Jɛremaya 43:11 - EBƆRƐ BE KAWƆL

¹¹ Ewura Nebukadneeza beeŋ ba kɔ Ijipt be basa kena nseŋ mɔ bumo be basa damta. Alɔ beeŋ mɔ beko nɛ b pɛ beko malɛ ŋ gberge bumo n yɔ Babilɔn be efuli so.

Jɛremaya 43:11 ပူးပေါင်းရင်းမြစ်များ

Job be kawɔl 20:29

Kusɔ nɛ Ebɔrɛ kre n yili n sa kumukpakpaso wuraana nna na.”

Jɛremaya 15:2

Nɛ b kaŋ bishi fo fanɛ nnɛ nɛ baaŋ baa yɔ, fo kaŋɛ bumo le: “Alɔ lubi beeŋ mɔ bumo be beko nɛ beko malɛ e wu kena to. Akoŋgboŋ beeŋ mɔ bumo be beko, nɛ bedoŋ malɛ e pɛ beko n yɔ efuli pɔtɛana so fanɛ anya.

Jɛremaya 25:15

Ade be kaman nɛ Enyɛnpe, Israɛl be Ebɔrɛ na naŋ kaŋɛ ma le ashi bɔrɛdare to: “Kawiebi nɛ ma agbo bɔlɔ kumo nde. Sɔ kumo n yɔ efuliana nɛ meeŋ shuŋi fo amo so na so n ya shin nɛ b nuu kumo to.

Jɛremaya 25:19

Mboŋ nɛ amo alɛ gba beeŋ nuu kawiebi na to be asɔ nuuso na nde: Ijipt be efuli so be ewura nɛ mbe benimu nɛ bejuŋkparpo beeŋ nuu amo; Ijipt be basa kikɛ nɛ befɔ kama nɛ b wɔ Ijipt be efuli so beeŋ nuu amo; Bewura kama nɛ b wɔ Uz be kasawule so beeŋ nuu amo; Bewura kama nɛ b wɔ ndegboŋ fanɛ Ashkɛlɔn nɛ Gaaza nɛ Ekrɔn nɛ basa kama nɛ b ka e wɔ Ashdɔd na ashi Filisti be efuli so; Basa kama nɛ b wɔ Edɔm nɛ Mowab nɛ Ammɔn be efuliana so beeŋ nuu amo; Bewura kama nɛ b wɔ Tayɛ nɛ Sidɔn be ndegboŋana to nɛ nde nɛ bumo be basa wɔ a laŋɛ Teku nɛ baa tre Mɛditerenia na ase beeŋ nuu amo; Basa nɛ b wɔ ndegboŋ nɛ baa tre Dedan nɛ Tɛma nɛ Buz na kikɛ beeŋ nuu amo; nɛ basa kama nɛ baa shɛ bumo be amu kɔlikɔli na beeŋ nuu amo; Bewura kama nɛ b wɔ Areebia be efuli so na kikɛ beeŋ nuu amo; Keshishɛrsawule so be eyiriana na be bewura kikɛ beeŋ nuu amo; Bewura kama nɛ b wɔ Zimri nɛ Elam nɛ Midia be abonfu so na beeŋ nuu amo; Bewura kama nɛ b wɔ kelargato be esoso be kaba so be mboŋ nɛ e taga to nɛ amo nɛ e wɔ kufɔ kufɔ kikɛ so na beeŋ nuu amo. Durnya to be efuli kama daŋ nuu kawiebi na to be asɔ nuuso na. Babilɔn be ewura e daa la esa nɛ e shir kaman n nuu amo.

Jɛremaya 42:22

Amoso men baa nyiŋi fanɛ menyeeŋ wu kena to ŋko akoŋ ŋko alɔ beeŋ mɔ menyi ashi Ijipt be efuli nɛ menyee sha keya chena so na so.”

Jɛremaya 44:12

Juda be basa nɛ b ka efuli na so ndoŋ nseŋ yili kumo bumo be ŋgbene to fanɛ baaŋ yɔ Ijipt be efuli so na bre, meeŋ shin nɛ bumo kikɛ e mur. Bumo to be benimu nɛ mbia kikɛ beeŋ wu ashi Ijipt ashi kena to ŋko akoŋ beeŋ mɔ bumo. Bumo be asheŋ beeŋ baa chinchiŋ basa nɛ b baa wora bumo eyurto nsaa ta bumo be ketre a sho basa kɔnɔ.

Jɛremaya 44:13

Kananɛ n ta kena nɛ akoŋ nɛ alɔ ŋ gberge Jerusalɛm to be basa kusoe na, aloŋ nɛ meeŋ gberge bumo nɛ b wɔ Ijipt na kusoe.

Ezikɛl 29:11

Dimɛdi ŋko kusɔbɔya kikɛ maaŋ naŋ bɔla kasawule na so n choŋ kikɛ. Nfɛ adena nɛ shɛŋ maŋ naa wɔ kumo so.

Ezikɛl 5:12

Menyi to be ntuŋ asa to be katuŋ koŋwule beeŋ wu ŋkpal alɔ nɛ akoŋ so ashi Jerusalɛm to, nɛ katuŋ nyɔsopo e wu kena to. Katuŋ sasopo malɛ beeŋ pesaŋ to n sɔ kaplɛkama a shile nɛ n ta tokobi m bɛ bumo so a mɔ.

Zakareya 11:9

Kumo be kaman nɛ ŋ kaŋɛ mbolpɔ na le: “M maaŋ naa la menyi be ekenipo. Bumo nɛ baaŋ wu, b wu. Bumo nɛ baaŋ mur malɛ e mur. Bumo nɛ baaŋ ka malɛ e baa pɛ abar a we.”

Kelaraŋŋini 13:10

Ekama nɛ k dese fanɛ e yɔ kenyaya to, e beeŋ yɔ kenyaya to. Ekama nɛ k dese fanɛ tokobi nɛ baaŋ ta m mɔ mo, tokobi nɛ baaŋ ta m mɔ mo. Kede e naa ŋini fanɛ a daga fanɛ Ebɔrɛ be basa e baa kɔ kanyiti nɛ yirda.