Jɛremaya 44:7 - EBƆRƐ BE KAWƆL

⁷ To, ma, Enyɛnpetale, Israɛl be Ebɔrɛ na bee bishi nna fanɛ manɛ so nɛ menyee wora menyi gbagba be amu le be kulubi ere? Menyee sha fanɛ benyɛn nɛ beche nɛ mbia wurbi nɛ mbi popɔrbi kikɛ e mur nna nɛ menyi be esa kama maaŋ naŋ ka a wɔtɔ a?

Jɛremaya 44:7 ပူးပေါင်းရင်းမြစ်များ

Aŋasa 1:18

To, loŋ be basa lubi na bee sho bumo gbagba be amu ajigbelɛ nna. B yɛ basa nɛ baa pugi a jo, ama bumo gbagba be amu nɛ baa kilgi a mɔ.

Aŋasa 15:32

Esa kama nɛ e maa shuli a sɔ kasogberge maa sha mbe kumu nna na, ama esa kama nɛ e bee sɔ keŋini bee nya kanyiasheŋ nna a ti so.

Aŋasa 5:22

Esa lubi be alubi du fanɛ kegba, nɛ mo gbagba bee kilgi a tɔr to nɛ k bee pɛ mo nna.

Aŋasa 8:36

Bekama nɛ b maŋ nya ma bre bee tɔrɔ bumo be amu nna. Ekama nɛ e kishi ma bee sha luwu nna na.”

Jɛremaya 25:6

Anebiana na kaŋɛ menyi fanɛ men sa maa bunyaŋ ŋko a shuŋ agbir nɛ men lɔŋɛ na; saŋɛ na so Enyɛnpe Ebɔrɛ na maaŋ nya agbo n wora menyi. Men daŋ wora Enyɛnpe Ebɔrɛ na kasonu nna, e daa maaŋ gberge menyi kusoe.

Jɛremaya 25:7

Ama Enyɛnpe Ebɔrɛ na gbagba kaŋɛ fanɛ men kini kenu n sa mo nsaa shuŋ agbirana nɛ mbe kagbene kaa. Amoso men gbagba e bar kasogberge na menyi be amu so.

Jɛremaya 26:19

Ndoŋ nna nɛ benimuana na kraŋ naŋ kaŋɛ ewura Hɛzekaya nɛ e shin nɛ Juda be basa na maŋ mɔ anebi Maika. Ama kusɔ Hɛzekaya daŋ wora e la fanɛ e daŋ maŋkura Enyɛnpe Ebɔrɛ na nna nseŋ kule mo fanɛ e wu mo kuwɔr. Kumo be kaman nɛ Enyɛnpe Ebɔrɛ na chɛrga mbe nfɛra a laŋɛ jɛrbi nɛ e daŋ kaŋɛ fanɛ e beeŋ shin nɛ b ji na be kaplɛa so. An peebi Juda be basa, nɛ an mɔ Jɛremaya, anyeeŋ ji jɛrbi lubi.”

Jɛremaya 3:24

Ama anyi ka shuŋ kegbir nɛ baa tre Baal nɛ k la ŋaba be kegbir na, shin nɛ an paŋ anyi be mbolpɔ nɛ ana nɛ an nananyɛnana shuŋ ŋ gben n nya dra na kikɛ na nɛ anyi be mbia nna.

Jɛremaya 38:17

Ndoŋ nna nɛ ŋ kaŋɛ ewura Zɛdikaya kusɔ nɛ Enyɛnpetale, Israɛl be Ebɔrɛ na kaŋɛ. E yɛ: “Nɛ fanɛ fo shuli n ta fo kumu n ya bɔɔ Babilɔn be ewura be benimuana na enɔ, feeŋ ji ŋkpa nɛ b maaŋ naŋ chɔɔ kadegboŋ ere n lɛ. Fo nɛ fo kanaŋ kikɛ beeŋ nya menyi be amu.

Jɛremaya 42:20

fanɛ kewora n foe gboŋgboŋi nɛ menyee shin nɛ men wora na. Menyi e kaŋɛ ma fanɛ ŋ kule Enyɛnpe, anyi be Ebɔrɛ na n sa menyi nseŋ nase kɔnɔ fanɛ kusɔ kama nɛ e kaŋɛ menyeeŋ wora kumo.

Jɛremaya 44:14

Basa nɛ b daŋ ka a wɔ Juda be efuli so nseŋ lar m ba kaa wɔ Ijipt na be ekama maaŋ nya n shile m mɔlga mbe kumu ŋko n ji efute. Bumo to be esa koŋwule gba maaŋ bɛta n yɔ Juda, kakpa nɛ b naa yɛlga kebɛta n yɔ na. Bumo to be basa gbrɛbi ko e naŋ nya m bɛta n yɔ.”

Jɛremaya 44:8

Manɛ nna nɛ menyee bunyaŋ agbirana nsaa lara esarga a sa amo ashi Ijipt a wɔtɔ ma agbo to? Menyee wora le nna nɛ men mur menyi be amu, saŋɛ na so durnya to be efuli kama so be basa beeŋ baa keni menyi jiga nsaa ta menyi be ketre a sho basa kɔnɔ a?

Jɛremaya 51:22

Fo nɛ mee ta a mɔ benyɛn nɛ beche, nɛ basakpar nɛ mbifɔlbi nɛ mbinyɛnsobi nɛ mbichesobi kikɛ.

Jɛremaya 7:19

Baa wɔtɔ ma agbo nna, ama bumo gbagba be amu nɛ baa tɔrɔ nsaa ŋaba na.

Jɛremaya 9:21

Luwu bɔla anyi be etokuro to n luri mboŋ lempoana nɛ amo to be keluri du kpakpa na to. K mɔ anyi be mbia n lɛ agbembi so nseŋ mɔ anyi be mbifɔlbi n lɛ alɔnɛ so.

Nfabel 2:11

M baŋ shu nna m pere anishi hale nɛ ma epun to bee besa. Ma basa ka mur na shin nɛ ma kagbene jija ma hale nɛ m bɛlɛ. Mbi wurbi nɛ mbi popɔrbi kikɛ kreŋ a dese agbembi so ŋkpal esa kikɛ ka maŋ wɔtɔ nɛ e keni bumo so ashi kadegboŋ na to so.

Nfabel 2:22

Enyɛnpe Ebɔrɛ, fo kanya agbo so, fo kela n tre n doŋana nna fanɛ basa nɛ fo tre kejigboŋ to na. Esa kikɛ daa maŋ ji efute loŋ be kachɛ na. Bedoŋ na daŋ mɔ ma mbia nɛ m bela a sha bumo ga na nna.

Ezikɛl 33:11

Kaŋɛ bumo fanɛ, ŋ ka la Enyɛnpetale Ebɔrɛ nɛ e bee sa ŋkpa so, ma kagbene maa fuli alubiworapoana be luwu so. B ka yige bumo be alubi be kewora nseŋ ji efute e naa fuli ma kagbene. Amoso nɛ Israɛl be basa na bee sha keji efute, kumo ere b yige bumo be asheŋ lubi na nseŋ bɛta m ba ma kutɔ.

Ezikɛl 9:6

Men ya mɔ benyɛnnimu nɛ mbrantiɛ nɛ besuŋgurbi nɛ bechekpar nɛ mbi wurbi kikɛ ama men sa maŋ beta ekama nɛ e kɔ ndulgi mbe kasɔto na. Men fara ma bɔrɛlambu to a mɔ a yɔ.” Nɛ b ta benimuana nɛ b daa wɔ bɔrɛlambu na be anishito na n fara.

Habakuk 2:10

Ama ŋkpal kusɔ nɛ men wora beko na so, menyeeŋ bar ŋaba menyi be nnaŋ to ebi so nseŋ shin nɛ kemur e ba menyi gbagba so.

Nɔmbɛs 16:38

ŋkpal b ka ta amo m ba Enyɛnpe Ebɔrɛ na be bɔrɛsure na ase so. Ta basa nɛ edɛ chɔ m mɔ ŋkpal bumo be alubi so ere be edɛtɔl m bɛl ebuuso a buu bɔrɛsure na so nɛ kumo be loŋ e baa la kefiɛso n sa Israɛlebi.”

Ditɛronɔmi 32:25

Kena beeŋ ku menyi be agbembi so m bar menyi luwu, nɛ kufugboŋ e ba menyi so ashi men be elaŋana to. Mbifɔlbi beeŋ wu. Mbiwurbi nɛ basa nɛ b bel kikɛ maaŋ lar.

Joshuwa 6:21

nseŋ ta bumo etokobi m mɔ benyɛn nɛ beche nɛ mbia nɛ benimu nɛ kusɔ kama nɛ k wɔ kade na to kikɛ. B daŋ mɔ ana nɛ mbolpɔ nɛ ekurma nɛ amo kikɛ ki sarga n sa Ebɔrɛ.

Demujipoana 21:11

Kusɔ nɛ b kaŋɛ benapo na nde: “Kusɔ nɛ menyeeŋ wora nde. Men ya mɔ benyɛn kikɛ nɛ beche kama nɛ b nyi benyɛn nseŋ yige beche nɛ b maŋ naŋ pin benyɛn na bre.”

1 Samuɛl 15:3

Men ya kɔ Amalɛkebi na nseŋ jija bumo be kusɔ kama nɛ b kɔ kikɛ kuraa. Men sa maŋ kaŋ yige shɛŋ shɛŋ. Men mɔ bumo be benyɛn nɛ beche nɛ mbia nɛ mbi popɔrbi kikɛ. Men mɔ bumo be ana nɛ mbolpɔ nɛ enyɔma nɛ ekurma gba.”

1 Samuɛl 22:19

Sɔɔl daŋ shin nna nɛ Duɛg yɔ Nɔb, nɛ k la bɔrɛmatapoana be kade to na, n ya mɔ ndoŋebi kikɛ. E daŋ mɔ benyɛn nɛ beche nɛ mbia nɛ mbi popɔrbiana nɛ ana nɛ ekurma nɛ mbolpɔ kikɛ nna.