Jɛremaya 46:21 - EBƆRƐ BE KAWƆL

²¹ Benapo nɛ e ber paa na gba du fanɛ anabi nɛ a ji n daŋ n wora ŋku nna. Bumo alɛ gba beeŋ kilgi n lara keya n shile; b maaŋ yili n tu bedoŋ na ŋ kɔ, ŋkpal manɛ so, jɛrbi be kachɛ bee ba bumo so nna, nɛ bumo be kasogberge be saŋɛ fo.

Jɛremaya 46:21 ပူးပေါင်းရင်းမြစ်များ

2 Samuɛl 10:6

Ammɔnebi na ka pin fanɛ b wora n da ewura Deevid so ga so, nɛ b ya fin Siriya be benapo nɛ bumo be ŋgboŋ adunyɔ shi Bɛtrihɔb nɛ Zoba, nɛ ŋgboŋ kuduanyɔ malɛ shi Tɔb, nɛ kagboŋ malɛ shi Maaka be ewura kutɔ.

Nshɛ 37:13

Ama Enyɛnpe Ebɔrɛ na bee mushe belubiworapo nna, ŋkpal bumo be kasogberge be saŋɛ ka maaŋ chɛr nseŋ ba so.

Aŋasa 15:17

Kebaatu esa nɛ e bee sha fo a ji nchu nɛ nfɔl bɔ kebaatu bedoŋ n ji gbetɛgbetɛ.

Aizaaya 10:3

To, nɛ Ebɔrɛ bee gberge menyi kusoe, manɛ nɛ menyeeŋ wora? Nɛ e kaŋ shin nɛ efuli pɔtɛ ko so ebi shi kufɔ m ba nɛ b ba kɔ menyi kena m mur menyi, manɛ nɛ menyeeŋ wora? Nnɛ nɛ menyeeŋ shile n ya fin kechɛto ŋko nnɛ nɛ menyeeŋ ta menyi be mpetɛsɔ n ya ŋana?

Aizaaya 34:7

Basa na beeŋ wu n tɔr fanɛ egbolufɛlso nɛ egbolufɔlbi, nɛ bumo be ŋklaŋ e pere kasawule so nɛ nfɔ e sɔ kaplɛkama.

Jɛremaya 18:17

Meeŋ shin nɛ ma basa e pesaŋ to ashi bumo doŋana be anishito fanɛ kalabɛr nɛ epeŋilarkpa be afu bee chela a yɔ na. Meeŋ pal kaman n sa bumo. Kemurgboŋ be jemanɛ, m maaŋ chɛ bumo to.”

Jɛremaya 46:22

Ijipt bee fɛɛto nna fanɛ kuwɔ a shile, saŋɛ nɛ bedoŋ be benapo bee ba eleŋ so na. Akpanfu nɛ b ta m ba kaa kɔ mo fanɛ kananɛ basa bee kuya ndibi

Jɛremaya 46:5

Nɛ Enyɛnpe Ebɔrɛ na bishi le: “Manɛ nɛ mee wu ere? Kufugboŋ e tɔr bumo so nɛ b bɛta a shile. Bedoŋ pɔɔ bumo be benapo so nna nɛ b bɛta n ta kufu a shile bumo be eshile kikɛ nsaa maŋ naa gbɛ a keni kaman gba.

Jɛremaya 46:9

Kaŋɛ egbaŋɛ na kenishipereso fanɛ b baa shile a yɔ nɛ egbaŋɛturko na malɛ e baa shil a chɔ so! Kaŋɛ menyi be esoji na fanɛ b lar m bɛ abar so a yɔ, Itiopiaebi nɛ Libiyaebi na e keta abɛlso be asɔ kuŋamuso, Lidiya be basa na keta ata nɛ atanyembi nna.’ ”

Jɛremaya 48:44

Esa kama nɛ e beeŋ nya n shile kenishipere gboŋgboŋi na to na beeŋ tɔr amaŋgboŋ na to. Ekama nɛ e beeŋ nya n dii n lar amaŋgboŋ na to malɛ beeŋ tɔr ajigbelɛ na to nɛ a pɛ mo, ŋkpal manɛ so, Enyɛnpe Ebɔrɛ teŋ n yili jemanɛ nɛ Mowab be efuli na beeŋ nya kumo be kasogberge nna.

Jɛremaya 49:8

Menyi basa nɛ men wɔ kadegboŋ nɛ baa tre Dedan na e shile n ya ŋana! Meeŋ shin nɛ Isɔɔ be kaman to ebi e ji jɛrbi, ŋkpal manɛ so, jemanɛ fo nɛ ŋ gberge bumo kusoe.

Jɛremaya 50:11

Ade be kaman nɛ Enyɛnpe Ebɔrɛ na naŋ kaŋɛ le: “Babilɔn be basa, men daŋ suge ma basa be asɔ nna nɛ k par menyi ga nɛ menyee wora awɔr fanɛ mbrantiɛfɔlbi nɛ baa beri ayu ŋko gbaŋɛ ka bee shu na.

Jɛremaya 50:27

Men mɔ bumo be benapo kikɛ. Babilɔn be basa wu asheŋ pasaa! Ŋkpal manɛ so, bumo be kasogberge be jemanɛ fo!”

Ezikɛl 30:22

Amoso, kusɔ nɛ ma, Enyɛnpetale Ebɔrɛ na kaŋɛ nde e la fanɛ: Ijipt be ewura la n doŋ nna nɛ mee sha kemur mo kuraa, saŋɛ na so, e maaŋ naŋ nya eleŋ ŋ koso n wora shɛŋ.

Ezikɛl 35:5

Ŋkpal manɛ so, dra dra kikɛ nɛ menyi Edɔm be basa ta Israɛl be basa ŋ ki men doŋana nseŋ kpal loŋ so n shin nɛ b wu ga jemanɛ nɛ b nya bumo be alubi be kasogberge na.

Hoziya 9:7

Kasogberge be saŋɛ na kaŋ fo, nɛ menyeeŋ nya kusɔ nɛ k daga menyi. Israɛlebi men baa nyi kumo be loŋ. Men yɛ: “Anebi ere la ewulpo nna nɛ esa nɛ Ebɔrɛ be kiyoyu bɔlɔ mo to malɛ la ebompo. Menyi be alubi damta kurge yurkishi ashi menyi to.

Eemɔs 6:4

Asheŋ maaŋ nyalɛ n sa menyi nɛ menyee dese asɔchenaso tenteŋ nɛ b ta asɔlnyii m mata m mata so n ji amo kebita na to a we mbolpɔ nɛ ana fɔlbi be eblaŋ na.

Obadaya 1:13

A daa maŋ daga fanɛ men luri ma basa be kade to n ya kaa mushe bumo ashi bumo be etɔrɔ be kaplɛa so nseŋ suge bumo asɔ kachɛ lubi achɛ na.

Maika 7:4

Bumo to be basa nɛ bumo be kebaawɔtɔ niŋi nɛ baa ji kashenteŋ gba maŋ bɔ. B du fanɛ ewidibi nna. To, kachɛ fo nɛ Ebɔrɛ e gberge edimɛdi kusoe, fanɛ kananɛ e bɔla anebiana na so ŋ kpele bumo kusoe na. Naniere bumo be nfɛra wulto nna.

Matiu 22:4

Ndoŋ nna nɛ e naŋ shuŋi anya ko n ti so ŋ kaŋɛ bumo: ‘Men ya kaŋɛ basa nɛ n tre na fanɛ n loge ma kejigboŋ be ajibi na. B teŋ bɛ ma ana nɛ amo be afɔlbi danso n loge nɛ kusɔ kama wora shiriya, amoso, men baa ba kejafɔ to be kejigboŋ na to.’

Ditɛronɔmi 32:15

Enyɛnpe Ebɔrɛ na be basa daŋ dii dama, ama bumo alɛ daŋ diewu nna n wɔtɔ Ebɔrɛ ŋ kini mo. B daŋ ji nna n daŋ n daŋ n wora egbɛ nɛnɛ n ti so nseŋ shile Ebɔrɛ nɛ e to bumo na. B daŋ kini bumo be emɔlgapo lempo na nna.