Jɛremaya 33:24 - EBƆRƐ BE KAWƆL

²⁴ “Fee nu befɔ ka bee tege ma basa a kaŋɛ fanɛ Enyɛnpe Ebɔrɛ na e daŋ lara Israɛl nɛ Juda, ama naniere e kini bumo n lɛ nɛ b maŋ naa kɔ bumo gbagba be efuli.

Jɛremaya 33:24 ပူးပေါင်းရင်းမြစ်များ

Nshɛ 71:11

B yɛ: “Ebɔrɛ kini mo n lɛ; men shin nɛ an ju m bɛ so n ya pɛ mo, ŋkpal manɛ so, esa kikɛ maŋ wɔtɔ nɛ e kɔ m mɔlga mo.”

Nshɛ 83:4

B yɛ: “Men ba nɛ an ya mur bumo be efuli na, nɛ esa maaŋ naa nyiŋi Israɛl be asheŋ hale mbaanaayɔ.”

Nshɛ 83:5

B wora kɔnɔkoŋwule nna ŋ kre fanɛ baaŋ chɛ abar ŋ kɔ fo.

Nshɛ 94:14

Ama fo Enyɛnpe Ebɔrɛ maaŋ kini fo basa n lɛ; fo alɛ maaŋ kplaŋ efuli nɛ fo gbagba lara na so.

Aizaaya 11:13

Israɛl be kuwurji maaŋ naa kɔ Juda be kuwurji kukɔrkɔ. Juda malɛ maaŋ naa la Israɛl mo doŋ.

Aizaaya 7:17

Ama Enyɛnpe Ebɔrɛ na beeŋ shin nɛ etɔrɔ damta nɛ a chɔ etɔrɔ kama nɛ a daŋ ba menyi so, yili jemanɛ nɛ Israɛl nɛ Juda be kuwurji barga to m ba fo kabre na, e ba fo nɛ fo basa nɛ fo tuto be laŋ to ebi kikɛ so. E beeŋ shin nɛ efuli nɛ baa tre Asiriya na be ewura gba e ba kɔ menyi kena.

Jɛremaya 3:7

N daa fɛ fanɛ ade kikɛ be kaman e beeŋ bɛta m ba ma kutɔ, ama e maŋ bɛta m ba. Juda be efuli nɛ k maa ji kashenteŋ nsaa la fanɛ eniopibi n sa Israɛl be efuli na gba wu kusɔ nɛ k wora na kikɛ.

Jɛremaya 3:8

Juda daŋ wu ŋ ka kini Israɛl n lɛ fanɛ eche nɛ mo kul kini mo nseŋ ju mo n lɛ na, ŋkpal b ka shuŋ agbirana so. Ama kufu daa maŋ pɛ Juda be efuli so be basa. Kumo be kaman nɛ bumo alɛ gba shuŋ agbir ŋ ki fanɛ ebojua

Jɛremaya 30:17

Ekama maŋ naa sha fanɛ men ba la mo teri ŋko ekama be shɛŋ maaŋ naa wɔ kusɔ nɛ k wora menyi to. Ama meeŋ chɛ menyi be edoro nɛ men nya eyur be alenfia. Ma, Enyɛnpe Ebɔrɛ e kaŋɛ na.”

Jɛremaya 31:36

Kananɛ e baŋ yili asheŋ, nɛ e bee wora mbaanaayɔ na, a loŋ nɛ Israɛl beeŋ baa la efuli kumo be kumu so mbaanaayɔ.

Jɛremaya 31:37

Kusɔ nɛ Enyɛnpe Ebɔrɛ na kaŋɛ e la fanɛ, kananɛ k du kpakpa nɛ esa e tiŋ m pin kananɛ awɔlpa be palɛlɛ sa na, ŋko nseŋ tiŋ m pin kakpa nɛ durnya be gbaltɔlase dese na, aloŋ nɛ k beeŋ baa du kpakpa nɛ n sa ma nɛ ŋ kini Israɛl be basa ŋkpal asɔ lubi kama nɛ b wora so.

Jɛremaya 33:23

Ade kikɛ be kaman, nɛ Enyɛnpe Ebɔrɛ na naŋ kaŋɛ ma le:

Jɛremaya 33:26

Aloŋ nɛ meeŋ bɛ kɔnɔ nɛ n nase n sa Jeekɔb be kaman to ebi nɛ ma kenya Deevid na so. Meeŋ lara ewura Deevid be kaman to be esa nɛ e ji kuwura ashi an nananyɛnana Eebraham nɛ Aizek nɛ Jeekɔb be mman to ebi so. Ma alɛ beeŋ wu ma basa kuwɔr nseŋ shin nɛ b naŋ nya asɔ nseŋ dii kedama.”

Jɛremaya 51:5

Israɛl nɛ Juda be basa kikɛ wora alubi n da ma, Enyɛnpetale Ebɔrɛ na so, ama ma, Israɛl be Ebɔrɛ cheembi na, maŋ kini bumo n lɛ.

Nfabel 4:15

Kusɔ nɛ basa bee kaŋɛ bumo nde: “Men shile anyi so! Men wora eyurpi nna. Men sa maŋ beta anyi ere!” Ŋkpal loŋ so efuli kama so nɛ b yɔ, ndoŋebi gba bee kini bumo nna.

Ezikɛl 25:3

Kaŋɛ bumo fanɛ b kaŋ asoe n nu kusɔ nɛ ma, Enyɛnpetale Ebɔrɛ na bee kaŋɛ: E yɛ menyi be ŋgbene daŋ fuli menyi nna jemanɛ nɛ men daŋ wu ma bɔrɛlambu ka jija kuraa nɛ Israɛl be efuli mur nɛ b pɛ Juda be basa n yɔ efuli wɔfɔ so na nna.

Ezikɛl 26:2

“Dimɛdi pibi, Ezikɛl, kadegboŋ nɛ baa tre Tayɛ na be basa daŋ ji eyur nna nseŋ boŋ kashɛ ere ŋkpal Jerusalɛm ka daŋ kɔ n tɔr so: ‘Jerusalɛm bure n tɔr! Nɛ kumo be yawu be keji be eleŋ loge! Amoso k maaŋ naa kɔ anyi kukɔrkɔ ŋkpal yawu be keji so!’

Ezikɛl 36:2

Enyɛnpetale Ebɔrɛ na kɔ n sa amo. Israɛl mo doŋana daŋ malga mmalga jiga ŋ kaŋɛ fanɛ, Naniere abee dra na ki bumo peya nna!

Ezikɛl 36:20

Kaplɛkama malɛ nɛ b yɔ, b daa ŋaba ma ketre cheembi na nna; ŋkpal manɛ so, le nɛ efuli pɔtɛana be basa daa kaŋɛ: ‘Enyɛnpe Ebɔrɛ na be basa nna na. E tintiŋ bumo nna n lar bumo gbagba be kasawule so.’

Ezikɛl 37:11

Ade kikɛ be kaman, nɛ Enyɛnpe Ebɔrɛ na naŋ kaŋɛ ma: “Dimɛdi pibi, Israɛl be basa du fanɛ awibi kɔŋkɔŋ ere nna. Baa fubel nna a kaŋɛ fanɛ b wɔlso nna nsaa maa kɔ echefoso be tama kikɛ kebaawɔtɔ to.

Ezikɛl 37:22

Ma alɛ beeŋ shin nɛ b baa la basa koŋwule ashi Israɛl be efuli so. Baaŋ baa kɔ ewura koŋwule nɛ e beeŋ baa ji bumo so kuwura a maaŋ naŋ barga to a wɔtɔ.