Jɛremaya 44:10 - EBƆRƐ BE KAWƆL

¹⁰ Hale naniere gba, menyi be kamoowuso menyi maa sa ma bunyaŋ gba a bishi nɛ menyee wora ma mbraana nɛ keŋini nɛ n ta n sa men nananyɛnana na kasonu.

Jɛremaya 44:10 ပူးပေါင်းရင်းမြစ်များ

1 Bewura 21:29

“Fo gbagba ere wu kananɛ Ahab bar mbe kumu kaseto n sa ma nna na, amoso, m maaŋ shin nɛ jɛrbi e tu mo ama mo pibi be jemanɛ so nɛ meeŋ shin nɛ jɛrbi e ba mbe kanaŋ kikɛ so.”

2 Bewura 22:19

nseŋ chɛrga mbe nfɛra m bar mbe kumu kaseto ŋ kpɛa mbe asɔbuuso to kagbenejijaso a shu ŋkpal ŋ ka kaŋɛ fanɛ meeŋ gberge Jerusalɛm be basa kusoe n shin nɛ k ki kakpa nɛ basa beeŋ baa lɔ kufu keyɔ nɛ kumo be ketre malɛ e ki kɔnɔsho n sa basa so. N nu mo ere be kabɔrɛkule,

2 Kronikɛls 32:26

Ade kikɛ be kaman nɛ ewura Hɛzekaya nɛ Jerusalɛm be basa na bar bumo be amu kaseto nseŋ kule Ebɔrɛ alubi be ketampaŋ nɛ Enyɛnpe Ebɔrɛ ta m paŋ bumo nseŋ maŋ naŋ gberge bumo kusoe n ya fo saŋɛ so nɛ Hɛzekaya wu pɔɛŋ.

2 Kronikɛls 33:12

Ewura Manase ka wɔ kabuti to ashi Babilɔn na nɛ e bar mbe kumu kaseto n sa Enyɛnpe mbe Ebɔrɛ na nseŋ kule mo fanɛ e chɛ mo to.

2 Kronikɛls 33:19

Ewura Manase be kabɔrɛkule nɛ kananɛ Ebɔrɛ nu mbe kekule, nɛ alubi nɛ e wora kikɛ pɔɛŋ nseŋ chɛrga, nɛ nnyamase be agbirana nɛ e shuŋ nɛ mboŋ nɛ e pɔr kegbirche Ashira nɛ agbirana be mpɔrduli, nɛ asheŋ nɛ e wora kikɛ be asheŋ wɔ anebiana be adrasheŋ be nwɔl to.

2 Kronikɛls 34:27

nseŋ chɛrga fo nfɛra m bar fo kumu kaseto ŋ kpɛa fo asɔbuuso to kagbenejijaso a shu ŋkpal ŋ ka kaŋɛ fanɛ meeŋ gberge Juda be basa kusoe so. N nu fo kabɔrɛkule,

Nshɛ 34:18

Enyɛnpe Ebɔrɛ na taga basa nɛ bumo be aba pɔ bumo na to nna. E bee mɔlga bekama nɛ b maŋ naa kɔ tama na nna.

Nshɛ 51:17

Esa be kagbene be kejija mo ga ŋkpal alubi so e naa bɔlɔ fo kenishi.

Nshɛ 78:10

B daa maŋ wora m bɔlɔ bumo nɛ Ebɔrɛ be kɔnɔkoŋwule be ŋkre na so. B daŋ kini kewora mbe mbraana kasonu nna.

Ɛksodɔs 10:3

Ndoŋ nna nɛ Mosis nɛ Ɛɛrɔn naŋ yɔ Fɛɛro kutɔ n ya kaŋɛ mo fanɛ Enyɛnpe Ebɔrɛ, Israɛlebi be Ebɔrɛ na yɛ: “Shin nɛ ma basa e yɔ, saŋɛ na so, baaŋ ya bunyaŋ ma.

Ɛksodɔs 9:17

Ŋkeshin nɛ fo alɛ kraa wɔtɔ nna a ŋini ma basa fo eleŋ nsaa kini keshin nɛ b yɔ.

Ɛksodɔs 9:30

Ama n nyi fo nɛ fo beyaasepo ka maa ŋana Enyɛnpe Ebɔrɛ na.”

Aŋasa 14:16

Enyiashempo bee ŋana Ebɔrɛ nna nsaa gelge alubi, ewulpo bre du brembreŋ nna, e maa fɛ nfɛra pɔɛŋ nsaa wora asheŋ.

Aŋasa 16:6

Fo baa kɔ kasonu nɛ kashenteŋji, Ebɔrɛ beeŋ ta fo alubi m paŋ fo. Kabɔrɛŋana e naa shin nɛ esa bee ŋana kulubi.

Aŋasa 28:14

Esa kama nɛ e bee ŋana Ebɔrɛ bee nya nɛfa nna, ama esa kama nɛ e kɔ kagbene kpakpaso bre bee luri asheŋ to nna.

Aŋasa 8:13

Enyɛnpe Ebɔrɛ be kesa bunyaŋ e la alubi be kekishi. Kamoowu nɛ ŋkpensheŋ, nɛ asheŋ lubi nɛ efɛ be mmalga maa par Ebɔrɛ kikɛ.

Aizaaya 42:24

Wanɛ e sa ekpa nɛ beko ba suge Israɛl be asɔ? Enyɛnpe Ebɔrɛ nɛ an wora n da so na gbagba e sa bumo ekpa nɛ b wora loŋ! Ŋkpal manɛ so, an daa maa wɔ kebaawɔtɔ nɛ e daa sha na to ŋko n daa wora mbe keŋini nɛ e sa anyi na kasonu.

Aizaaya 57:15

Ma e la Enyɛnpe Ebɔrɛ nɛ e wɔ ebɔrɛso nsaa wɔtɔ mbaanaayɔ na. N wɔ kakpa cheembi nɛ k wɔ esoso nna, ama ma alɛ nɛ basa nɛ b bar bumo be amu kaseto nseŋ ta bumo be amu n deŋi ma so na gba e wɔtɔ nɛ m baa chɛ bumo to.

Aizaaya 66:2

Ma e to durnya kikɛ nseŋ shin nɛ kusɔ kikɛ wɔtɔ. Basa nɛ bumo be asheŋ bee par ma nɛ mee keni bumo a bɔlɔ kenishi, e la basa nɛ baa bar bumo be amu kaseto nsaa tuba ashi bumo be alubi to ŋko bumo nɛ baa ŋana ma nsaa wora ma kasonu na.

Jɛremaya 10:7

Fo e naa ji efuliana na kikɛ so kuwura. Ekama daga fanɛ e maŋkura fo ga nna. Ashi durnya ere to be kaplɛkama, dimɛdi kikɛ maŋ nyi asheŋ a chɔ fo.

Jɛremaya 26:4

Kumo be kaman nɛ Enyɛnpe Ebɔrɛ na naŋ kaŋɛ ma fanɛ ŋ kaŋɛ basa na le: “Ma, Enyɛnpe Ebɔrɛ na e naa kaŋɛ menyi na fanɛ men baa wora ma kasonu nsaa bɛ ma keŋini nɛ n ta n sa menyi na so,

Jɛremaya 32:23

Ama b ka ba kasawule ere so m ba sɔ kumo ŋ ki bumo peya na be kaman, b maŋ wora fo kasonu ŋko m bɛ fo mbra so. Kusɔ kama nɛ fo yili bumo fanɛ b wora na b maŋ wora kumo. Amoso nɛ fo shin nɛ kemur ere ba bumo so na.

Jɛremaya 36:24

Ama ewura na nɛ mbe benimuana nɛ b nu kawɔl na be kakraŋ na maŋ wora kusɔ ko a ŋini fanɛ kagbene jija bumo ŋko kufu pɛ bumo.

Jɛremaya 44:23

Jɛrbi nɛ men ji ere ba nna ŋkpal men ka lara esarga n sa agbirana nseŋ wora kulubi n da Enyɛnpe Ebɔrɛ na so nsaa maŋ wora mbe mbraana nɛ keŋini kikɛ kasonu so.

Jɛremaya 5:3

Kashenteŋto, kashenteŋji nɛ Enyɛnpe Ebɔrɛ na bee keni a fin ashi men kutɔ. Mo e daŋ gberge menyi kusoe, ama men maŋ wɔtɔ lakel; e daŋ tintiŋ menyi nɛ men wora kusɔ nɛ k daga, ama men kini kekoya kusɔ ko kumo to. Men daŋ wora menyi be ŋgbene kpakpa nna nseŋ kini kelar menyi be alubi to.

Jɛremaya 6:15

Ekishisheŋ nɛ baa wora na maa keta bumo nyɔmɔ. Kashenteŋto, anishinyɔr maŋ kɔ bumo gba; bumo alɛ be anishiakpa maa chɛrga a ŋini fanɛ kusɔ nɛ baa wora na be asheŋ tir bumo. Ŋkpal loŋ so, jemanɛ nɛ meeŋ gberge bumo kusoe na kaŋ fo, bumo alɛ gba beeŋ tɔr n wu fanɛ kananɛ beko daŋ tɔr n wu na. Bumo be ekar e naaŋ baa la na.”

Jɛremaya 8:12

Ma basa, anishinyɔr daŋ pɛ menyi nna ŋkpal men ka wora ekishisheŋ ere so a? Anishinyɔr daŋ maŋ pɛ menyi. Menyi maŋ kɔ nyɔmɔ gba kuraa. Ŋkpal loŋ so, menyi alɛ gba beeŋ tɔr fanɛ kananɛ beko daŋ tɔr na. Jemanɛ nɛ meeŋ gberge menyi kusoe na nɛ menyi be kusɔ kama beeŋ fo ekar. Ma, Enyɛnpe Ebɔrɛ e kaŋɛ na.

Ezikɛl 9:4

ŋ kaŋɛ mo le: “Yɔ Jerusalɛm be kadegboŋ na to n ya dulgi bekama nɛ asheŋ bee besa nɛ bumo be ŋgbene jija bumo ŋkpal ekishisheŋ nɛ a bee wora kade na to so na be nsɔto.” Nɛ kanyɛn na lar n yɔ nɛ e ya dulgi bumo.

Malakai 4:2

Ama menyi bekama nɛ men yirda ma na bre, ma kumɔlga na beeŋ ba menyi so fanɛ kananɛ epeŋi bee nyaŋɛ a sa basa alenfia na. Menyeeŋ nya men be amu nɛ men be ŋgbene malɛ e fuli menyi fanɛ b ka fiŋi kuluu nɛ anabi lar a tɛto a yɔ keji to na.

Matiu 27:54

Benapo be enimu nɛ basa nɛ b daa yil ndoŋ a de Yesu so na ka wu kananɛ kasawule na gbuŋgbuŋ to nɛ asɔ nɛ a daŋ wora na kikɛ nɛ kufu pɛ bumo nɛ b kaŋɛ le: “Kashenteŋto, kanyɛn ere daa la Ebɔrɛ Pibinyɛn nna!”

Luuk 23:40

Nɛ eyu nyɔsopo na fiɛ mo barkasa na so m bishi mo le: “Keni, fo maa ŋana Ebɔrɛ nna a? Ŋko fo maŋ wu kananɛ fo nɛ mo kikɛ wɔ luwu be kasogberge koŋwule to a?

Romebi 11:20

To, kashenteŋ nna fanɛ b daŋ fɛta bumo nɛ b daa la kedibi na be ayabi gbagba na nna n lɛ ŋkpal b ka maŋ kɔ yirda so, ama yirda so nɛ menyi ere yil kpakpa na. Amoso, men sa maa wu menyi be amu, men baa kɔ kabɔrɛŋana a wɔtɔ.

1 Pita 5:6

Amoso, men baa bar men be amu kaseto a wɔtɔ Ebɔrɛ be enɔgboŋana to nɛ e maŋ menyi so mo gbagba be saŋɛ.

Kelaraŋŋini 15:4

O, Enyɛnpe, wanɛ e wɔtɔ ŋkaa maaŋ ŋana fo nsaa maaŋ sa fo ketre na kemaŋkura? Ŋkpal manɛ so, fo nawule e du cheembi. Efuli kama so ebi malɛ kikɛ beeŋ ba kachako m ba maŋ fo so, ŋkpal manɛ so, fo demuji niŋisoana na lar efuli.”