Jɛremaya 31:32 - EBƆRƐ BE KAWƆL

³² Kɔnɔkoŋwule be ŋkre popɔr na beeŋ baa du fanɛ kedra nɛ ma nɛ bumo nananyɛnana daŋ wora jemanɛ nɛ n daŋ juŋkpar bumo n lar Ijipt be kasawule so nsaa ŋini bumo ekpa ashi bumo be enite to na nna. N daa du fanɛ ekul nɛ e bee sha mbe eche ga na nna n sa bumo, ama b daa maŋ bɛ ma nɛ bumo be kɔnɔkoŋwule be ŋkre na so.

Jɛremaya 31:32 ပူးပေါင်းရင်းမြစ်များ

1 Bewura 8:9

Shɛŋ shɛŋ daa maŋ wɔ ŋkre be deka na to ama ajembufalta anyɔ nɛ Mosis daŋ ta n wɔtɔ kumo to ashi kebeegboŋ nɛ baa tre Sainai na ase, saŋɛ so nɛ Enyɛnpe Ebɔrɛ daŋ lara Israɛlebi na Ijipt be efuli so nɛ bumo nɛ mo nase nnɔ n sa abar dra dra na.

Nshɛ 73:23

Ama amo nɛ amo kikɛ ŋ kraa wɔ fo kutɔ jemanɛ kikɛ. Fo daa kɔ ma to fo enɔ jisa to nna.

Nshɛ 78:37

B daa maa ji kashenteŋ a sa mo; bumo alɛ daa maa bɛ mo nɛ bumo be kɔnɔkoŋwule be ŋkre so.

Ɛksodɔs 19:5

Amoso naniere nɛ men baŋ wora kasonu cheche n sa ma nseŋ bɛ ma kɔnɔkoŋwule be ŋkre na so bre, menyeeŋ baa kraa la ma basa gbagba nɛ mee sha ga ashi basa kikɛ to na. Kasawule ere kikɛ la meya nna.

Ɛksodɔs 32:8

B teŋ kini kebɛ mbra nɛ n sa bumo na so nseŋ ŋalga shuwa n lɔŋɛ kenabi a shuŋ nsaa lara esarga a sa kumo a kaŋɛ fanɛ bumo be ebɔrɛ mo nɛ a lara bumo ashi Ijipt be kasawule so na nna na.”

Sɔlɔmɔn 8:5

Wanɛ nɛ mo jipo e pɛ abar be enɔ to n shi keshishɛrsawule so a ba ere? Ndibi nɛ baa tre apɔl na be kifi to nɛ n chɔlta fo; ndoŋ nɛ fo nio di fo kedampo ŋ kurge fo na.

Aizaaya 24:5

Edimɛdi jija durnya nna ŋkpal b ka kini kewora Ebɔrɛ be mbraana kasonu so. Bumo alɛ maŋ naa sa bumo nɛ Ebɔrɛ be kɔnɔkoŋwule be ŋkre nɛ k daga fanɛ k baa wɔtɔ mbaanaayɔ na bunyaŋ.

Aizaaya 41:13

Ma e la Enyɛnpe menyi be Ebɔrɛ na. Ma e wɔtɔ menyi eleŋ nsaa kaŋɛ, ‘Men sa maa lɔ kufu; meeŋ chɛ menyi to.’ ”

Aizaaya 54:5

Ŋkpal manɛ so menyi be etopo na beeŋ baa la fanɛ ekul n sa menyi. Mo e la Enyɛnpetale, Israɛl be Ebɔrɛ cheembi na. E beeŋ mɔlga menyi. Mo e naa ji kuwura durnya kikɛ so na.

Jɛremaya 11:4

K la kɔnɔkoŋwule be ŋkre nɛ ma nɛ bumo nanaana wora nna jemanɛ nɛ n daŋ lara bumo ashi Ijipt be efuli so nɛ k daa du fanɛ edɛ wuloŋwuloŋ n sa bumo nɛ b daŋ ji awurfoŋ ga kumo to na nna. N daŋ yili kumo nna n sa bumo fanɛ b baa wora asheŋ nɛ ŋ kaŋɛ kenishipereso na, saŋɛ na so, baaŋ baa la ma basa nɛ ma alɛ e baa la bumo be Ebɔrɛ.

Jɛremaya 2:2

n ya bɔ kubɔya ere n sa Jerusalɛm to be basa kikɛ. E yɛ: “N nyiŋi kananɛ men daa ji kashenteŋ a sa ma jemanɛ nɛ men daa du fanɛ mbifɔlbi na be asheŋ. Ma alɛ naŋ nyiŋi kananɛ men daa sha ma jemanɛ nɛ ma nɛ menyi daŋ ba abar so fanɛ basa nɛ b kraŋ luri kakil to sososo na gba be asheŋ. Menyi alɛ daŋ bɛ ma so n nite keshishɛrsawule fuloŋ so.

Jɛremaya 22:9

Ndoŋ nna nɛ beko e kaŋɛ fanɛ ŋkpal men ka kplaŋ ma nɛ menyi be kɔnɔkoŋwule be ŋkre so nseŋ ya kaa shuŋ nsaa bunyaŋ agbir pɔtɛana so nɛ m mur kumo.”

Jɛremaya 3:14

Menyi basa nɛ men maŋ kɔ kashenteŋji ere, men bɛta m ba ma kutɔ. Ŋkpal manɛ so, men la ma basa nna. Meeŋ keni menyi be ndeana to nɛ kanaŋ be mbunaana to n lara basa koko ŋko benyɔnyɔ nɛ b juŋkpar menyi m bɛta m ba kebee nɛ baa tre Zayɔn na so.

Jɛremaya 31:1

Enyɛnpe Ebɔrɛ na yɛ: “Jemanɛ ko bee ba nɛ m baa la Israɛl be eyiriana na kikɛ be Ebɔrɛ, nɛ bumo alɛ e baa la ma basa.

Jɛremaya 34:14

nfɛ ashunu kikɛ be kaman, a daga fanɛ b yige bumo braana Hibruwebi nɛ b tɔ anya nɛ b shuŋ bumo n fo nfɛnshe na nɛ b ya kaa wɔ bumo be amu a ji. Ama b maŋ nu kusɔ nɛ ŋ kaŋɛ bumo na.

Ezikɛl 16:8

Ŋ ka naŋ ba wu fo nɛ m pin fanɛ naniere fo ki eche nna n loge na, nɛ n ta ŋ gbagba be kusɔbuuso m buu fo kayurkpaŋ so. Kumo be kaman nɛ n nase kɔnɔ n sa fo nseŋ bɔ ntaŋ fanɛ feeŋ baa la meya nɛ ma, Enyɛnpetale Ebɔrɛ na e baa keni fo so.

Ezikɛl 20:37

“Meeŋ ta tintiŋ n shin nɛ men be ekama e wora kusɔ nɛ kɔnɔkoŋwule be ŋkre na bee ŋini.

Ezikɛl 23:4

Enimu so na e daa la Ohola nɛ e yili n sa kadegboŋ nɛ baa tre Samɛria na nɛ ekekarso na malɛ daa la Oholiba, nɛ mo alɛ yili n sa Jerusalɛm. B daa la ma beche nna nseŋ daŋ kurge mbia n sa ma.

Hoziya 11:1

Enyɛnpe Ebɔrɛ yɛ: “Jemanɛ so nɛ Israɛl wɔ Ijipt be efuli so fanɛ kebia na nɛ n tre mo n lar ndoŋ fanɛ m pibinyɛn shaso.

Hoziya 2:2

Mbia, men fiɛ men nio so. Kashenteŋ nna fanɛ e maŋ naa la ma eche nɛ ma alɛ maŋ naa la mo kul, ama men kaŋɛ mo nɛ e yige mbe kesakalea nɛ kebirkɔnshi be kebaawɔtɔ na.

Hoziya 3:1

Ndoŋ nna nɛ Enyɛnpe Ebɔrɛ naŋ kaŋɛ ma Hoziya le: “Naŋ laŋɛ n ya kaa sha fo eche nɛ e la sakaleche a kɔ bejipo na. Baa sha mo fanɛ kananɛ ma alɛ gba bee sha Israɛlebi nɛ b shile ma n yaa ka shuŋ agbir, hale a lara asɔrso nɛ baa tre greep na be awɔlso be esarga a sa amo na.”

Levitikɔs 26:15

Nɛ men kini kewora ma mbraana kasonu nsaa maŋ wora m bɔla ma nɛ menyi be kɔnɔkoŋwule be ŋkre na so,

Maak 8:23

nseŋ keta mo n lar kadebi na to n ya tuu echɔl n wora amo n wɔtɔ kanyɛn na be anishito nseŋ ta mbe enɔ n deŋi mo so nseŋ bishi mo: “Fee wu a?”

Baru lela nɛ Jɔn kute na 3:29

Kejafɔ mo kul e wɔ eche nɛ baa kre kejafɔ na. Kejafɔ mo teri na bre bee kaa yil nna nseŋ kaŋ kusoe a jo saŋɛ nɛ e beeŋ nu mo teri kejafɔ mo kul na be ebɔl nɛ mbe kagbene e fuli mo ga. Le e naa shin nɛ kagbenefuli bee bɔlɔ ma alɛ gba to.

Ashuŋ Shunso 23:19

Ndoŋ nna nɛ benapo be enimu na gbagba pɛ kabrantiɛbia na be enɔ to nseŋ keta mo n lar ekarso m bishi mo: “Manɛ nɛ fee sha kekaŋɛ ma?”

2 Kɔrintebi 11:2

Kashenteŋto, kasha be kayurbesa nɛ k du fanɛ Ebɔrɛ peya na nɛ ŋ kɔ a keni menyi so, ŋkpal manɛ so, men du fanɛ kasuŋgurbia nna nɛ n ta menyi n sa enyɛn mo nɛ e la Kristo na nɛ kachako nɛ n ta menyi cheembi m bɔɔ ekul koŋwule na enɔ.

Ditɛronɔmi 1:31

nɛ keshishɛrsawule so na. Men wu kananɛ e keta menyi, fanɛ kananɛ etuto bee keta mbe kebia a nite na, m ba nfe kayurwushiso.’

Ditɛronɔmi 29:1

Kananɛ Enyɛnpe Ebɔrɛ na nɛ Israɛlebi na be kɔnɔkoŋwule be ŋkre, nɛ e kaŋɛ Mosis kenishipere so ashi Mowab be kasawule so na, bee nite nde. Le be ŋkre ere gba ti amo nɛ bumo nɛ Enyɛnpe Ebɔrɛ na daŋ kre ashi kebeegboŋ nɛ baa tre Sainai na ase na so nna.

Ditɛronɔmi 29:24

Efuli pɔtɛana so be basa kikɛ beeŋ bishi le: “Manɛ nna nɛ Enyɛnpe Ebɔrɛ na wora bumo be kasawule loŋ? Manɛ e bar mbe kanya agbo?”

Ditɛronɔmi 31:16

Kumo be kaman nɛ Enyɛnpe Ebɔrɛ na kaŋɛ Mosis le: “Fo maaŋ naŋ chɛr nseŋ wu. Fo alɛ be luwu be kaman basa na maaŋ naa ji kashenteŋ a sa ma nseŋ lar kɔnɔkoŋwule be ŋkre nɛ ma nɛ bumo kre na to. Baaŋ lar ma kaman n ya kaa shuŋ nnyamase be agbirana nɛ a wɔ kasawule nɛ baa yɔ na so.

Ditɛronɔmi 31:20

Ma alɛ beeŋ keta bumo n yɔ kasawule nɛ k kɔ eleŋ a wora adɔjibi nɛnɛ na so fanɛ kananɛ n nase kumo be kɔnɔ n sa bumo nananyɛnana na. Baaŋ ya nya kusɔ kama nɛ baa sha n ji ndoŋ. Ama b kaŋ ya nya n ji n daŋ, baaŋ lar ma kaman n ya kaa shuŋ agbirana n jija ma nɛ bumo be kɔnɔkoŋwule be ŋkre na.

Ditɛronɔmi 5:2

Sainai be kebeegboŋ na ase nɛ anyi nɛ Enyɛnpe, anyi be Ebɔrɛ na wora kɔnɔkoŋwule be ŋkre. Mannɛ an nananyɛnana nɛ mo e daŋ wora ŋkre na, ama anyi nɛ an wɔ ŋkpa to kabre ere gba nɛ mo e wora kumo.

Hibruwebi 8:9

Ma Enyɛnpe na naŋ kaŋɛ: Loŋ be kɔnɔ naseso na maaŋ baa du fanɛ kumo nɛ n nase n sa bumo nananyɛnana kachɛ nɛ m pɛ bumo be enɔana n lara bumo ashi Ijipt be kasawule so na. Ŋkpal b ka daa maŋ ji bumo be amu kashenteŋ m bɛ ma kɔnɔ naseso so n ya fo ekar na so, m pal ma kaman nna n sa bumo.