Jɛremaya 31:40 - EBƆRƐ BE KAWƆL

⁴⁰ Ketaŋɛ nɛ baa puli basa nsaa lɛ nsunɔ kumo to na kikɛ nɛ adɔsawule nɛ a dese Kidrɔn be Kabombi ase na m ba choŋ Egbaŋɛ be Kabunagboŋ na kikɛ beeŋ ki cheembi n sa Enyɛnpe Ebɔrɛ na. Jerusalɛm maŋ naa ba nɛ k bure ŋko m mur kikɛ.”

Jɛremaya 31:40 ပူးပေါင်းရင်းမြစ်များ

2 Samuɛl 15:23

Deevid nɛ mbe basa ka bee yɔ na nɛ Jerusalɛmebi na shu ga. Ewura na nɛ mbe basa daŋ ya dii ketaŋɛ nɛ baa tre Kidrɔn na nna n sɔ kiyitokpɛato a yɔ.

2 Bewura 11:16

Ndoŋ nna nɛ b pɛ mo n ta mo n yɔ ewura be laŋ to be kelɔnɛ so be kakpa nɛ baa tre ‘Egbaŋɛ be Kabuna’ na, n ya mɔ mo ndoŋ.

2 Bewura 23:12

Ewura Josaya daŋ bure ebɔrɛsure nɛ ewura Manase daŋ pɔr n yili bɔrɛlambu be alɔnɛ anyɔ na so nɛ ebɔrɛsure nɛ Juda be efuli so be bewura daŋ pɔr n yili ewura Ahaz be ewurkpa be ebu be esoso na kikɛ nna nseŋ bɛa amo to kpachɛrkpachɛrbi n ta amo n ya lɛ Kidrɔn be ketaŋɛ na to.

2 Bewura 23:6

E daŋ lara kegbirche Ashira be kapɔrduli na Enyɛnpe Ebɔrɛ be bɔrɛlambu na to nna n ta kumo n lar kade na to yɔ Kidrɔn be ketaŋɛ na to n ya chɔɔ kumo nseŋ bɛa kumo to nɛ k ki fanɛ nyifu nɛ e ta amo n lɛ basa be nchaŋana so.

2 Kronikɛls 23:15

Ndoŋ nna nɛ b pɛ mo n ta mo n yɔ ewura be laŋ to be kelɔnɛ so be kakpa nɛ baa tre Egbaŋɛ be Kabuna na, n ya mɔ mo ndoŋ.

Nehemaya 3:28

Bɔrɛmatapoana ko malɛ e lɔŋɛ m pɔr egbal na be kaba nɛ k bɛ so na. B daŋ fara kakpa nɛ baa tre Egbaŋɛ be Kabuna nɛ k wɔ a laŋɛ kelargato be esoso be kaba so na nna. Bumo be ekama malɛ daŋ lɔŋɛ m pɔr egbal na be kaba nɛ k bɛ so nsaa wɔ mo gbagba be laŋ to be anishito nna.

Nshɛ 48:9

Enyɛnpe Ebɔrɛ, saŋkama nɛ an yɔ fo bɔrɛlambu na to, fo kasha nɛ k maa chɛrga na be asheŋ bee ba anyi be nfɛra to nna.

Aizaaya 51:22

Enyɛnpe menyi be Ebɔrɛ nɛ e bee kuŋ menyi na e kaŋɛ le: “Mee lara kasogberge nɛ n nya agbo n shin nɛ k ba menyi so na nna na. M maaŋ naŋ gberge menyi kusoe n shin nɛ men baa nite a lente fanɛ basa nɛ b boo nsa na.

Jɛremaya 1:10

Kabre mee sa fo eleŋ nna nɛ fo tiŋ a kaŋɛ efuliana na be basa fanɛ meeŋ lara bumo ashi to nseŋ mur bumo nɛ b maaŋ naa wɔtɔ kuraa. Kumo be kaman nɛ n naŋ lɔŋɛ m pɔr bumo be efuliana na n yili.”

Jɛremaya 18:7

Nɛ m baŋ kre kemur efuli ko ŋko kuwurgboŋ ko cheche,

Jɛremaya 32:36

Kede be kaman nɛ Enyɛnpe, Israɛl be Ebɔrɛ na kaŋɛ ma le: “Jɛremaya, kashenteŋ nɛ fo kaŋɛ fanɛ basa na bee kaŋɛ fanɛ kena nɛ akoŋ nɛ alɔ e shin nɛ Babilɔn be ewura tiŋ ŋ kɔ n sɔ Jerusalɛm be kadegboŋ na. To, naniere nu kusɔ nɛ ŋ kɔ nɛ ŋ kaŋɛ.

Jɛremaya 8:2

Awibi na beeŋ baa dese nɛ epeŋi nɛ kufɔl nɛ achɛkpabi nɛ baa sha ga nseŋ ta amo ŋ ki agbir a shuŋ na kikɛ e baa nyaŋɛ a yuu amo so. Esa kama maaŋ gama amo abar so ŋko n laŋɛ amo m puli. E beeŋ baa dese kasawule fanɛ epi nna.

Ezikɛl 37:2

Ndoŋ nna nɛ Enyɛnpe Ebɔrɛ na keta ma n nite ketaŋɛ na to nɛ n wu fanɛ awibi na daa shi nseŋ daŋ wɔl n fuli a dese.

Ezikɛl 37:25

Kasawule nɛ n ta n sa ma kayɛrbi Jeekɔb na so nɛ baaŋ chena, kakpa nɛ bumo nanaana daŋ chena na. Bumo nɛ bumo be mbia nɛ kaman to ebi kikɛ beeŋ chena kumo so hale mbaanaayɔ, nɛ ewura nɛ e du fanɛ ma kayɛrbi Deevid na e baa ji bumo so kuwura.

Ezikɛl 39:29

Ma alɛ maaŋ naaŋ lar Israɛl be basa na kaman kikɛ, ŋkpal manɛ so, meeŋ ta ma kiyoyu n wɔtɔ bumo to. Ma, Enyɛnpetale Ebɔrɛ na e kaŋɛ na.”

Ezikɛl 48:35

Egbal nɛ k kulti kadegboŋ na n wɔtɔ na be nteŋ kikɛ n chambɔ beeŋ baa la fanɛ emayɛl adunyɔ nɛ ashe nna. Yili kabre a yɔ, kadegboŋ na be ketre e naŋ baa la “Enyɛnpe Ebɔrɛ na Wɔ Nfe!”

Jowɛl 3:17

Kede be kaman nɛ Enyɛnpe Ebɔrɛ yɛ: “Kumo be jemanɛ na so nɛ menyi Israɛlebi beeŋ pin fanɛ ma e la Enyɛnpe men be Ebɔrɛ na. Ma e wɔ ma kebee cheembi Zayɔn so na. Jerusalɛm beeŋ naŋ ki kadegboŋ cheembi nɛ efuli pɔtɛana so ebi maaŋ naŋ tiŋ ŋ kɔ m pɔɔ kumo so.

Zakareya 14:11

Basa na beeŋ chena Jerusalɛm to ashi kayurwushi so nɛ k maaŋ naaŋ mur kikɛ.

Zakareya 14:20

Jemanɛ na kaŋ fo, baaŋ sibɛ ‘Baa du cheembi n sa Enyɛnpe Ebɔrɛ na’ n deŋi egbaŋɛ be adulombi so, nɛ bɔrɛlambu na to be mpuliya daŋɛso na e baa du cheembi fanɛ echeenshi cheembi nɛ a yil bɔrɛsure na ase na.

Baru lela nɛ Jɔn kute na 18:1

Yesu ka kule mbe kabɔrɛkule na n loge nɛ mo nɛ mbe bebɛsopo na lar ndoŋ n yɔ Kidrɔn be ketaŋɛ be kaba ndoŋ. Ketaŋɛ na be kaba ndoŋ malɛ daa kɔ kupo ko nɛ Yesu nɛ mbe bebɛsopo na ya luri kupo na to.