔtɔ nɛ e wɔ amo to kikɛ e wu ŋkpal nchu ka maŋ naa wɔtɔ so.

Aizaaya 64:2

A beeŋ baa chicha fanɛ nchu ka bɛ edɛ so a falte na. Lara fo eleŋgboŋ ŋ ŋini fo doŋana n shin nɛ kufu e pɛ efuli pɔtɛana na nɛ bumo alɛ gba e baa chicha fo anishito!

Aizaaya 66:5

Menyi nɛ menyee ŋana Enyɛnpe Ebɔrɛ nsaa wora mo kasonu na e nu kusɔ nɛ e kaŋɛ. E yɛ: “Ŋkpal men ka bee ji kashenteŋ a sa ma so, menyi gbagba be basa ko kishi menyi nna a maa sha ketu menyi n wora shɛŋ. Baa wora menyi eyurto nna a kaŋɛ le: ‘Men shin nɛ Enyɛnpe Ebɔrɛ na e ŋini mbe eleŋgboŋ nseŋ mɔlga menyi, saŋɛ na so anyeeŋ wu fanɛ menyi be ŋgbene fuli menyi.’ Ama bumo gbagba beeŋ ji anishinyɔr!”

Jɛremaya 10:7

Fo e naa ji efuliana na kikɛ so kuwura. Ekama daga fanɛ e maŋkura fo ga nna. Ashi durnya ere to be kaplɛkama, dimɛdi kikɛ maŋ nyi asheŋ a chɔ fo.

Jɛremaya 2:19

Menyi gbagba be asheŋ lubi e naŋ gberge menyi kusoe, nɛ menyi be kekini ma malɛ ji m bri menyi. Saŋɛ na so nɛ men pin fanɛ men be kekini kebaaji kashenteŋ a sa ma, Enyɛnpe menyi be Ebɔrɛ na bee besa nsaa maŋ walɛ. Ma Enyɛnpetale Ebɔrɛ e kaŋɛ na.”

Jɛremaya 31:35

Enyɛnpe Ebɔrɛ na e naa shin nɛ epeŋi bee fuli to kapaso, nɛ kufɔl nɛ achɛkpabi malɛ bee fuli to kanyɛso. Mo e naa baga teku to nɛ k bee ku atili nsaa wora awɔr na. Mo ketre e la Enyɛnpetale Ebɔrɛ na.

Danɛl 6:26

N yili mbra ashi ma efuli so kikɛ nna fanɛ ekama e baa ŋana Danɛl be Ebɔrɛ na nsaa sa mo bunyaŋ. Mo e la Ebɔrɛ nɛ e wɔ ŋkpa to na. Mo alɛ bee ji kuwura nna hale mbaanaayɔ. Mbe kuwurji maa ba nɛ kemur kikɛ. Mo alɛ be eleŋ maa loge kikɛ.

Eemɔs 4:12

Amoso meeŋ gberge menyi Israɛlebi kusoe. Men wora shiriya a jo ma demuji.

Eemɔs 9:6

Enyɛnpe Ebɔrɛ pɔr mbe kowu nna ashi ebɔrɛso nɛ kasawule ere malɛ la kumo be gbaltɔlase. E bee gbargbar etekuana be nchu nna, a chulgi a wurge kasawule ere so. Mbe ketre e la Enyɛnpe Ebɔrɛ na!

Jona 1:16

Le be kesheŋ ere daŋ shin nɛ befarpo na ŋana Enyɛnpe Ebɔrɛ na alegaiso nna. Kumo be kaman nɛ b lara sarga nseŋ nase nnɔ n sa Enyɛnpe Ebɔrɛ na.

Nahum 1:4

Mo e naa ponte teku nɛ elɔr so nɛ amo be nchu bee feeto nɛ a bee wɔlto. Mo koŋwule na e naa ponte nɛ Bashan be afitiri bumbuŋ bee bolo, nɛ Kamɛl be kebeegboŋ so be ndibi bee pere kpaw nɛ Lebanɔn be ndibi be atoto lela kikɛ bee terge.

Matiu 10:28

Men sa maa ŋana basa nɛ baa kaa tiŋ a mɔ men be eyur ere ŋkaa maaŋ naŋ tiŋ m mɔ men be ayoyu na. Esa nɛ e daga kaŋana e la emo nɛ e beeŋ tiŋ n jija esa be eyur nɛ mbe kiyoyu kikɛ ashi Setani be edɛ to.

Maak 4:39

Nɛ Yesu koso m ponte afu na so: “Lo dindiŋ!” nseŋ kaŋɛ kepa na: “Yɔɔ boeŋ!” Ndoŋ nna nɛ afu na lo dindiŋ, nɛ kakpa na kikɛ wora shruum.

Luuk 12:5

Meeŋ ŋini menyi esa nɛ e daga kaŋana: Men baa ŋana emo nɛ e beeŋ tiŋ m mɔ nseŋ naa kɔ eleŋ nɛ e tiŋ n ta amodoŋwura n wɔtɔ edɛ to. Kashenteŋto mee kaŋɛ menyi nna, men baa ŋana mo.

Ditɛronɔmi 28:58

Nɛ men kini kewora Ebɔrɛ be mbraana nɛ b sibɛ n wɔtɔ kawɔl ere to ere kasonu kashenteŋto nseŋ kini kesa Enyɛnpe menyi be Ebɔrɛ na be ketre nɛ k kɔ kemaŋkura na bunyaŋ,

Kelaraŋŋini 15:4

O, Enyɛnpe, wanɛ e wɔtɔ ŋkaa maaŋ ŋana fo nsaa maaŋ sa fo ketre na kemaŋkura? Ŋkpal manɛ so, fo nawule e du cheembi. Efuli kama so ebi malɛ kikɛ beeŋ ba kachako m ba maŋ fo so, ŋkpal manɛ so, fo demuji niŋisoana na lar efuli.”