Jɛremaya 36:4 - EBƆRƐ BE KAWƆL

⁴ Ndoŋ nna nɛ n tre Neriya pibinyɛn, Baruk fanɛ e ba chɛ ma to. Ŋ kaa bee kute asɔ nɛ Enyɛnpe Ebɔrɛ na kaŋɛ ma na kikɛ nɛ mo alɛ bee sibɛ amo a nase kawɔl to.

Jɛremaya 36:4 ပူးပေါင်းရင်းမြစ်များ

Aizaaya 30:8

Ade be kaman nɛ Ebɔrɛ kaŋɛ fanɛ n sibɛ kusɔ nɛ basa bee sha kebaanu be asheŋ n wɔtɔ kawɔl ko to, saŋɛ na so kusɔ ko beeŋ baa dese a laŋɛ bumo be kananɛ b lubi be kaplɛa so mbaanaayɔ.

Aizaaya 8:1

Ndoŋ nna nɛ Enyɛnpe Ebɔrɛ na kaŋɛ ma le: “Ta kusɔ sibɛso peŋgelembi n sibɛ le ŋ deŋi kumo so: ‘NYA MANAŊ N FUU ASƆ; NƐ NYA MANAŊ Ŋ KƆ N SUGE ASƆ.’ Sibɛ amo kananɛ esa kikɛ beeŋ tiŋ n wu ŋ kraŋ n deŋi kumo so.

Jɛremaya 25:13

Meeŋ ta jɛrbi kama nɛ ŋ kaŋɛ Jɛremaya fanɛ k beeŋ ba efuliana na so nɛ e sibɛ amo n nase kawɔl ere to na ŋ gberge Babilɔn be efuli na be basa kusoe.

Jɛremaya 30:2

“Jɛremaya, sibɛ kusɔ kama nɛ ŋ kaŋɛ fo n wɔtɔ kawɔl to,

Jɛremaya 32:12

n sa Neria pibinyɛn Baruk nɛ mo nananyɛn la Maaseia na. Hanamɛl nɛ eshɛdajipoana nɛ b yisi enɔ kasawule na be ketɔ be nwɔl na so na nɛ basa nɛ b wɔ ewurkpa be kelɔnɛ na so na kikɛ be anishito nɛ b daŋ ta nwɔl na n sa Baruk.

Jɛremaya 36:14

Kumo be kaman nɛ benimuana na shuŋi Jehudi nɛ e la Netaniya pibinyɛn nɛ mo alɛ la Kushi pibinyɛn nɛ Shelemaya mo nanabi, fanɛ e ya kaŋɛ Baruk fanɛ e ta kawɔl nɛ e kraŋ n sa basa na m ba. Nɛ Baruk ta kawɔl na n ya sa bumo.

Jɛremaya 36:21

Ndoŋ nna nɛ ewura shuŋi Jehudi fanɛ e ya bar kawɔl na. Nɛ e ya ta kawɔl na ashi Elishama be ebu to m ba kraŋ n sa ewura na nɛ benimuana nɛ b yil ŋ kulti mo na.

Jɛremaya 36:23

Jehudi ka baŋ kraŋ kawɔl na be egbaŋ asa ŋko ana n loge nɛ ewura na ta kasaŋɛbi ŋ ku ndoŋ n lɛ edɛ na to. Aloŋ nɛ e wora n chɔɔ kawɔl na kikɛ m mur.

Jɛremaya 36:26

Kumo be kaman nɛ e ponte mo pibinyɛn, Jeramiil nɛ Azriɛl pibinyɛn, Seraiya nɛ Abdiil pibinyɛn Selemaiya so fanɛ b ya pɛ ma, anebi Jɛremaya nɛ ma esibɛpo, Baruk. Ama Enyɛnpe Ebɔrɛ na daŋ ta anyi nna ŋ ŋana.

Jɛremaya 36:27

Ewura Jehowakim ka chɔɔ kawɔl nɛ n daŋ kute n sa Baruk nɛ e sibɛ n nase na be kaman, nɛ Enyɛnpe Ebɔrɛ na naŋ kaŋɛ ma fanɛ

Jɛremaya 36:28

n naŋ ta kawɔl pɔtɛ n sibɛ kusɔ kama nɛ k daa wɔ sososo be kawɔl na to na n nase.

Jɛremaya 36:32

Ade kikɛ be kaman nɛ n ta kawɔl pɔtɛ n sa Baruk nɛ e la ma esibɛpo na, nɛ e naŋ sibɛ kusɔ kama nɛ ŋ kute n sa mo na n nase. Kusɔ kama nɛ k daa wɔ sososo be kawɔl nɛ Ewura Jehowakim chɔɔ na to nɛ abɔya popɔr nɛ a chɔ adra na kikɛ nɛ e sibɛ n wɔtɔ kumo to.

Jɛremaya 36:6

Ama mee sha fanɛ fo yɔ ndoŋ jemanɛ nɛ basa na beeŋ kishi a kule Ebɔrɛ ashi bɔrɛlambu na to n ya kraŋ kawɔl na awɔrso, saŋɛ na so baaŋ nu kusɔ kama nɛ Enyɛnpe Ebɔrɛ na kaŋɛ ma nɛ ma alɛ kute amo n sa fo na. Feeŋ kraŋ kumo nɛ ekama nɛ Juda be basa nɛ b shi ndeana to m ba na kikɛ e nu.

Jɛremaya 43:3

Neriya pibinyɛn, Baruk e susu fo n wɔtɔ anyi, saŋɛ na so Babilɔnebi na beeŋ nya eleŋ anyi so nseŋ mɔ anyi ŋko ŋ keta anyi n yɔ Babilɔn be efuli so.”

Jɛremaya 51:59

Ewura Zedekaya ka ji Juda be efuli so be kuwura be kafɛ nasopo to nɛ e yɔ Babilɔn be efuli so. Seraiya nɛ e la Neriya pibinyɛn nɛ Maaseia mo nanabi na daŋ shuŋi mo nna n yɔ. Seraiya ere daa la ewura Zedekaya be enimu nɛ e bee fin edesekpa nna a sa mo ashi mbe enite to.

Jɛremaya 51:60

Pɔɛŋ nɛ b lar n yɔ Babilɔn be efuli so na, n daŋ sibɛ ejɛrbi nɛ asheŋ nɛ a beeŋ ba Babilɔn be efuli so be basa so na kikɛ nna n wɔtɔ kawɔl to.

Ezikɛl 2:9

Ndoŋ nna nɛ ŋ keni nseŋ wu enɔ nɛ kawɔl sibɛso ko bɔɔ to a wɔ enɔ na to nɛ k teŋi n shoŋi ma.

Danɛl 7:1

Bɛlshaaza ka ji Babilɔn be kuwura be kafɛ sososo to nɛ ma Danɛl dese kanyɛso ŋ ku bɔrɛdare nseŋ sibɛ kumo n nase.

Zakareya 5:1

Kede be kaman nɛ n naŋ to kenishi ŋ keni n wu kawɔl sibɛso ko ka bee firgi afu to.

Romebi 16:22

Ma Tɛɛshes nɛ Pɔɔl malga asheŋ ere n shin nɛ n sibɛ amo kawɔl ere to ere bee chɔrɔ menyi ashi Enyɛnpe na to.