Jɛremaya 44:17 - EBƆRƐ BE KAWƆL

¹⁷ Kusɔ kama nɛ an kaŋɛ fanɛ anyeeŋ wora na nɛ anyeeŋ wora. Anyeeŋ lara esarga n sa anyi be kegbirche nɛ e la ebɔrɛso be Ewurche na, nseŋ naŋ ta yabra n to nchu n sa mo, fanɛ kananɛ an nananyɛnana nɛ anyi be ewura nɛ bejuŋkparpoana na daŋ wora ashi Juda be ndeana to nɛ Jerusalɛm be agbembi so na. Kumo be kaman, an daa kɔ ajibi damta nseŋ daŋ dii dama nɛ etɔrɔbi kikɛ malɛ daa maŋ wɔ anyi to.

Jɛremaya 44:17 ပူးပေါင်းရင်းမြစ်များ

2 Bewura 17:16

Israɛlebi na daŋ kini kebɛ Enyɛnpe bumo be Ebɔrɛ na be mbra so nna nseŋ ta shuwa n lɔŋɛ egbolu fɔlbi anyɔ a shuŋ amo. B daŋ naŋ lɔŋɛ kegbirche Ashira gba be kapɔrduli nna nsaa shuŋ kumo nɛ achɛkpabi nɛ kegbir nɛ baa tre Baal na.

2 Bewura 22:17

Ŋkpal manɛ so b ka kini ma nseŋ lara esarga n sa efuli pɔtɛana so be agbirana nɛ ma agbo kaa bumo so ga. Kusɔ nɛ b wora na so ma agbo maaŋ wushi kikɛ.

2 Kronikɛls 28:23

E daŋ lara esarga nna n sa Siriyaebi nɛ b daŋ kɔ m pɔɔ mo so na be agbirana. Le nɛ e daŋ fɛ: “Siriya be agbirana na a chɛ Siriya be bewura to, amoso nɛ m baŋ lara sarga n sa amo, a beeŋ chɛ ma alɛ gba to.” Aloŋ so nɛ mo nɛ mbe efuli so ebi ji jɛrbi ga na.

Nehemaya 9:34

Anyi be bewura nɛ bejuŋkparpo nɛ bɔrɛmatapoana nɛ an nanaana maŋ bɛ fo mbra nɛ mmalga kpakpaso mo nɛ fo ŋini bumo fanɛ b bɛ so na so.

Nshɛ 106:6

Anyi nɛ an nanaana kikɛ wora asheŋ lubi ga.

Nshɛ 12:4

anyi be mmalga bee sa anyi kusɔ kama nɛ anyee sha nna. Anyeeŋ kaŋɛ kusɔ kama nɛ k tir anyi nɛ esa kama maaŋ tiŋ ŋ kaŋɛ fanɛ an loto.

Ɛksodɔs 16:3

a kaŋɛ le: “Enyɛnpe Ebɔrɛ daŋ shin nɛ an wu ashi ljipt be kasawule so gba, k daa bɔ, ŋkpal manɛ so, an ka daa wɔ ndoŋ, an daa nya eblaŋ nɛ ajibi kanaŋkamaso nɛ anyee sha a ji. Ama kumo nɛ men bar anyi keshishɛrsawule ere so m ba ka shin nɛ men ta akoŋ m mɔ anyi kikɛ na.”

Aizaaya 48:5

Amoso nɛ ŋ kaŋɛ menyi asheŋ ere dra dra kikɛ na, saŋɛ na so nɛ a kaŋ wora m bɔlɔ so, menyi maaŋ kaŋɛ fanɛ agbir nɛ menyee shuŋ na e shin nɛ a wora m bɔlɔ so.

Jɛremaya 1:16

Meeŋ gberge ma basa kusoe ŋkpal b ka kini ma n lɛ nsaa shuŋ agbir a lara esarga a sa amo so.

Jɛremaya 11:12

Ndoŋ nna nɛ b laŋɛ n yɔ agbirana nɛ baa lara esarga a sa na kutɔ nɛ b ya shu n fin kechɛto. Ama agbirana na maaŋ tiŋ m mɔlga bumo jemanɛ nɛ kemurgboŋ na beeŋ ba bumo so na.

Jɛremaya 18:15

Ama ma basa bre teŋ ma so nna nseŋ lar ma kaman n ya kaa chɔɔ eduwu a sa agbirana. B daŋ yige ekpa nɛ k daga fanɛ b baa bɔla so a wora asheŋ nna, nseŋ ya kaa bɔla ekpa popɔr so a shuŋ agbir; nɛ k wora fanɛ b ka fiti n tɔr na.

Jɛremaya 44:21

“Enyɛnpe Ebɔrɛ na daa nyi esarga nɛ menyi nɛ men nananyɛnana nɛ menyi be bewuraana nɛ bejuŋkparpoana na nɛ kasawule na so be basa kikɛ daa lara ashi Juda be ndeana to nɛ Jerusalɛm be agbembi so na be asheŋ.

Jɛremaya 44:9

Menyi ka daa wɔ Jerusalɛm nɛ Juda be efuli so na, asheŋ lubi nɛ men nananyɛnana nɛ menyi be bewuraana nɛ bewurcheana daŋ wora na nɛ menyi alɛ gba daa kute to a wora.

Jɛremaya 7:17

Fo maŋ wu kusɔ nɛ baa wora ashi Juda be efuli so be ndegboŋana to nɛ Jerusalɛm to be agbembi so nna a?

Jɛremaya 7:18

Mbia bee kil ndibi nna nɛ benyɛn bee puga edɛ nɛ beche malɛ bee ta nyifu a to mansaŋ nɛ ekpakulo a sa kegbirche nɛ baa tre Ebɔrɛso be Ewurche na. Bumo alɛ naa ta nsa nna a to nchu a sa agbirana a shin nɛ ma kagbene bee kaa.

Ezikɛl 20:32

Menyee kaa kaŋɛ le nna: “Anyee sha fanɛ an baa du fanɛ efuliana nɛ amo be basa bee shuŋ ndibi nɛ ajembu na nna.” Ama kusɔ nɛ menyee fɛ na maaŋ tiŋ n wora kikɛ.

Ezikɛl 20:8

Ama b pal kaman n sa ma nseŋ kini kenu n sa ma. B daŋ maŋ lara asɔ nɛ b ta ŋ ki agbirana ashuŋ nseŋ ta bumo be anishi n yuu amo so na ashi bumo to. Bumo alɛ daa maŋ naŋ kini Ijipt be efuli so be agbirana na gba. Amoso nɛ n daŋ kaŋɛ fanɛ meeŋ shin nɛ ma agbo a ba bumo so nɛ ŋ gberge bumo kusoe ashi Ijipt ndoŋ na.

Ezikɛl 23:41

Kumo be kaman nɛ b chena mbɛ lela so nseŋ bela asɔ lela fanɛ eduwu nɛ ɔlif be ŋku nɛ n sa bumo na m bɛ teebɔl so ashi bumo be anishito.

Ezikɛl 8:16

Ndoŋ nna nɛ e naŋ bar ma Enyɛnpe Ebɔrɛ na be bɔrɛlambu na be epunto be kelɔnɛ na so, ashi bɔrɛlambu na be kabuna nɛ k wɔ bɔrɛsure na nɛ kedɛdɛ na be nferinto na ase, nɛ ŋ wu benyɛn beeŋ wora fanɛ basa adunyɔ nɛ anu. B daŋ pal bumo be mman nna n shoŋi Enyɛnpe Ebɔrɛ be bɔrɛlambu na nseŋ kilgi bumo be anishito n shoŋi epeŋilarkpa m murgi a bunyaŋ epeŋi nɛ k bee pete na.

Habakuk 1:16

Baa bunyaŋ bumo be ashewu nna nsaa lara esarga a sa amo, ŋkpal b ka bee bɔla ashewu na so a dii kedama nsaa nya ajibi lela a ji so.

Nɔmbɛs 30:12

Nɛ mo kul nu kumo nseŋ ju mo fanɛ e sa maŋ wora m bɔlɔ kɔnɔ naseso na so bre, kumo ere k maŋ daga e ka wora m bɔlɔ kumo so. Enyɛnpe Ebɔrɛ malɛ beeŋ ta m paŋ mo ŋkpal mo kul ka ju mo na so.

Nɔmbɛs 30:2

Esa kama baŋ nase kɔnɔ n sa Enyɛnpe Ebɔrɛ na, ŋko m bɔ ntaŋ fanɛ e maaŋ wora kusɔ ko, k daga e ka bɛ kɔnɔ naseso na so n wora kusɔ kama nɛ e kaŋɛ fanɛ e beeŋ wora na.

Maak 6:26

Ndoŋ nna nɛ Ewura na be kagbene jija mo ga, ama e daa maa sha nɛ e kini ŋkpal ntaŋana nɛ e bɔ mbe befɔ be anishito na so.

Ditɛronɔmi 23:23

Ama nɛ esa nase kɔnɔ mbe keparso, a daga fanɛ e tia kumo, ŋkpal manɛ so, mannɛ esa ko e tintiŋ mo nɛ e nase kɔnɔ na.

Filipaiebi 3:19

Bumo be ekar la kemur nna, ŋkpal manɛ so, bumo be epunana e la bumo be Ebɔrɛ nɛ bumo be kemaŋkura malɛ la anishinyɔr be asɔ. Kashenteŋto, bumo be ŋgbene kikɛ wɔ durnya ere to be asɔ to nna.

1 Pita 1:18

Ŋkpal manɛ so, men nyi fanɛ mannɛ asɔ nɛ a beeŋ tiŋ n jija fanɛ egbiti nɛ eshuwa nɛ b daŋ ta n sɔ menyi ashi men be kebaawɔtɔ fuloŋ mo nɛ men nya ashi men nanaana kutɔ na n yige.

Demujipoana 11:36

Ndoŋ nna nɛ mo pibiche na kaŋɛ: “N tuto, fo teŋ nase kɔnɔ n sa Enyɛnpe Ebɔrɛ. Amoso ta ma n wora kusɔ nɛ fo nase kɔnɔ fanɛ feeŋ wora na, ŋkpal manɛ so, Enyɛnpe Ebɔrɛ na tiŋ m pɔɔ fo doŋana, Ammɔnebi na so n sa fo.