Jɛremaya 46:14 - EBƆRƐ BE KAWƆL

¹⁴ E yɛ: “Ber kebomboŋ ashi Ijipt be ndeana to; fɔŋfɔŋ ashi Migdɔl nɛ Mɛmfis nɛ Taapanes, ŋ kaŋɛ le: ‘Men wora shiriya ŋ kɔ n suge menyi be amu; asɔ kama nɛ men kɔ na kikɛ beeŋ mur kena to!

Jɛremaya 46:14 ပူးပေါင်းရင်းမြစ်များ

2 Samuɛl 2:26

Nɛ Abna ponte awɔrso ŋ kaŋɛ Jɔab le: “K daga fanɛ an baa wɔtɔ a kɔ abar mbaanaayɔ a? Fo maŋ nyi fanɛ kumo be lalaloge anyi maaŋ nya shɛŋ, ama kenyaŋɛto n wɔtɔ abar a? An la menyi be efuli so ebi nna, saŋɛ mo nɛ feeŋ kaŋɛ fo basa nɛ b yige kebaakɔ anyi?”

Ɛksodɔs 14:2

“Kaŋɛ Israɛlebi na fanɛ b bɛta kaman n ya yuu bumo be ewajɛbu Migdɔl nɛ teku na be kefɛato m mata Pihahirɔf ashi Baal Zefon be kaba ndoŋ dede.

Aizaaya 1:20

Ama nɛ men kplaŋ ma so bre, kumo ere menyeeŋ wu kena to. Ma, Enyɛnpe Ebɔrɛ na, e kaŋɛ na.”

Aizaaya 19:13

Benimuana nɛ b wɔ Zowan nɛ Mɛmfis na la bewulpo nna. Bumo e daŋ daga fanɛ b juŋkpar efuli na, ama b sa basa kasotoji lubi nɛ k shin nɛ efuli na be basa foe ekpa.

Aizaaya 31:8

Saŋɛ na so Asiriya be basa beeŋ mur kena to nɛ mannɛ dimɛdi be eleŋ e mur bumo. Baaŋ shile kena nɛ bumo doŋana e pɛ bumo be mbrantiɛfɔlbi ŋ ki anya.

Aizaaya 34:6

Bumo be ŋklaŋ beeŋ gbiti Enyɛnpe Ebɔrɛ na be tokobi na fanɛ kananɛ mbolpɔ fɔlbi nɛ mboe nɛ b ta n lara esarga be ŋklaŋ bee gbiti nsaŋɛbi na. Ŋkpal manɛ so, Enyɛnpe Ebɔrɛ na beeŋ mɔ basa damta n ta bumo n lara sarga ashi kadegboŋ nɛ baa tre Bozra na nɛ Edɔm be efuli so be kaplɛkama.

Jɛremaya 12:12

Benapo damta nɛ b shi keshishɛrsawule so nɛ abeesawule so e ba kɔ m mur kasawule na so be kusɔ kama. Ma e sa ekpa fanɛ b ta kena m ba mur kasawule na so be kusɔ kikɛ nɛ esa kikɛ maŋ ji efute kena na to.

Jɛremaya 2:16

Benapo nɛ b shi Ijipt be efuli so be ndegboŋana fanɛ Mɛmfis nɛ Taapanes na e ba mur Israɛlebi be kasawule n shin nɛ b ji anishinyɔr fanɛ b ka pɛ bumo n she bumo be amu na.

Jɛremaya 2:30

N daŋ gberge menyi kusoe, ama men kini kebɛta m ba ma kutɔ nseŋ diewu m mɔ ma anebiana fanɛ ebuluŋ ka diewu na.

Jɛremaya 44:1

Nɛ Enyɛnpe Ebɔrɛ na malga ma kutɔ a laŋɛ Israɛlebi nɛ b wɔ Ijipt be efuli so be ndegboŋana nɛ baa tre Migdɔl nɛ Taapanes nɛ Mɛmfis nɛ e wɔ efuli na be kelargato be esoso na nɛ bumo nɛ a wɔ efuli na be kelargato be kaseto be kaba so na be kaplɛa so.

Jɛremaya 46:10

Enyɛnpetale Ebɔrɛ na be kachɛ nna na; e beeŋ wora n tal to kabre; kabre e beeŋ gberge mo doŋana kusoe. Mbe tokobi beeŋ mɔ bumo kumo be keparso, nɛ ŋklaŋ e gbiti kumo be kaplɛkama le gbetɛɛ. Enyɛnpetale Ebɔrɛ na beeŋ ta bumo n lara sarga ashi kelargato be esoso a mata Yufreetes be Lɔrgboŋ na.

Jɛremaya 46:19

Ijipt be basa, men bela ase n wora shiriya; bedoŋ beeŋ ba pɛ menyi n yɔ kenyaya to. Menyi be kadegboŋ nɛ baa tre Mɛmfis na beeŋ bure a dese fuloŋ nɛ esa kikɛ maaŋ naa wɔ kumo to.

Jɛremaya 46:2

Ijipt be asheŋ nɛ e daŋ juŋkpar m malga. Kusɔ nɛ e daŋ kaŋɛ a laŋɛ Ijipt be ewura Niko nɛ Babilɔn be ewura Nebukadneeza daŋ kɔ m pɔɔ so ashi kadegboŋ nɛ baa tre nɛ k mata Lɔrgboŋ nɛ baa tre Yufreetes na be benapo be kaplɛa so. Ewura Jehowakim ka ji Juda be kuwura be kafɛ nasopo to na nɛ loŋ wora. Kusɔ nɛ Enyɛnpe Ebɔrɛ na daŋ kaŋɛ ma nde:

Ezikɛl 21:28

Ama fo, dimɛdi pibi, kaŋɛ fanɛ kusɔ nɛ Enyɛnpetale Ebɔrɛ na bee kaŋɛ a laŋɛ Ammɔn be basa nɛ baa tege Israɛl na be kaplɛa so e la fanɛ b gberge tokobi m pe, n wora shiriya nɛ b mɔ; b fifɛa kumo so nna m bela ase nɛ b ta kumo m mɔ. K bee kpa edɛ fanɛ bɔrɛ ka nyɛkpɛ nna!

Ezikɛl 30:13

Ade be kaman nɛ Enyɛnpetale Ebɔrɛ na naŋ kaŋɛ le: “Meeŋ mur agbirana nɛ mpɔrduliana nɛ Ijiptebi bee shuŋ ashi kadegboŋ nɛ baa tre Mɛmfis na. Esa kikɛ maaŋ naa wɔtɔ nɛ e ji Ijipt be efuli so kuwura, nɛ kufu a pɛ basa kikɛ efuli na so.

Hoziya 9:6

Hale men baa shile a ŋana gba, Ijipt be efuli so nɛ menyeeŋ ya lar nɛ b puli menyi ashi bumo be kade nɛ baa tre Mɛmfis na to. Menyi be gbiti be ekpanjawu na beeŋ shir kupuŋ to nɛ afitiri e kɔr menyi be ewajɛbu to.

Nahum 2:13

Nɛ Enyɛnpetale Ebɔrɛ na kaŋɛ: “Ninɛveebi, men ki ma doŋana nna na, meeŋ chɔɔ menyi be egbaŋɛturko nseŋ shin nɛ b mɔ menyi be benapo kena to. Ma alɛ beeŋ naŋ shin nɛ b sɔ asɔ nɛ men suge beko kutɔ na, ekama malɛ maaŋ tuge menyi be mbɔ kikɛ.”

Ditɛronɔmi 32:42

Bumo be ŋklaŋ beeŋ baa chise ma atanyembi so, nɛ ma tokobi e mɔ bekama nɛ b maa shuli a sa ma na. M maaŋ shin nɛ ekama nɛ e bee kɔ ma e ta mbe kumu n ji; bumo nɛ b nya doro nɛ bumo nɛ b wɔ kabuti to kikɛ beeŋ wu.’