Jɛremaya 44:28 - EBƆRƐ BE KAWƆL

²⁸ Menyi to be gbrɛbi ko e naŋ nya ŋ gelge luwu nseŋ shi Ijipt m bɛta n yɔ Juda be efuli so. Aloŋ, bumo nɛ baaŋ ji efute na beeŋ pin ma nɛ menyi be mmalga be amo nɛ a la kashenteŋ.

Jɛremaya 44:28 ပူးပေါင်းရင်းမြစ်များ

Nshɛ 33:11

Kusɔ nɛ Enyɛnpe na kre bre wɔtɔ nna mbaanaayɔ. Kusɔ nɛ e yili maa chɛrga kikɛ.

Aizaaya 10:19

Ndibi nɛ a beeŋ ka na maaŋ naa shi. Kebibi gba beeŋ tiŋ ŋ karga amo.

Jɛremaya 42:17

Basa kama nɛ b yili kumo fanɛ baaŋ yɔ Ijipt n ya chena na beeŋ wu kena to ŋko akoŋ ŋko kulɔ beeŋ mɔ bumo. Bumo to be ekama maaŋ ji efute, ekoŋwule gba maaŋ gelge jɛrbi nɛ meeŋ bar bumo so na.’

Jɛremaya 44:13

Kananɛ n ta kena nɛ akoŋ nɛ alɔ ŋ gberge Jerusalɛm to be basa kusoe na, aloŋ nɛ meeŋ gberge bumo nɛ b wɔ Ijipt na kusoe.

Jɛremaya 44:14

Basa nɛ b daŋ ka a wɔ Juda be efuli so nseŋ lar m ba kaa wɔ Ijipt na be ekama maaŋ nya n shile m mɔlga mbe kumu ŋko n ji efute. Bumo to be esa koŋwule gba maaŋ bɛta n yɔ Juda, kakpa nɛ b naa yɛlga kebɛta n yɔ na. Bumo to be basa gbrɛbi ko e naŋ nya m bɛta n yɔ.”

Jɛremaya 44:29

Ma, Enyɛnpe Ebɔrɛ na beeŋ ŋini menyi kusɔ ko nɛ k shin nɛ men pin fanɛ meeŋ gberge menyi kusoe nfe nseŋ naŋ pin fanɛ ŋ ka nase kɔnɔ fanɛ meeŋ mur menyi na la kashenteŋ nna.

Jɛremaya 51:50

Nɛ Enyɛnpe Ebɔrɛ na kaŋɛ mbe basa nɛ b wɔ Babilɔn be efuli so na le, Ma basa, jemanɛ nɛ Jerusalɛm daŋ bure na, men daŋ nya n shile m mɔlga menyi be amu nna. Naniere kakpa nɛ men chena ere nɛ epe wɔ kufɔ, ama men yirda ma nseŋ fɛ Jerusalɛm be asheŋ. Men lar Babilɔn be efuli so! Men sa maŋ naŋ chena ndoŋ!

Ezikɛl 6:8

Ama meeŋ shin nɛ beko e ji efute nseŋ pesaŋ to n yɔ efuli pɔtɛana so.

Zakareya 1:6

N daŋ bɔla anebiana nɛ b la ma nyɛrbi na so nna n sa men nanaana ma mbraana nɛ kefiɛso be mmalga, ama b daa maŋ tuge ma, nɛ kumo be kasogberge ba bumo so. Kumo be kaman nɛ b chɛrga bumo be nfɛra nseŋ shuli so fanɛ ma, Enyɛnpetale Ebɔrɛ na e sa bumo kasogberge nɛ k daga bumo, fanɛ kananɛ ŋ kre kumo na.”

Nɔmbɛs 14:41

Nɛ Mosis kaŋɛ bumo le: “Manɛ nna nɛ menyi maŋ kɔ kasonu n sa Enyɛnpe Ebɔrɛ na? Men baa nyi fanɛ men be ŋkre ere maaŋ tiŋ n shuŋ!

Matiu 24:35

Ebɔrɛso nɛ kasawule kikɛ beeŋ ba mur, ama ma mmalga maa ba nɛ a ba mur kikɛ!