Jɛremaya 34:10 - EBƆRƐ BE KAWƆL

¹⁰ Bejuŋkparpoana na nɛ basa na kikɛ daŋ shuli so fanɛ baaŋ yige bumo be anya na nɛ b ya kaa wɔtɔ bumo be amu so nsaa maŋ naa la anya kikɛ.

Jɛremaya 34:10 ပူးပေါင်းရင်းမြစ်များ

Ɛksodɔs 21:2

Fo baŋ tɔ kenya nɛ e la Israɛl be esa, nfɛnshe e daga e ka shuŋ fo, ama kafɛ shunusopo bre to, k daga fanɛ fo shin nɛ e nya mbe kumu nsaa maŋ ka shɛŋ.

Aizaaya 29:13

Ade be kaman nɛ Enyɛnpe Ebɔrɛ na kaŋɛ le: “Nnɔ fuloŋ nɛ basa ere kɔ a shuŋ ma nɛ bumo be ŋgbene malɛ maŋ wɔ ma so. Edimɛdi be mbra nɛ edaŋkare nɛ b bii n wɔtɔ amu to nawule nɛ baa bɛ so a shuŋ Ebɔrɛ.

Jɛremaya 26:10

Juda be bejuŋkparpoana na ka nu kusɔ nɛ k wora na nɛ b nya manaŋ n shi ewurkpa m ba bɔrɛlambu na to m ba chena bumo be echenakpa ashi Kabunagboŋ Popɔr na ase.

Jɛremaya 26:16

Ndoŋ nna nɛ bejuŋkparpoana na nɛ basa na kikɛ kaŋɛ bɔrɛmatapoana na nɛ anebiana na le: “Enyɛnpe, anyi be Ebɔrɛ na be ketre to nɛ kanyɛn ere malga n sa anyi, amoso e maŋ daga luwu.”

Jɛremaya 34:11

Kumo be kaman nɛ b naŋ chɛrga bumo be nfɛra nseŋ bɛta m pɛ bumo n ya nyaŋ bumo ŋ ki anya.

Jɛremaya 36:12

Kumo be kaman nɛ e yɔ ewurkpa be esibɛpo na be ebu to nɛ ewura be benimuana na bee wora nshɛr. Bumo nɛ b daa wora nshɛr na e daa la Elishama nɛ e la ewura be esibɛpo na, nɛ Shemayaya pibinyɛn, Delaiya nɛ Akbɔ pibinyɛn, Ɛlnatan nɛ Shafan pibinyɛn, Gɛmariya nɛ Hananiya pibinyɛn, Zedekaya nɛ benimuana na kikɛ.

Jɛremaya 38:4

Ndoŋ nna nɛ ewurkpa be ekrachi na yɔ ewura kutɔ n ya kaŋɛ mo le: “Kanyɛn ere daga luwu. Kananɛ e bee malga ere beeŋ tiŋ n shin nɛ esoji na e pɔ aba nsaa maŋ naa kɔ kenyɛn. Kumo kesheŋ koŋwule na nɛ e bee wora ekama nɛ e wɔ kadegboŋ na to na. Mannɛ fanɛ basa na be kechɛto so nɛ e bee wora loŋ, ama e bee tɔrɔ bumo nna na.”

Levitikɔs 25:10

Menyeeŋ ta kafɛ adunusopo na fanɛ kafɛ nɛ efuli na so be ekama daga kenya mbe kamooji. Kafɛ na to nɛ basa be mpetɛsɔ kama nɛ beko sɔ n tɔ kikɛ beeŋ naŋ bɛta bumo ŋko bumo be kamanebi be enɔ to. Ekama malɛ nɛ b tɔ mo kenya beeŋ naŋ nya mbe kamooji m bɛta n yɔ mbe kanaŋ to be basa kutɔ.

Maak 6:20

Hɛrɔd daa nyi Jɔn ka daa la esa lela nɛ esa cheembi, amoso, e daa de mo so nna nɛnɛ. E daa sha kebaanu mbe mmalga, ama saŋkama nɛ e nu amo, a bee jija mbe kagbene to nna.