Jɛremaya 46:18 - EBƆRƐ BE KAWƆL

¹⁸ Ma, Enyɛnpe Ebɔrɛ na e la ewura. Ma e la Ebɔrɛ nɛ e bee sa ŋkpa na. Kananɛ Tabɔɔ be kebee baa du jeŋgreŋ a chɔ abeeana, nɛ Kaamɛl be kebee malɛ dii awɔlto a chɔ teku na, aloŋ nɛ edoŋ nɛ e beeŋ ba kɔ fo na be eleŋ beeŋ baa chɔ feya.

Jɛremaya 46:18 ပူးပေါင်းရင်းမြစ်များ

Nshɛ 89:12

Fo e to kelargato be esoso nɛ kaseto kikɛ. K du fanɛ abee nɛ baa tre Tabɔɔ nɛ Hɛɛmɔn na bee boŋ nshɛ kagbenefuliso nna a kpaŋ fo ketre.

Aizaaya 47:4

“Ma e la Enyɛnpetale, Israɛl be Ebɔrɛ cheembi na; Ma e la bumo be Emɔlgapo.”

Aizaaya 48:2

Menyee puchi a kaŋɛ fanɛ men la Jerusalɛm, kadegboŋ cheembi na to be basa nsaa ta menyi be amu a to Israɛl be Ebɔrɛ nɛ e la Enyɛnpetale Ebɔrɛ na so nna.

Jɛremaya 10:10

Ama fo, Enyɛnpe Ebɔrɛ na, e la Ebɔrɛ kashenteŋto. Fo e naa sa ŋkpa nsaa wɔ ŋkpa to na; fo alɛ e la ewura nɛ e wɔtɔ mbaanaayɔ na. Fo baŋ nya agbo, durnya kikɛ bee gbuŋgbuŋ to nna, nɛ efuliana bee mur.

Jɛremaya 10:16

Ama Ebɔrɛ nɛ an nananyɛn Jeekɔb daŋ shuŋ na bre maŋ du fanɛ agbirana na. Mo e to kusɔ kama nseŋ lara Israɛl be basa fanɛ b baa la mo gbagba be basa. Mbe ketre e la Enyɛnpetale Ebɔrɛ na.

Jɛremaya 4:13

Men keni, edoŋ be benapo e naa ba fanɛ awɔlpa na. Bumo be kena to be egbaŋɛturko bee shile nna fanɛ kawuliwuli nɛ bumo be egbaŋɛ malɛ bee shile a chɔ kusore ka bee firgi. To, an wu m mur nna na!

Jɛremaya 4:7

Kananɛ buluŋ bee shi kumo be eŋanakpa a lar na nɛ bekɔpo nɛ baa mur efuliana na lar a ba. Baa ba nɛ b ba mur Juda nna nɛ kumo be ndegboŋ e ki alambure nɛ esa kikɛ maaŋ naa wɔ amo to.

Jɛremaya 44:26

Ama naniere men kaŋ asoe n nu kɔnɔ nɛ ma, Enyɛnpe Ebɔrɛ na bee nase ashi ma ketregboŋ na to a sa menyi Israɛlebi kikɛ nɛ men wɔ Ijipt na. M maaŋ naŋ shin nɛ menyi be ekama e naŋ ta ma ketre n nase kɔnɔ a kaŋɛ le: ‘M bɔ Enyɛnpetale Ebɔrɛ nɛ e bee sa ŋkpa na!’

Jɛremaya 48:15

Ama ma e la Enyɛnpe Ebɔrɛ; Ewura nɛ e kɔ eleŋ ga na. Mee nase kɔnɔ nna fanɛ bedoŋ beeŋ ba kɔ kena m pɔ menyi be ndeana so. Menyi be benapo lempo gba beeŋ wu kena na to.

Jɛremaya 51:17

Basa nɛ baa lɔŋɛ agbir maŋ kɔ nfɛra pasaa! Ebɔyɛpo nɛ baa ta shuwa ŋko gbiti a lɔŋɛ agbirana na bee ji anishinyɔr nna ŋkpal bumo be agbirana fɛpo na ka maŋ kɔ ŋkpa so.

Jɛremaya 51:57

Ma, Enyɛnpetale Ebɔrɛ nɛ n la Ewura kashenteŋto na, bee nase kɔnɔ fanɛ meeŋ shin nɛ Babilɔn be benimuana nɛ benyiashempo nɛ bejuŋkparpo nɛ benapo kikɛ e boo, nseŋ dese n di a maaŋ naaŋ tiŋ ŋ koso kikɛ.

Eemɔs 4:13

Ebɔrɛ e to abeegboŋana nseŋ to afu. Mo e naa lara kusɔ nɛ k wɔ mbe nfɛra to a ŋini edimɛdi nsaa shin nɛ kapa bee ki kanyɛ. Mo e naa nite abeegboŋ be esoso na. Mbe ketre e la Enyɛnpetale na!

Malakai 1:14

Kɔnɔsho e baa wɔ ekama nɛ e bee puni nsaa ta asɔbɔya nɛ a maŋ daga m ba kaa lara sarga a sa ma, saŋɛ so nɛ e nase kɔnɔ fanɛ e beeŋ ta kusɔbɔya lela nɛ k wɔ mbe asɔbɔya to m ba lara sarga n sa ma na so. Ŋkpal manɛ so ma e la Enyɛnpetale Ewurgboŋ, nɛ efuli kama so ebi bee ŋana ma.”

Matiu 5:35

Menyi alɛ e sa maa bɔ kasawule, ŋkpal manɛ so, k la Ebɔrɛ be keyaputi ase nna. Men sa maa bɔ Jerusalɛm gba, ŋkpal manɛ so, ndoŋ la Ewurgboŋ na be kade nna.

1 Timoti 1:17

Bunyaŋ nɛ epaŋ be kedi e baa wɔ Ewurgboŋ nɛ e wɔ ŋkpa to saŋkikɛ na nɛ mo koŋwule nɛ e la kashenteŋ be Ebɔrɛ nɛ esa kikɛ maaŋ tiŋ n ta kenishi fuful n wu mo kikɛ na so mbaanaayɔ. Amɛn.

Joshuwa 12:22

Kadɛsh be ewura nɛ Jokniam nɛ k wɔ Kamɛl na be ewura.

Joshuwa 19:22

Bumo be kasawule na be ekar daŋ fo Tabɔɔ nɛ Shahazumah nɛ Bɛf Shimɛsh nɛ Jɔɔdan be lɔr na. Ndegboŋ kuduashe nɛ amo be ndewurbi e daa wɔ kasawule na so.

Demujipoana 4:12

Sisɛra ka nu fanɛ Barak yɔ kebee nɛ baa tre Tabɔɔ na ase na

Demujipoana 4:6

Kachako nɛ e shuŋi n tre kanyɛn nɛ baa tre Barak nɛ e la Abinoam pibinyɛn nseŋ shi kadegboŋ nɛ baa tre Kedɛsh nɛ k wɔ Naftali be yiri to be kasawule so na, ŋ kaŋɛ mo le: Enyɛnpe, Israɛl be Ebɔrɛ na yɛ: “Keni Naftali nɛ Zɛbyulɔn be eyiri to n lara benyɛn ŋgboŋ kudu n juŋkpar bumo n yɔ kebee nɛ baa tre Tabɔɔ na so.