Jɛremaya 49:28 - EBƆRƐ BE KAWƆL

²⁸ Kusɔ nɛ Enyɛnpe Ebɔrɛ na kaŋɛ a laŋɛ Kɛda be yiri nɛ keshishɛrsawule so be ndekarso na be kaplɛa so nde: “Men nu nfe, Kɛda be basa nɛ eyiriana nɛ a wɔ keshishɛrsawule nɛ k wɔ a laŋɛ epeŋilarkpa be kaba so na. Ŋ kaŋɛ Babilɔn be Ewura Nebukadneeza fanɛ e ba kɔ menyi kena m mur menyi.

Jɛremaya 49:28 ပူးပေါင်းရင်းမြစ်များ

Jɛnesis 25:13

Ishmaɛl be bibinyɛn be atre nɛ kananɛ b daŋ bɛ abar so kenimuso nde. Nabaiɔt e daa la Ishmaɛl be wurkoŋnyɛn n ta Keedaa m bɛ so. Bumo nɛ b daŋ naŋ ti so e daa la Adbeel nɛ Mibsam nɛ

Jɛnesis 25:6

Ama e ka daa wɔ ŋkpa to na e daŋ kɛ mo jipocheana be mbia na asɔ nna pɔɛŋ nseŋ n shin nɛ b lar Aizek kutɔ n ya ka wɔ epeŋipetekpa.

1 Kronikɛls 1:29

Ishmaɛl be mbinyɛnsobi nɛ b daŋ ki eyiri kuduanyɔ be mbuna be benimu na e daa la Nebaiɔf nɛ e daa la Ishmaɛl pibinyɛn nimuso na, n ta Kedaar m bɛ so nɛ Adbeel nɛ Mibsam,

Job be kawɔl 1:3

nseŋ daa kɔ mbolpɔ ŋgboŋ ashunu nɛ enyɔma ŋgboŋ asa nɛ ana kagboŋ nɛ ekurma alfa anu nna. Mo alɛ daa naa kɔ beshumpo damta ga nseŋ daa la esa nɛ e dii dama a chɔ ekama ashi efuliana nɛ a wɔ epeŋilarkpa be kaba so na.

Nshɛ 120:5

Ma kechena menyi to gba lubi nna, fanɛ ŋ ka chena Mɛshɛk be efuli so, kakpa wɔfɔ ŋko Kɛda be basa be ewajɛbu nɛ a maŋ taga to nfe na to.

Sɔlɔmɔn 1:5

Jerusalɛm be beche, ma kayurwule biri nna, ama ma alɛ walɛ kebita. N nyɔ gbitigbiti nna fanɛ Keeda be ewajɛbu nɛ a wɔ keshishɛrsawule so na, ama ma kebita du nna fanɛ Sɔlɔmɔn be lambu to be epatisa

Aizaaya 11:14

Baaŋ chɛ abar to ŋ kɔ Filistiebi nɛ b wɔ epeŋitɔrkpa na nseŋ suge basa nɛ b wɔ epeŋilarkpa na be asɔ eleŋso. Bumo alɛ beeŋ kɔ m pɔɔ Edɔm nɛ Mowab be basa so, nseŋ shin nɛ Ammɔn be basa e wora bumo kasonu.

Aizaaya 21:13

Kubɔya nɛ k bee yɔ efuli nɛ baa tre Areebia na be basa kutɔ nde. Menyi basa nɛ men wɔ kebonfu nɛ baa tre Dedan nɛ menyi be eyawujipoana bee dii enyɔma a ji yawu nsaa yuu bumo be ewajɛbu ashi Areebia be efuli so be kiyi to na,

Aizaaya 42:11

Menyi basa nɛ men wɔ keshishɛrsawule so nɛ nde nɛ a wɔ kumo so na kikɛ e kpaŋ Ebɔrɛ; nɛ basa nɛ b wɔ kakpa nɛ baa tre Kɛda na gba e kpaŋ mo! Men shin nɛ basa nɛ b wɔ kadegboŋ nɛ baa tre Sela na e yili abee be awɔlto n wora awɔr kagbene fuli so!

Jɛremaya 2:10

Men yɔ keplasawule nɛ baa tre Saiprus ashi epeŋitɔrkpa na so. Kumo be kaman nɛ men shuŋi esa ko nɛ e yɔ Kɛda be kasawule nɛ k wɔ epeŋilarkpa na. Menyeeŋ wu fanɛ le be kesheŋ maŋ naŋ wora ŋ ku so ashi men be basa be yiri kikɛ to.

Jɛremaya 49:14

Kumo be kaman nɛ ma, Jɛremaya kaŋɛ le: “Edɔm be basa, kubɔya ko nɛ n nya shi Enyɛnpe Ebɔrɛ na kutɔ. E yɛ, e shuŋi kabɔ fanɛ e ya kaŋɛ efuliana na fanɛ b gama bumo be benapo abar so nseŋ bela ase m ba kɔ menyi kena.

Jɛremaya 49:33

Hazɔɔ beeŋ ki keshishɛrsawule mbaanaayɔ nɛ ejiŋkaamu e baa wɔ kumo so. Esa kikɛ maaŋ naŋ chena kumo so kikɛ. Ma, Enyɛnpe Ebɔrɛ e kaŋɛ na.”

Ezikɛl 27:21

Nɛ Areebia be efuli so be basa nɛ Kɛda be efuli so be bewura gba ta mbolpɔfɔlbi nɛ mbolpɔ nɛ mboe m ba tɔ fo asɔ faso.

Demujipoana 6:3

Jemanɛ kikɛ nɛ Israɛlebi na baŋ ya dɔ n duu bumo be adɔjibi, Midianebi nɛ Amalɛkebi nɛ basa nɛ b wɔ keshishɛrsawule be epeŋilarkpa be kaba so na, bee ba nna m ba kaa kɔ bumo.