Jɛremaya 48:47 - EBƆRƐ BE KAWƆL

⁴⁷ Ama kachako, ma, Enyɛnpe Ebɔrɛ na beeŋ naŋ bɛta Mowab be basa m ba nɛ b naŋ dii kedama. Ma, Enyɛnpe Ebɔrɛ e kaŋɛ na.

Jɛremaya 48:47 ပူးပေါင်းရင်းမြစ်များ

Job be kawɔl 19:25

N nyi ma emɔlgapo Ebɔrɛ na ka wɔ ebɔrɛso, nɛ asheŋ ere kikɛ be lalaloge e beeŋ gbelge m ba durnya to m ba mɔlga ma.

Aizaaya 18:7

Itiopia be basa ere la basa tenteŋ nɛ bumo be kayurwule du mɔlmɔlbi nna. Ekama bee ŋana bumo durnya ere to nna, ŋkpal b ka kɔ eleŋ ga nseŋ lubi so. Ama loŋ be jemanɛ kaŋ fo, baaŋ shi bumo be kasawule nɛ elɔr shibi kumo so na so n ta esarga m ba sa Enyɛnpetale Ebɔrɛ nɛ baa shuŋ mo ashi Zayɔn be kebee so na.

Aizaaya 23:18

ama asɔ kama nɛ e beeŋ nya na be kekama maaŋ nya n yili kadegboŋ na to. Amansherbi na beeŋ baa la Enyɛnpe Ebɔrɛ na peya nɛ bekama nɛ baa shuŋ mo na e ta amo n tɔ ajibi damta nɛ asɔbuuso lela nɛ baa sha.

Aizaaya 25:11

Baaŋ wora ania fanɛ baaŋ lar depɔ na to, ama Ebɔrɛ beeŋ wora bumo eyurto n shin nɛ b lar ŋ gben.

Aizaaya 45:20

Ade be kaman nɛ Enyɛnpe Ebɔrɛ na naŋ kaŋɛ le: “Menyi kama nɛ men ji efute ashi efuli pɔtɛana so, e gama abar so m ba ma anishi to nɛ n ji menyi demu! Men koya m pin fanɛ keshuŋ agbir nɛ b ta ndibi n lɔŋɛ maŋ kɔ tɔnɔ, nɛ kebaato nchu agbir ase maŋ kɔ kechɛto kikɛ kuraa.

Jɛremaya 12:14

Ade kikɛ be kaman, nɛ Enyɛnpe Ebɔrɛ na naŋ kaŋɛ le: “Ŋ kɔ kusɔ ko nɛ ŋ kaŋɛ a laŋɛ Israɛl be bechenashapo lubi nɛ b mur kasawule nɛ n ta n sa ma basa Israɛlebi na be kaplɛa so. Meeŋ lara basa lubi ere bumo be efuliana so fanɛ kananɛ baa tia kusɔduuso na. Meeŋ kɔ n suge Juda be basa bumo be enɔ to.

Jɛremaya 12:15

Kede be kaman, meeŋ naŋ wu efuliana ere kuwɔr nseŋ bɛta bumo n yɔ bumo gbagba be efuliana be nsawule so.

Jɛremaya 23:20

Kumo alɛ maaŋ yige n ya fo fanɛ e ka beeŋ wora kusɔ kama nɛ e kre kewora na nna. Kachako bee ba nɛ ma basa e pin ade kikɛ ere to nɛnɛ.”

Jɛremaya 46:26

Meeŋ ta bumo m bɔɔ ewura Nebukadneeza nɛ mbe benapo enɔ. Ama mee nase kɔnɔ nna fanɛ, kachako Ijipt beeŋ naŋ nya basa nɛ b chena nfe fanɛ kananɛ k daa du na. Ma, Enyɛnpe Ebɔrɛ e kaŋɛ na.”

Jɛremaya 49:39

Ama kachako meeŋ naŋ bɛta Elam be basa m ba bumo be kasawule so nɛ b naŋ dii kedama. Ma, Enyɛnpe Ebɔrɛ e kaŋɛ na.”

Jɛremaya 49:6

Ama kachako meeŋ naŋ bɛta Ammɔn be basa m ba epe n shin nɛ b naŋ nya asɔ nɛ b paŋ na. Ma, Enyɛnpe Ebɔrɛ e kaŋɛ na.”

Ezikɛl 38:8

ŋkpal manɛ so, nfɛ damta be kaman meeŋ kaŋɛ mo nɛ e ya kɔ m pɔɔ efuli ko nɛ kumo be basa daŋ gama abar n shi efuli pɔtɛ damtaana so m ba chena a maa ŋana kena na. E beeŋ pɔ Israɛl be basa nɛ b chena kayurwushi so ashi abee nɛ b daŋ shile ŋ ka amo n chɛr na so.

Danɛl 10:14

M ba nna nɛ m ba bugi asheŋ to n sa fo nɛ fo pin kusɔ nɛ k beeŋ wora fo basa kachako so, ŋkpal manɛ so bɔrɛdare na bee ŋini kachako so be asheŋ nɛ a beeŋ wora nna.”

Danɛl 11:41

E beeŋ kɔ n sɔ kasawule nɛ Ebɔrɛ nase kɔnɔ fanɛ e beeŋ ta n sa Israɛl be basa na nseŋ mɔ basa ŋgboŋto ŋgboŋto, ama Edɔm nɛ Mowab bre be efuli so nɛ kusɔ kama nɛ k ka Ammɔn be efuli so na bre beeŋ nya kumɔlga.

Danɛl 2:28

Ama Ebɔrɛ nɛ e wɔ esoso na nawule e naa tiŋ a lara alemaŋkarsheŋ be wulo efuli. Yiramu, mo e lara kusɔ nɛ k beeŋ wora echefoso ŋ ŋini fo. Naniere bre meeŋ kaŋɛ fo edare nɛ fo ku saŋɛ so nɛ fee di na.

Hoziya 3:5

Ama saŋko bee ba nɛ Israɛl be basa e naaŋ baa kaa bɛ Enyɛnpe nɛ e la bumo be Ebɔrɛ na, nɛ ewura Deevid mo nanabi na so. Loŋ be jemanɛ na, baaŋ ta kufu nɛ kechicha chicha m ba Enyɛnpe Ebɔrɛ na kutɔ nɛ e sa bumo asɔ lela kama nɛ e kre n yili bumo na.

Nɔmbɛs 24:14

Kumo be kaman nɛ Balaam kaŋɛ Ewura Balak le: “Naniere bre mee bɛta a yɔ epe nna na, ama kefiɛso nɛ ŋ kɔ a sa fo a laŋɛ kusɔ nɛ Israɛlebi beeŋ wora menyi kachako so nde.”

Ditɛronɔmi 31:29

Ade be kaman n nyi fanɛ ma luwu be kaman, basa na be amu beeŋ ki kpakpa nɛ b kini kusɔ nɛ ŋ ŋini bumo ere n lɛ nseŋ kini kewora Enyɛnpe Ebɔrɛ na kasonu. Kumo be loŋ malɛ beeŋ shin nɛ Enyɛnpe Ebɔrɛ na e nya agbo n wora bumo n shin nɛ kumu lubi gboŋgboŋi e ba bumo so.”