Jɛremaya 36:31 - EBƆRƐ BE KAWƆL

³¹ Meeŋ gberge fo nɛ fo kaman to ebi nɛ benimuana na kusoe ŋkpal alubi nɛ men wora kikɛ so. Fo nɛ Juda nɛ Jerusalɛm be basa na be ekama maŋ wɔtɔ lakal kasokpele nɛ n sa menyi na to. Amoso asheŋ maaŋ nyalɛ n sa menyi kikɛ!”

Jɛremaya 36:31 ပူးပေါင်းရင်းမြစ်များ

Nshɛ 94:23

Ebɔrɛ beeŋ gberge kumukpakpasowuraana kusoe nseŋ mur bumo ŋkpal bumo be asheŋ lubi so. Enyɛnpe anyi be Ebɔrɛ na e naŋ mur bumo.

Aŋasa 29:1

Fo baŋ wora kumu kpakpaso ŋ kini kenu kasokpele damta, k maaŋ chɛr nɛ fo mur.

Jɛremaya 11:8

Ama b maŋ wora ma kasonu. Kusɔ nɛ b wora e la fanɛ, bumo be ekama kraa wɔ bumo be kagbene kpakpaso to nna a wora asheŋ lubi. N daŋ kaŋɛ bumo kenishipereso nna fanɛ b baa bɛ kɔnɔkoŋwule be ŋkre na so, ama b kini kebɛ kumo so. Amoso nɛ n shin nɛ kasogberge nɛ e wɔ kumo to na ba bumo so na.”

Jɛremaya 17:18

Enyɛnpe Ebɔrɛ, shin nɛ basa nɛ baa kɔrfɛ ma na e ji anishinyɔr, ama baa kuŋ ma nɛ n sa maŋ ji nyɔmɔ. Kumo be kaman nɛ fo shin nɛ kufugboŋ e tɔr bumo so nseŋ naŋ shin nɛ b mur ga.

Jɛremaya 19:15

fanɛ Enyɛnpetale, Israɛl be Ebɔrɛ na yɛ: “Meeŋ shin nɛ kasogberge nɛ ŋ kaŋɛ fanɛ meeŋ bar kadegboŋ ere nɛ nde kama nɛ e kulti kumo na so na kikɛ e ba amo so, ŋkpal menyi be ŋgbene ka du kpakpa nɛ menyi maa nu a sa ma mmalga so.”

Jɛremaya 23:34

Nɛ ma basa to be eko ŋko anebi ko ŋko bɔrɛmatapo ko malga ŋ kaŋɛ fanɛ baru ere shi Enyɛnpe Ebɔrɛ kutɔ nde gba, ŋ kraa beeŋ gberge bumo nɛ bumo be nnaŋ to be basa kusoe.

Jɛremaya 35:17

Amoso, naniere, ma Enyɛnpetale, Israɛl be Ebɔrɛ na beeŋ shin nɛ kemur nɛ n nase kumo be kɔnɔ na e ba menyi Juda nɛ Jerusalɛm be basa so. Meeŋ shin nɛ le a wora ŋkpal manɛ so, ŋ ka malga n sa menyi, menyi maŋ nu; ma alɛ ka tre menyi, menyi maŋ shuli so.”

Jɛremaya 52:2

Ewura Zɛdikaya gba daŋ wora kulubi n da Enyɛnpe Ebɔrɛ so nna fanɛ kananɛ ewura Jehowakim daŋ wora na.

Ezikɛl 7:8

Meeŋ shin nɛ ma agbogboŋ e ba menyi so nɛ n ji menyi demu ŋkpal menyi be eda lubi so nseŋ gberge menyi kusoe ŋkpal menyi be aworbi lubi nɛ ŋ kishi na so.

Ezikɛl 7:9

M maaŋ wu menyi kuwɔr, ma alɛ maaŋ yige menyi nɛ men ta menyi be amu n ya ji. Meeŋ gberge menyi kusoe ŋkpal menyi be eda nɛ aworbi lubi so. Ndoŋ nɛ menyeeŋ pin fanɛ ma Enyɛnpe Ebɔrɛ na e naa gberge menyi kusoe na.”

Levitikɔs 26:14

Kumo be kaman nɛ Enyɛnpe Ebɔrɛ naŋ kaŋɛ: “Nɛ men maŋ nu m bɛ ma mbraana so, menyeeŋ luri kasogberge to.

Matiu 23:37

O Jerusalɛmebi, Jerusalɛmebi, menyi e naa mɔ anebiana na nsaa kpa bumo nɛ Ebɔrɛ shuŋi menyi kutɔ na ajembu a mɔ. Ela afanɛ nɛ n wora ania nɛ n chala menyi abar so fanɛ kananɛ koshi bee koli mbe mbia a wɔtɔ mbe atɛ to na, ama men kini.