Jɛremaya 36:26 - EBƆRƐ BE KAWƆL

²⁶ Kumo be kaman nɛ e ponte mo pibinyɛn, Jeramiil nɛ Azriɛl pibinyɛn, Seraiya nɛ Abdiil pibinyɛn Selemaiya so fanɛ b ya pɛ ma, anebi Jɛremaya nɛ ma esibɛpo, Baruk. Ama Enyɛnpe Ebɔrɛ na daŋ ta anyi nna ŋ ŋana.

Jɛremaya 36:26 ပူးပေါင်းရင်းမြစ်များ

1 Bewura 17:3

“Lar nfe n yɔ epeŋilarkpa be kaba so be kabombi nɛ baa tre Cheriff nɛ k wɔ Jɔɔdan be lɔr na be epeŋilarkpa na n ya ŋana.

1 Bewura 17:9

“Yɔ kade nɛ baa tre Zarefaat nɛ k mata Sidɔn be kade na n ya ka wɔ ndoŋ ŋkpal manɛ so ŋ kaŋɛ ekulpoche ko nɛ e wɔ ndoŋ fanɛ e baa sa fo ajibi.”

1 Bewura 18:4

amoso Jɛzebel ka daa mɔ Enyɛnpe Ebɔrɛ be anebiana na, Obadaya e daŋ ta bumo be basa kalfa n ya ŋana abeelaŋ anyɔ to nsaa sa bumo ajibi nɛ nchu ndoŋ. E daŋ barga bumo to basa adununu nna n wɔtɔ kebeelaŋ kama to.

1 Bewura 19:10

Nɛ Elaija kaŋɛ le: “Enyɛnpetale Ebɔrɛ, fo nawule nɛ mee shuŋ saŋkikɛ. Ama Israɛlebi na bre ku kɔnɔkoŋwule be ŋkre nɛ fo nɛ bumo kɔ na to nna nseŋ da fo bɔrɛsureana n lɛ, m mɔ fo anebiana kikɛ. Naniere n nawule e ka nɛ baa sha kemɔ ma alɛ gba.”

1 Bewura 19:14

Nɛ Elaija naŋ kaŋɛ le: “Enyɛnpetale Ebɔrɛ, fo nawule nɛ mee shuŋ saŋkikɛ. Ama Israɛlebi na bre ku kɔnɔkoŋwule be ŋkre nɛ fo nɛ bumo kɔ na to nna nseŋ da fo ebɔrɛsureana n lɛ m mɔ fo anebiana kikɛ. Naniere n nawule e ka nɛ baa sha kemɔ ma alɛ gba.”

1 Bewura 22:26

Nɛ ewura Ahab ponte ŋ kaŋɛ le: “Men pɛ Mikaya n yɔ Ammɔn nɛ e la Samɛria be kade to be gomena na, nɛ ewurbi Jɔash kutɔ,

2 Bewura 11:2

Ahaziya pibinyɛn Jɔash nawule e daŋ nya ekpa n shile ŋ ŋana. Mo nɛ basa na kikɛ nɛ b daa sha kemɔ nɛ mo tana Jehosheba nɛ e daa la ewura Jehoram pibiche nsaa la Ahaziya malɛ mo tuto pibi na mɔlga mo. E daŋ ta mo nɛ eche nɛ e bee keta mo kakurge na nna ŋ ŋana Enyɛnpe be bɔrɛlambu na be ebu deseto to. Ŋkpal loŋ so, Atalia daa maŋ nya mo m mɔ.

2 Kronikɛls 18:26

n ya kaŋɛ bumo fanɛ b ti mo ebu n sa maŋ kaŋ sa mo ajibi kikɛ ama bodobodo nɛ nchu nawule hale nɛ n ya bɛta m ba nɛ alenfia pɔɛŋ.”

Nshɛ 105:15

E yɛ: “Men sa maŋ kaa tɔrɔ bejuŋkparpo nɛ n lara na, ŋko ma anebiana!”

Nshɛ 121:8

Fo keyɔ nɛ keba kikɛ to, mo e naaŋ baa kuŋ fo mbaanaayɔ.

Nshɛ 27:5

Saŋɛ na so e beeŋ baa kuŋ ma tɔrɔ be jemanɛ; a ta ma a ŋana mbe bɔrɛlambu to. E beeŋ ta ma n yili kefaltagboŋ so, nɛ n nya kekuŋ.

Nshɛ 32:7

Fo e la ma eŋanakpa. Fo alɛ beeŋ mɔlga ma ashi tɔrɔ to; nɛ m boŋ nshɛ awɔrso ŋkpal fo ka mɔlga ma so.

Nshɛ 57:1

Enyɛnpe Ebɔrɛ, jande wu ma kuwɔr. Wu ma kuwɔr, ŋkpal manɛ so fo kutɔ nɛ mee nya kekuŋ. Fo aba to nɛ mee shile a ŋana nɛ kenishipere e choŋ pɔɛŋ nɛ n lar.

Nshɛ 64:2

Jande, kuŋ ma ashi kumukpakpaso wuraana nɛ basa lubi be katuŋ na be ŋkre nɛ baa kre ma na to.

Nshɛ 91:1

Esa kama nɛ e shile n ya mata Enyɛnpetale Ebɔrɛ na e naŋ nya mbe kekuŋ.

Aizaaya 26:20

Ma basa, men luri menyi be ebuana to nseŋ ti menyi be amu so n wɔtɔ. Men ŋana ndoŋ gbrɛbi, n ya fo fanɛ Enyɛnpe Ebɔrɛ na be agbo ka beeŋ wushi.

Jɛremaya 2:30

N daŋ gberge menyi kusoe, ama men kini kebɛta m ba ma kutɔ nseŋ diewu m mɔ ma anebiana fanɛ ebuluŋ ka diewu na.

Jɛremaya 26:24

Ade kikɛ be kaman, nɛ kanyɛn nɛ baa tre Ahikam nɛ e la Shafan pibinyɛn na malga ŋ kuŋ Jɛremaya, nɛ b maŋ ta mo n sa basa na nɛ b mɔ.

Jɛremaya 36:19

Ndoŋ nna nɛ benimuana na kaŋɛ Baruk le: “A daga fo nɛ Jɛremaya ka ya ŋana kakpa nɛ esa kikɛ maaŋ pin menyi be asheŋ.”

Jɛremaya 36:5

Ndoŋ nna nɛ ŋ kaŋɛ Baruk le: “M maŋ naa kɔ ekpa nɛ n yɔ bɔrɛlambu na to ŋkpal benimuana na ka maaŋ sa ma ekpa nɛ n luri kumo to so.

Jɛremaya 38:6

Ndoŋ nna nɛ b chɛ ma efɔl nseŋ pɛ kumo to n ta ma n wɔtɔ ewura pibinyɛn nɛ baa tre Malkiya na be ketirbu nɛ k daa wɔ ewurkpa be kelɔnɛ so na to. Nchu daa maŋ wɔ ketirbu na to ama edepɔ nawule e daa wɔtɔ nɛ n nia amo to.

Baru lela nɛ Jɔn kute na 11:57

Saŋɛ na malɛ so bɔrɛmatapowuraana na nɛ Efarisiana na sa ebɔl fanɛ esa kama nɛ e nyi kakpa nɛ Yesu daa wɔ, amodoŋwura e ba kaŋɛ bumo nɛ b nya mo m pɛ.

Baru lela nɛ Jɔn kute na 7:32

Ndoŋ nna nɛ asheŋ nɛ basa na bee kuli a kaŋɛ Yesu be asheŋ na tɔr Efarisiana na be asoe to. Nɛ bɔrɛmatapowuraana nɛ Efarisiana na shuŋi bɔrɛlambu to be bekumpo fanɛ b ya pɛ Yesu m ba.

Baru lela nɛ Jɔn kute na 8:20

Bɔrɛlambu na to be kakpa nɛ k mata kaboŋ nɛ baa yili amansherbi be edekana na nɛ Yesu daŋ yili ŋ ŋini asheŋ ere kikɛ, ama esa kikɛ daa maŋ pɛ mo, ŋkpal manɛ so, mbe saŋɛ daa maŋ naŋ fo.

Baru lela nɛ Jɔn kute na 8:59

E ka malga le ere nɛ b ta ajembu nɛ b kpa mo nɛ e ŋana mbe kumu nseŋ bɔl basa na to n lar bɔrɛlambu na to.

Ashuŋ Shunso 12:11

Ndoŋ nna nɛ Pita pin kusɔ nɛ k wora mo na nseŋ kaŋɛ: “Naniere nɛ m pin kashenteŋto fanɛ Enyɛnpe e shuŋi mbe malaika nɛ e ba lara ma ashi Hɛrɔd be eleŋ nɛ asɔ nɛ Juwebi na daa fɛ na kikɛ to.”