Jɛremaya 44:27 - EBƆRƐ BE KAWƆL

²⁷ Meeŋ shin nɛ menyi maaŋ nyalɛ kikɛ! Menyeeŋ mur. Menyi be galeŋga beeŋ wu kena to ŋko alɔ beeŋ mɔ menyi n ya fo fanɛ menyi to be esa koŋwule gba maaŋ ka.

Jɛremaya 44:27 ပူးပေါင်းရင်းမြစ်များ

2 Bewura 21:14

Meeŋ kplaŋ basa nɛ b maŋ wu na so nseŋ shin nɛ bumo doŋana e kɔ m pɔɔ bumo so m muu bumo be kasawule na so be asɔ kikɛ.

Jɛremaya 1:10

Kabre mee sa fo eleŋ nna nɛ fo tiŋ a kaŋɛ efuliana na be basa fanɛ meeŋ lara bumo ashi to nseŋ mur bumo nɛ b maaŋ naa wɔtɔ kuraa. Kumo be kaman nɛ n naŋ lɔŋɛ m pɔr bumo be efuliana na n yili.”

Jɛremaya 21:10

N teŋ wora ma nfɛra fanɛ meeŋ mur kadegboŋ na. Meeŋ sa Babilɔn be ewura ekpa nɛ e chɔɔ kumo m mur. Ma, Enyɛnpe Ebɔrɛ e kaŋɛ na.”

Jɛremaya 31:28

Kananɛ n daa keni nɛ b tia bumo nseŋ lara bumo n lɛ m mur bumo na, a loŋ nɛ meeŋ naa keni nɛ b naŋ laŋɛ bumo m ba chena nseŋ chɛ bumo to nɛ b salga to.

Jɛremaya 39:16

ŋ kaŋɛ Ebedmɛlɛk nɛ e shi Itiopia be efuli so na fanɛ mo Enyɛnpetale, Israɛl be Ebɔrɛ na yɛ: “Kananɛ ŋ kaŋɛ fanɛ meeŋ shin nɛ kemur nɛ mannɛ kedamaya e ba kadegboŋ ere so na, nɛ meeŋ wora. Nɛ kumo be jemanɛ kaŋ fo malɛ feeŋ baa wɔ ŋkpa to n wu kumo.

Jɛremaya 42:16

kumo ere kena nɛ menyee ŋana na beeŋ ba menyi so nɛ akoŋ nɛ kumo be asheŋ bee da menyi kufu na gba e ba menyi so nɛ men ya wu ashi Ijipt to ndoŋ.

Jɛremaya 44:12

Juda be basa nɛ b ka efuli na so ndoŋ nseŋ yili kumo bumo be ŋgbene to fanɛ baaŋ yɔ Ijipt be efuli so na bre, meeŋ shin nɛ bumo kikɛ e mur. Bumo to be benimu nɛ mbia kikɛ beeŋ wu ashi Ijipt ashi kena to ŋko akoŋ beeŋ mɔ bumo. Bumo be asheŋ beeŋ baa chinchiŋ basa nɛ b baa wora bumo eyurto nsaa ta bumo be ketre a sho basa kɔnɔ.

Jɛremaya 44:13

Kananɛ n ta kena nɛ akoŋ nɛ alɔ ŋ gberge Jerusalɛm to be basa kusoe na, aloŋ nɛ meeŋ gberge bumo nɛ b wɔ Ijipt na kusoe.

Jɛremaya 44:14

Basa nɛ b daŋ ka a wɔ Juda be efuli so nseŋ lar m ba kaa wɔ Ijipt na be ekama maaŋ nya n shile m mɔlga mbe kumu ŋko n ji efute. Bumo to be esa koŋwule gba maaŋ bɛta n yɔ Juda, kakpa nɛ b naa yɛlga kebɛta n yɔ na. Bumo to be basa gbrɛbi ko e naŋ nya m bɛta n yɔ.”

Jɛremaya 44:18

Ama baŋ yili jemanɛ nɛ an yige kebaalara esarga a sa ebɔrɛso be Ewurche na nseŋ yige kebaata yabra a to nchu a sa mo na, anyi alɛ maŋ naa kɔ shɛŋ nɛ anyi be basa malɛ naŋ wu kena to nɛ akoŋ mɔ beko.”

Jɛremaya 9:15

Amoso nɛ ma, Enyɛnpetale Israɛl be Ebɔrɛ na nase kɔnɔ fanɛ meeŋ sa ma basa ajibi kekera nɛ b ji nseŋ sa bumo nchu nɛ kɔrtɔ wɔ amo to nɛ b nuu.

Jɛremaya 9:16

Ma alɛ beeŋ shin nɛ b pesaŋ to n yɔ efuli pɔtɛana nɛ bumo ŋko bumo nananyɛnana maŋ naŋ nu amo be asheŋ ŋ ku so. Meeŋ naŋ shin nɛ benapo e ba kɔ bumo m mur bumo cheche.”

Ezikɛl 5:12

Menyi to be ntuŋ asa to be katuŋ koŋwule beeŋ wu ŋkpal alɔ nɛ akoŋ so ashi Jerusalɛm to, nɛ katuŋ nyɔsopo e wu kena to. Katuŋ sasopo malɛ beeŋ pesaŋ to n sɔ kaplɛkama a shile nɛ n ta tokobi m bɛ bumo so a mɔ.

Ezikɛl 7:6

Kemur be saŋɛ na fo! K fo n loge. K beeŋ shin nɛ men mur.

Danɛl 9:14

O, an Nyɛnpe nɛ anyi be Ebɔrɛ, naniere bre fo gberge anyi kusoe. Kumo alɛ be loŋ walɛ, ŋkpal manɛ so kusɔ kama nɛ fo wora walɛ nna, anyi e maa nu a sa fo.

Eemɔs 9:8

Ma Enyɛnpetale na bee wu kulubi nɛ Israɛl be efuli na bee wora, ma alɛ beeŋ mur bumo ashi kasawule ere so. Ama ŋkpal bumo nananyɛn Jeekɔb so meeŋ yige bumo be basa gbrɛbi.