Jɛremaya 37:3 - EBƆRƐ BE KAWƆL

³ Ewura Zɛdikaya daŋ shuŋi Shelemaya pibinyɛn, Jehukal nɛ bɔrɛmatapo Zefanaiya nɛ e la Maaseia pibinyɛn na nna fanɛ b ba kaŋɛ ma fanɛ n yili mbe katelamu to ŋ kule Enyɛnpe, anyi be Ebɔrɛ na n sa mo.

Jɛremaya 37:3 ပူးပေါင်းရင်းမြစ်များ

1 Bewura 13:6

Ndoŋ nna nɛ ewura Jeroboam kaŋɛ anebi na le: “Jande kule Enyɛnpe fo Ebɔrɛ na nɛ e chɛ ma enɔ n sa ma!” Nɛ anebi na kule Ebɔrɛ nɛ mbe enɔ na nya alenfia.

Ɛksodɔs 10:17

Amoso men ta ma alubi nɛ n wora na m paŋ ma nseŋ kule Enyɛnpe, men be Ebɔrɛ na nɛ e lara le be aleblawu lubi ere ma so.”

Ɛksodɔs 8:28

Ade kikɛ be kaman nɛ Fɛɛro kaŋɛ: “To, n nu, meeŋ shin nɛ men yɔ keshishɛrsawule na so ya lara sarga n sa Enyɛnpe Ebɔrɛ nɛ e la men be Ebɔrɛ na, ama men sa maŋ yɔ kufɔ ga bre. Ama pɔɛŋ nɛ men yɔ men kule Ebɔrɛ nɛ ashushombi ere e yɔ ŋ ka anyi.”

Ɛksodɔs 8:8

Ama ade kikɛ be kaman nɛ Fɛɛro naŋ tre Mosis nɛ Ɛɛrɔn ŋ kaŋɛ bumo: “Men kule Enyɛnpe Ebɔrɛ nɛ e ta epulo ere ashi ma nɛ ma basa so nɛ n shin nɛ basa na e yɔ n ya lara esarga n sa Enyɛnpe Ebɔrɛ na.”

Ɛksodɔs 9:28

Amoso kule Enyɛnpe Ebɔrɛ n sa anyi, ŋkpal manɛ so, bɔrɛ na be keponte nɛ abɔrɛjembubi na wora kebanso. Naniere bre n sa menyi ekpa fanɛ men baa yɔ. A maŋ naŋ daga fanɛ men baa kraa wɔ nfe.”

Jɛremaya 15:11

Ndoŋ nna nɛ Enyɛnpe Ebɔrɛ na kaŋɛ ma le: “N nase kɔnɔ fanɛ meeŋ kuŋ fo jɛrbi be jemanɛ, nɛ fo doŋana gba e kule fo fanɛ fo chɛ bumo to.”

Jɛremaya 2:27

Menyi nɛ menyee tre ndibi men tutoana nɛ ajembu men nioana na beeŋ ji anishinyɔr, ŋkpal men ka kini ma n lɛ so. Ama nɛ men baa wɔ etɔrɔ to bre, menyee shu a tre ma nna fanɛ m ba mɔlga menyi.

Jɛremaya 29:21

Menyee fɛ fanɛ Kolaya pibinyɛn Ahab nɛ Maaseia pibinyɛn Zɛdikaya la anebiana nna ŋkpal b ka bee kaŋɛ fanɛ ma abɔya nɛ baa bɔ na so. Ama baa ku efɛ nna! Ma ere maŋ sa bumo kubɔya kikɛ. Baa di bumo teriana be beche gba nna. Amoso meeŋ ta bumo m bɔɔ ewura Nebukadneeza enɔ nɛ e mɔ bumo nɛ men baa yil a keni. Saŋɛ na so echefoso nɛ menyi be ekama bee shin nɛ e shoduu esa, e beeŋ kaŋɛ le: ‘Ebɔrɛ e shin nɛ fo wu fanɛ kananɛ Babilɔn be ewura daŋ chɔɔ Zɛdikaya nɛ Ahab m mɔ na.’ ”

Jɛremaya 37:17

Ndoŋ nna nɛ ewura Zɛdikaya shuŋi fanɛ b ya bar ma mo kutɔ. Ma nɛ mo nawule ka daa la na nɛ e bishi ma le: “Kubɔya ko wɔtɔ nɛ k shi Enyɛnpe Ebɔrɛ na kutɔ a ba anyi kutɔ a?” Nɛ n shuli ŋ kaŋɛ: “Mm, Yiramu, kubɔya wɔtɔ. Enyɛnpe Ebɔrɛ na beeŋ shin nɛ Babilɔn be ewura e pɛ fo ŋ ki kenya.”

Jɛremaya 37:7

ŋ kaŋɛ ewura Zɛdikaya le: “Ijipt be efuli so be benapo bee ba nɛ b ba chɛ menyi to, ama baaŋ bɛta n yɔ epe.

Jɛremaya 38:1

Kachako nɛ Shefatiya nɛ Gɛdaliya nɛ Jehukal nɛ Pashɔ nu ŋ ka bee kaŋɛ basa na fanɛ

Jɛremaya 42:1

Ndoŋ nna nɛ benapo be benimuana na nɛ Kerii pibinyɛn, Johanan nɛ Hoshaya pibinyɛn, Azariya nɛ basagboŋ nɛ bebɔlpo kikɛ chala abar m ba ma, Jɛremaya kutɔ

Jɛremaya 42:20

fanɛ kewora n foe gboŋgboŋi nɛ menyee shin nɛ men wora na. Menyi e kaŋɛ ma fanɛ ŋ kule Enyɛnpe, anyi be Ebɔrɛ na n sa menyi nseŋ nase kɔnɔ fanɛ kusɔ kama nɛ e kaŋɛ menyeeŋ wora kumo.

Jɛremaya 52:24

Ade be kaman nɛ Nebuzaradan naŋ pɛ Seraiya nɛ e la bɔrɛmatapo nimuso na nɛ Zefanaiya nɛ e bɛ Seraiya so nɛ bɔrɛlambu na to be benimu asa ko gba n ti so.

Nɔmbɛs 21:7

Nɛ basa na ba Mosis kutɔ m ba kaŋɛ le: “Ŋkpal an ka malga ŋ gbiti fo nɛ Enyɛnpe Ebɔrɛ so, an wora kulubi, amoso kule Ebɔrɛ nɛ e ju awɔ ere nfe naniere.” Ndoŋ nna nɛ Mosis kule Ebɔrɛ n sa bumo.

Ashuŋ Shunso 8:24

Nɛ Saimɔn kaŋɛ Pita nɛ Jɔn: “Jande, men kule Ebɔrɛ n sa ma nɛ asheŋ nɛ men malga ere be kekama e sa maŋ wora ma.”

1 Samuɛl 12:19

Ndoŋ nna nɛ b kaŋɛ Samuɛl le: “Jande kule Enyɛnpe fo Ebɔrɛ na n sa anyi, saŋɛ na so anyi maaŋ wu. Naniere an pin fanɛ anyi be alubi nɛ an wora na kikɛ be kaman, anyi be kekaŋɛ fanɛ anyee sha ewura na gba la kulubi nna.”