Jɛremaya 49:31 - EBƆRƐ BE KAWƆL

³¹ ‘Men shin nɛ an ya kɔ basa nɛ baa fɛ fanɛ shɛŋ maaŋ tiŋ n wora bumo na! Bumo be kadegboŋ na maŋ kɔ egbalana nɛ mbunagboŋana a kuŋ kumo.’

Jɛremaya 49:31 ပူးပေါင်းရင်းမြစ်များ

Nshɛ 123:4

Kamoowuwuraana wora anyi eyurto, nseŋ fɛl anyi n chɛr nɛ an wora ania n ji kumo be kanyiti.

Nshɛ 73:12

Kananɛ kumukpakpasowuraana du nna na. B maŋ ta asheŋ lubi fanɛ asheŋ lubi; bumo alɛ bee dii kedama a ti so nna.

Aizaaya 32:11

Men daa wɔtɔ nna fanɛ shɛŋ ka maŋ tir menyi, ama naniere men shin kufu e baa kɔ menyi nɛ men baa chicha! Men gbaŋ menyi be asɔbuuso n lɛ nseŋ ta keeli be asɔbuuso m buu.

Aizaaya 32:9

Menyi beche nɛ men wɔtɔ a maa wora shɛŋ nsaa ji kananɛ menyee sha fanɛ kusɔ ko ka maŋ tir menyi na, e kaŋ asoe n nu kusɔ nɛ mee kaŋɛ ere.

Aizaaya 42:11

Menyi basa nɛ men wɔ keshishɛrsawule so nɛ nde nɛ a wɔ kumo so na kikɛ e kpaŋ Ebɔrɛ; nɛ basa nɛ b wɔ kakpa nɛ baa tre Kɛda na gba e kpaŋ mo! Men shin nɛ basa nɛ b wɔ kadegboŋ nɛ baa tre Sela na e yili abee be awɔlto n wora awɔr kagbene fuli so!

Aizaaya 47:8

Menyi alɛ daa naa fɛ fanɛ men shi ga nna a kɔ eleŋgboŋ fanɛ Ebɔrɛ, a wɔtɔ a ji menyi be amu jemanɛ kikɛ, a fɛ fanɛ esa kikɛ maŋ naa du fanɛ menyi. Menyi alɛ daa naa fɛ nna fanɛ menyi maaŋ tiŋ ŋ ki fanɛ ekulpoche ŋko esa nɛ e paŋ mbe mbia.

Jɛremaya 48:11

Ade be kaman nɛ Enyɛnpe Ebɔrɛ naŋ kaŋɛ: “Mowab be basa wɔtɔ nna nɛ shɛŋ maa tɔrɔ bumo. Bumo alɛ maŋ naŋ yɔ kenyaya to ashi efuli pɔtɛ wɔfɔ so kikɛ. Mowabebi na du fanɛ yabra nɛ a yil nɛ b maa baga amo to ŋko a chulgi amo a wɔtɔ a wɔtɔ mpuya to nna. Amo be efɛ maa chɛrga, amo be ebel malɛ baa du kananɛ a du nna.

Ezikɛl 30:9

Kachɛ nɛ Ijipt beeŋ mur na, meeŋ shuŋi mbɔ nɛ b ta nchu so be ekuloŋgboŋ m ba bɔ Itiopia be basa nɛ b maa fɛ shɛŋ be asheŋ na kubɔya a laŋɛ kemur nɛ k bee ba bumo alɛ gba so be kaplɛa so nɛ kufu e pɛ bumo. Loŋ be kachɛ na malɛ bee ba!”

Ezikɛl 38:11

Fo alɛ beeŋ baa sha kekɔ m pɔɔ efuli nɛ kumo be basa chena kayurwushi so ashi nde nɛ b maŋ pɔr egbalana a kuŋ amo na so.

Ezikɛl 39:6

Ade be kaman, nɛ n shin nɛ edɛ e chɔɔ Magɔg be kasawule nɛ teku ase be nsawule nɛ basa chena amo so kayurwushi so na, nɛ ekama e pin fanɛ ma e la Enyɛnpe Ebɔrɛ na.

Maika 7:14

O Enyɛnpe Ebɔrɛ, baa la fanɛ mbolpɔkpapo n sa fo basa laraso. Kashenteŋ nna fanɛ b pesaŋ to nna a wɔ kiyi to, ama kudɔsawule lela kulti bumo nna n wɔtɔ. Amoso shin nɛ b ya chena Bashan nɛ Giliad be nsawule lela so a nya a ji fanɛ kananɛ b daa nya a ji dra na.

Nahum 1:12

Ama kusɔ nɛ Enyɛnpe Ebɔrɛ na bee kaŋɛ mbe basa Israɛlebi nde. E yɛ: “Asiriyaebi be eleŋ nɛ bumo be keshi ere kikɛ be kaman baaŋ mur nɛ esa maaŋ naŋ wu bumo. N shin nɛ menyi, ma basa Israɛlebi, ji awurfoŋ, ama ma alɛ maaŋ naŋ wora loŋ kikɛ.

Zefanaiya 2:15

Kusɔ nɛ k beeŋ wora kadegboŋ nɛ baa ji njɔŋ kumo to nsaa puchi kumo be eleŋ so, a fɛ fanɛ shɛŋ shɛŋ maaŋ tiŋ n wora kumo na nna na. Kumo be basa bee fɛ nna fanɛ kadegboŋ kikɛ maŋ naŋ fo kumo so ashi durnya ere to. K beeŋ ki kade bureso, kakpa nɛ kupuŋ to be asɔbɔya kikɛ beeŋ baa dese nɛ ekama e baa choŋ a wu kumo nsaa pɛ kɔnɔ a kooba.

Nɔmbɛs 23:9

N yili kebee be esoso n wu bumo. N wɔ kebee so a keni bumo. B la basa nɛ b kɔr bekama to nna. Basa nɛ Ebɔrɛ nɛfa.

Ditɛronɔmi 33:28

Amoso kayurwushi to nɛ Jeekɔb be kaman to ebi kikɛ wɔ. B maa ŋana shɛŋ ashi kasawule nɛ k kɔ ayu nɛ yabra ga na so; kakpa nɛ bunyaŋ gba bee wushi kasawule na.