Jɛremaya 46:15 - EBƆRƐ BE KAWƆL

¹⁵ Manɛ nna nɛ menyi be kegbirgboŋ Apis na tɔr? Enyɛnpe Ebɔrɛ na e ŋmɛa kumo n lɛ!’

Jɛremaya 46:15 ပူးပေါင်းရင်းမြစ်များ

Nshɛ 18:14

Nɛ e to atanyembi, nɛ mo doŋana kikɛ pesaŋ to, nɛ bɔrɛ nyɛkpɛ nɛ b lara aya fuful.

Nshɛ 18:39

Fo e sa ma eleŋ nɛ ŋ kɔ kena, nseŋ shin nɛ ŋ kɔ m pɔɔ ma doŋana so.

Nshɛ 44:2

kananɛ fo ta fo eleŋ n ju basa nɛ b daa wɔ efuli ere so dra dra na, nseŋ shin nɛ an nananyɛnana sɔ kasawule ere nɛ kananɛ fo shin nɛ asheŋ nite nɛnɛ n sa bumo.

Nshɛ 68:1

Ebɔrɛ koso, n shin nɛ fo doŋana e pesaŋ to n shile.

Nshɛ 68:2

Shin nɛ b pesaŋ to fanɛ edishi. Shin nɛ b ŋalga fo anishito fanɛ kananɛ kemushoŋmar bee ŋalga edɛ to na.

Ɛksodɔs 6:1

Ndoŋ nna nɛ Enyɛnpe Ebɔrɛ kaŋɛ Mosis le: “Naniere bre feeŋ wu kusɔ nɛ meeŋ wora ewura Fɛɛro. Ŋkpal ma eleŋ nɛ ŋ kɔ na so, e beeŋ shin nɛ ma basa e yɔ. Kashenteŋ nɛ mee kaŋɛ fo na fanɛ meeŋ tintiŋ mo hale nɛ e ju bumo nɛ b lar mbe kasawule ere so.”

Jɛremaya 46:21

Benapo nɛ e ber paa na gba du fanɛ anabi nɛ a ji n daŋ n wora ŋku nna. Bumo alɛ gba beeŋ kilgi n lara keya n shile; b maaŋ yili n tu bedoŋ na ŋ kɔ, ŋkpal manɛ so, jɛrbi be kachɛ bee ba bumo so nna, nɛ bumo be kasogberge be saŋɛ fo.

Jɛremaya 46:5

Nɛ Enyɛnpe Ebɔrɛ na bishi le: “Manɛ nɛ mee wu ere? Kufugboŋ e tɔr bumo so nɛ b bɛta a shile. Bedoŋ pɔɔ bumo be benapo so nna nɛ b bɛta n ta kufu a shile bumo be eshile kikɛ nsaa maŋ naa gbɛ a keni kaman gba.

Ditɛronɔmi 11:23

Aloŋ nɛ Enyɛnpe Ebɔrɛ na beeŋ chɛ menyi to nɛ men sɔ kasawule na. Efuliana nɛ a wɔ ndoŋ na be basa shibi nsaa kɔ eleŋ a chɔ menyi, ama e beeŋ tintiŋ bumo n lar kasawule na so jemanɛ nɛ menyeeŋ baa kɔ bumo na.