Jɛremaya 42:18 - EBƆRƐ BE KAWƆL

¹⁸ Ade be kaman nɛ Enyɛnpetale, Israɛl be Ebɔrɛ na naŋ kaŋɛ le: ‘Nɛ men kaŋ kini n yɔ Ijipt, kananɛ n daŋ nya agbo ga n wɔtɔ Jerusalɛm be basa nseŋ gberge bumo kusoe na nɛ meeŋ nya agbo n wɔtɔ menyi alɛ gba nseŋ gberge menyi kusoe. Menyi be asheŋ beeŋ baa chinchiŋ basa nɛ b baa ta menyi kadegboŋ na be ketre a shoduu basa. Menyi alɛ maaŋ naŋ wu kakpa ere kenishiso kikɛ.’ ”

Jɛremaya 42:18 ပူးပေါင်းရင်းမြစ်များ

2 Kronikɛls 34:25

Ŋkpal b ka kini ma nsaa lara esarga a sa efuli pɔtɛana be agbirana so ma agbo kaa ga. Kusɔ nɛ b wora na so, ma agbo maaŋ wushi kikɛ.

Aizaaya 30:3

Ama Ijipt be ewura na maaŋ baa kɔ eleŋ nɛ e tiŋ n chɛ bumo to. Ijipt be kekuŋ na beeŋ bar bumo ŋaba nna.

Aizaaya 65:15

Ma, Enyɛnpetale Ebɔrɛ na beeŋ shin nɛ men wu nɛ ma basa laraso e ta menyi be atre a sho basa nnɔ. Ama meeŋ sa basa nɛ baa nu a sa ma na bre atre popɔr.

Jɛremaya 18:16

B shin nɛ kasawule na ki kufugboŋ be kakpa nna nɛ ekama ta kumo fanɛ kusɔ fuloŋ a keni kumo jiga. Asɔ nɛ basa nɛ baa bɔla kumo so bee wu na bee chinchiŋ bumo nna nɛ baa fifi amu.

Jɛremaya 22:27

Menyi beeŋ baa sha kebɛta m ba men gbagba be efuli so, ama menyi alɛ maaŋ naŋ tiŋ m bɛta m ba.”

Jɛremaya 23:40

Meeŋ shin nɛ anishinyɔr nɛ ŋaba nɛ e maŋ kɔ ekar e ba bumo so nɛ b maaŋ teŋ kumo so kikɛ.

Jɛremaya 24:9

Meeŋ shin nɛ jɛrbi gboŋgboŋi e ba bumo so nɛ kufugboŋ e tɔr durnya to be efuli pɔtɛana be basa so nɛ b baa chicha. Basa beeŋ baa mushe nsaa wora bumo eyurto nseŋ naa ta bumo be ketre a shoduu ashi kaplɛkama nɛ baaŋ pesaŋ to n yɔ na.

Jɛremaya 25:9

meeŋ shuŋi n tre efuliana nɛ e wɔ kelargato be esoso be kaba so na be basa kikɛ nɛ ewura Nebukadneeza nɛ e la Babilɔn be efuli so be ewura nɛ ma kenya na, nɛ b ba kɔ Juda nɛ efuliana nɛ e kulti ndoŋ na kikɛ kena m mur. Ndoŋ beeŋ mur a dese loŋ mbaanaayɔ nɛ k chinchiŋ ekama nɛ e beeŋ wu amo, ama b kraa beeŋ baa wora menyi eyurto. Ma, Enyɛnpe Ebɔrɛ e kaŋɛ na.

Jɛremaya 26:6

Nɛ men kraŋ kini kewora kasonu, kumo ere meeŋ mur bɔrɛlambu ere fanɛ kananɛ n daŋ mur kade nɛ baa tre Shilo na, nɛ durnya to be efuliana kikɛ so be basa e ta Jerusalɛm be ketre a sho basa kɔnɔ.”

Jɛremaya 29:18

Meeŋ ta kena nɛ akoŋgboŋ nɛ alɔ m bɛ bumo so nɛ efuli pɔtɛana be basa e wu loŋ nɛ k chinchiŋ bumo n ta kufu n lɛ bumo so. Kusɔ nɛ k beeŋ nya bumo kaplɛkama nɛ meeŋ pesaŋ bumo to n yɔ na beeŋ chinchiŋ ndoŋebi n ta kufu n lɛ bumo so. Kumo be kaman basa beeŋ wora bumo eyurto nseŋ ta Juda nɛ Jerusalɛm be atre a shoduu basa.

Jɛremaya 33:5

‘Basa na be beko beeŋ kɔ Babilɔn be benapo na nɛ benapo na e mɔ basa nɛ n nya agbo ga n wɔtɔ na n nase mboŋ nɛ nwuana na daa yil na. Ma alɛ beeŋ ta ma anishi ŋ ŋana kadegboŋ ere so ŋkpal asheŋ lubi nɛ kumo to be basa wora so.

Jɛremaya 44:12

Juda be basa nɛ b ka efuli na so ndoŋ nseŋ yili kumo bumo be ŋgbene to fanɛ baaŋ yɔ Ijipt be efuli so na bre, meeŋ shin nɛ bumo kikɛ e mur. Bumo to be benimu nɛ mbia kikɛ beeŋ wu ashi Ijipt ashi kena to ŋko akoŋ beeŋ mɔ bumo. Bumo be asheŋ beeŋ baa chinchiŋ basa nɛ b baa wora bumo eyurto nsaa ta bumo be ketre a sho basa kɔnɔ.

Jɛremaya 44:22

Kabre ŋ ka bee malga ere, menyi be kasawule na dese fuloŋ nɛ esa kikɛ maŋ naa wɔ kumo so. K ki kakpa nɛ kumo be asheŋ bee keta kejijɛ nɛ basa bee ta kumo be ketre a sho basa kɔnɔ ŋkpal Enyɛnpe Ebɔrɛ na ka daa maŋ naŋ nyiti menyi be kumu kpakpaso nɛ asheŋ woraso lubi na so.

Jɛremaya 44:6

Amoso nɛ n chulgi ma agbogboŋ n wurge Juda be ndeana nɛ Jerusalɛm be agbembi so nseŋ puga edɛ n lɛ amo so na. A daŋ ba dese fuloŋ nna nseŋ ki mboŋ nɛ amo be asheŋ bee chinchiŋ basa nsaa keta kufu hale nɛ mbre.

Jɛremaya 44:8

Manɛ nna nɛ menyee bunyaŋ agbirana nsaa lara esarga a sa amo ashi Ijipt a wɔtɔ ma agbo to? Menyee wora le nna nɛ men mur menyi be amu, saŋɛ na so durnya to be efuli kama so be basa beeŋ baa keni menyi jiga nsaa ta menyi be ketre a sho basa kɔnɔ a?

Jɛremaya 6:11

Enyɛnpe Ebɔrɛ, kananɛ fo nya agbo n wɔtɔ Juda be basa na nɛ ma alɛ gba nya agbo ma kagbene to n wɔtɔ bumo. K bee chɔɔ ma kagbene to nɛ m maaŋ naŋ tiŋ ŋ keta kumo gba.” Ndoŋ nna nɛ Enyɛnpe Ebɔrɛ kaŋɛ ma le: “Shin nɛ ma agbo e ba mbia nɛ b wɔ agbembi so nɛ mbifɔlbi nɛ baa shɛr abar so na so. Bedoŋ beeŋ pɛ bekul nɛ bumo be beche kikɛ nɛ basa nɛ b bel ga na n yɔ efuli pɔtɛana so.

Jɛremaya 7:20

Amoso, ma Enyɛnpetale Ebɔrɛ na beeŋ shin nɛ ma kanya agbo e ba ma bɔrɛlambu so. K beeŋ gbelge basa nɛ asɔbɔya nɛ ndibi nɛ asɔduuso kikɛ so. Ma agbo beeŋ baa du fanɛ edɛ nɛ esa kikɛ maaŋ tiŋ n duŋ na nna.”

Nfabel 2:4

E daa to anyi mbe atanyembi nna fanɛ edoŋ na. Nseŋ daŋ mɔ basa kama nɛ b daa bar anyi kagbenewushi nɛ kagbenefuli na. E daŋ shin nɛ mbe agbo ba fanɛ edɛ nna m ba chɔɔ anyi be nwu nɛ a wɔ Jerusalɛm to na n lɛ kasawule.

Nfabel 2:6

E daŋ shin nɛ mbe bɔrɛlambu nɛ anyee shuŋ mo kumo to na daŋ bure n tɔr nna fanɛ kudɔtobuu na. Nseŋ shin nɛ nchɛgboŋ nɛ kewushiachɛ na be keji ba ekar. Mbe agbogboŋ na so, e daŋ kini ewura na nɛ bɔrɛmatapo na gba nna n lɛ.

Nfabel 4:11

Enyɛnpe Ebɔrɛ ka daŋ nya agbo ga so, e daŋ shin nɛ Jerusalɛm be kadegboŋ na ji edɛ nna m mur cheche.

Ezikɛl 20:34

Eleŋ nɛ tintiŋ nɛ agbogboŋ nɛ meeŋ ta n lara menyi ashi efuliana nɛ men pesaŋ to n yɔ na, m ba gama abar so.

Ezikɛl 22:22

Kananɛ gbiti bee ŋalga edɛ to na nɛ bumo alɛ gba beeŋ ji awurfoŋ Jerusalɛm to. Aloŋ nɛ baaŋ pin fanɛ ma, Enyɛnpe Ebɔrɛ na e nya agbo a gberge bumo kusoe na.”

Danɛl 9:11

Israɛlebi kikɛ kini kenu n sa fo. B maŋ bɛ fo mbra na so. Amoso nɛ fo shin nɛ nnɔsho nɛ b sibɛ n nase fo kayɛrbi Mosis be mbra be kawɔl na to na, ba anyi so na.

Danɛl 9:27

Loŋ be ejuŋkparpo na nɛ basa damta beeŋ wora kɔnɔkoŋwule kpakpaso nfɛnshunu. Nfɛnshunu na be bargato baŋ ji n choŋ, e beeŋ shin nɛ b yige esarga nɛ etoto be kebaa lara. Baaŋ ta Edɔsopogboŋ na be kapɔrduli n yili bɔrɛlambu na be esoso nɛ k ba wɔ ndoŋ n ya fo saŋɛ nɛ emo nɛ e ta kumo n yili ndoŋ na be jemanɛ nɛ Ebɔrɛ yili n sa mo na beeŋ fo ekar.”

Hoziya 7:16

B shile ma, Enyɛnpetale Ebɔrɛ na kutɔ nna n ya buu kegbir nɛ k maŋ kɔ eleŋ kikɛ na. B du fanɛ keta nɛ esa maaŋ tiŋ n ta mbe yirda n deŋi so na nna. Ŋkpal bumo be bejuŋkparpo ka bee malga ŋkpensheŋ so so, baaŋ wu luwu nyaŋnyaŋso nɛ Ijiptebi e mushe bumo.”

Nahum 1:6

E baŋ nya agbo, esa kikɛ maaŋ pete. Esa kikɛ maaŋ tiŋ ŋ gelge mbe agbogboŋ na. Mbe agbo du fanɛ edɛ nna a pante afalta nɛ a bee bure to a ki eshishɛr.

Zakareya 8:13

Efuli pɔtɛana be basa bee shoduu menyi Juda nɛ Israɛl be efuliana so ebi nna, ama meeŋ mɔlga menyi nseŋ shin nɛ men ki nɛfa be basa. Men baa kɔ kenyɛn nsaa maa lɔ kufu.”

Nɔmbɛs 5:27

Nɛ k la kashenteŋ nna fanɛ eche na lar mo kul be kaman n jija ebu, nchu nɛ e nuu na beeŋ shin nɛ mbe eyurto e baa besa mo ga, nɛ mbe epun e tiŋ nɛ e ki egbentepo ŋko nɛ mbe adampu e baa gboŋi nɛ e ki fanɛ esa nɛ b sho kɔnɔ ashi mbe basa to.

Kelaraŋŋini 14:10

amodoŋwura beeŋ nuu Ebɔrɛ be agboso be nsa nɛ b maŋ ta shɛŋ n cha amo to na nseŋ duga amo n wɔtɔ Ebɔrɛ be agbo be kawiebi to na gba. Baaŋ ta edɛ nɛ jɛrbi n wɔtɔ mo ebesa to, emalaika cheembiana na nɛ Kpakpafɔlbi na be anishito.