Jɛremaya 36:32 - EBƆRƐ BE KAWƆL

³² Ade kikɛ be kaman nɛ n ta kawɔl pɔtɛ n sa Baruk nɛ e la ma esibɛpo na, nɛ e naŋ sibɛ kusɔ kama nɛ ŋ kute n sa mo na n nase. Kusɔ kama nɛ k daa wɔ sososo be kawɔl nɛ Ewura Jehowakim chɔɔ na to nɛ abɔya popɔr nɛ a chɔ adra na kikɛ nɛ e sibɛ n wɔtɔ kumo to.

Jɛremaya 36:32 ပူးပေါင်းရင်းမြစ်များ

Ɛksodɔs 34:1

Asheŋ nɛ a wora na be kaman nɛ Enyɛnpe Ebɔrɛ kaŋɛ Mosis: “Naŋ ku ajembu pantraŋ pantrambi anyɔ nɛ a baa du fanɛ sososo peya na nɛ n naŋ sibɛ mmalga koŋwule nɛ n daŋ sibɛ adra nɛ fo bure na so na n deŋi amo so.

Jɛremaya 36:18

Nɛ Baruk shuli so ŋ kaŋɛ: “Jɛremaya e kute kumo be kamalga kama n sa ma nɛ ma alɛ sibɛ amo n nase kawɔl ere to”

Jɛremaya 36:23

Jehudi ka baŋ kraŋ kawɔl na be egbaŋ asa ŋko ana n loge nɛ ewura na ta kasaŋɛbi ŋ ku ndoŋ n lɛ edɛ na to. Aloŋ nɛ e wora n chɔɔ kawɔl na kikɛ m mur.

Jɛremaya 36:4

Ndoŋ nna nɛ n tre Neriya pibinyɛn, Baruk fanɛ e ba chɛ ma to. Ŋ kaa bee kute asɔ nɛ Enyɛnpe Ebɔrɛ na kaŋɛ ma na kikɛ nɛ mo alɛ bee sibɛ amo a nase kawɔl to.

Danɛl 3:19

Ndoŋ nna nɛ ewura Nebukadneeza nya agbo alegaiso n wɔtɔ Shaadrak nɛ Mɛshaak nɛ Abedneego, nseŋ shin nɛ b foŋ edɛ na to nɛ e bee tushi ale shunu so a chɔ kananɛ a daa du sososo na.

Danɛl 7:1

Bɛlshaaza ka ji Babilɔn be kuwura be kafɛ sososo to nɛ ma Danɛl dese kanyɛso ŋ ku bɔrɛdare nseŋ sibɛ kumo n nase.

Levitikɔs 26:18

Ade kikɛ be kaman, nɛ men kraa maŋ wora ma kasonu, meeŋ shin nɛ menyi be kasogberge e ti so ale shunu.

Levitikɔs 26:21

Nɛ men kraa maa sa ma kashuli nseŋ kini kenu n sa ma, ŋ kraa beeŋ shin nɛ men be kasogberge e naaŋ ti so ale shunu.

Levitikɔs 26:24

kumo ere meeŋ baa kraa la men doŋ nseŋ shin nɛ menyi be kasogberge a ti so ale shunu a chɔ dra na peya.

Levitikɔs 26:28

kumo ere meeŋ nya agbo n wɔtɔ menyi nseŋ shin nɛ menyi be kasogberge e ti so ale shunu so a chɔ adra na.

Romebi 16:22

Ma Tɛɛshes nɛ Pɔɔl malga asheŋ ere n shin nɛ n sibɛ amo kawɔl ere to ere bee chɔrɔ menyi ashi Enyɛnpe na to.

Kelaraŋŋini 22:18

Mee fiɛ ekama nɛ e nu kewuŋkaŋɛ ere be mmalga mo nɛ a wɔ kawɔl ere to ere so nna fanɛ ekama nɛ e ta kusɔ kama n ti amo so, Ebɔrɛ beeŋ ta etɔrɔ mo nɛ b malga amo be asheŋ kawɔl ere to ere n ti amodoŋwura so.