Jɛremaya 31:30 - EBƆRƐ BE KAWƆL

³⁰ Kusɔ nɛ k beeŋ wora e la fanɛ basa nɛ b ji asɔrso nyaŋnyaŋso na gbagba be anyii e naaŋ baa nyiri bumo. Ekama nɛ e wora kulubi e naaŋ wu ŋkpal mbe kulubi na so.”

Jɛremaya 31:30 ပူးပေါင်းရင်းမြစ်များ

2 Bewura 14:6

E daa maŋ mɔ bumo be mbia bre, ŋkpal manɛ so e daŋ bɛ kusɔ nɛ Enyɛnpe Ebɔrɛ kaŋɛ ashi Mosis be mbra to na so nna. E yɛ: “B sa maŋ kaŋ mɔ mbia bumo kurgepoana ŋkpal kulubi nɛ bumo be mbia wora so, loŋ koŋwule nɛ a maŋ daga b ka mɔ mbia ŋkpal kulubi nɛ bumo kurgepoana wora so. Ekama nɛ e wora kulubi, mo e daga kumo be kasogberge.”

Job be kawɔl 21:20

Shin nɛ Enyɛnpetale Ebɔrɛ na be agbogboŋ na e ba alubiworapoana gbagba so nɛ b mur cheche.

Aizaaya 3:11

Ama asheŋ maaŋ nyalɛ n sa basa lubi na bre. Kusɔ nɛ b ta n wora basa ko na e naaŋ wora bumo alɛ gba naniere.

Ezikɛl 18:20

Basa nɛ b wora alubi e naa wu alubi be luwu. Mbia maaŋ ji awurfoŋ ŋkpal bumo tutoana be alubi so nɛ bekurgepo gba maaŋ ji awurfoŋ ŋkpal bumo be mbia be alubi so. Basa lela beeŋ nya bumo be alelasheŋ be kakɔka nɛ basa lubi malɛ e nya kasogberge ŋkpal bumo be alubi so.

Ezikɛl 18:4

Dimɛdi kikɛ be ŋkpa bɔɔ ma enɔ nna, bekurgepo nɛ bumo be mbia kikɛ. Amoso, esa nɛ e wora kulubi e naaŋ wu kumo be luwu.

Ezikɛl 3:24

Nɛ Enyɛnpe Ebɔrɛ na be Kiyoyu ba pɛ ma to ŋ niŋi to n yili nseŋ kaŋɛ ma le: “Yɔ epe n ya ti fo kumu so n wɔtɔ fo ebu to.

Ezikɛl 33:13

Nɛ fanɛ n nase kɔnɔ n sa esa lela fanɛ e beeŋ ji efute, ama kumo be kaman nɛ e fara a fɛ fanɛ alelasheŋ nɛ e daŋ wora na so e beeŋ nya kumɔlga nseŋ fara a wora asheŋ lubi, m maaŋ naŋ nyiŋi alelasheŋ nɛ e daŋ wora na. E beeŋ wu ŋkpal mbe alubi na so.

Ezikɛl 33:18

Nɛ esa lela yige asheŋ lela be kewora nseŋ fara a wora asheŋ lubi, e beeŋ wu ŋkpal mbe alubi so.

Ezikɛl 33:8

Nɛ ŋ kaŋɛ fanɛ esa lubi ko beeŋ wu, nɛ fo maŋ fɛa mo so nɛ e chɛrga ashi mbe asheŋ na lubi to nseŋ mɔlga mbe kumu, kumo ere e beeŋ wu ashi mbe alubi na to ama mbe luwu be turju beeŋ baa bɛ fo.

Galeeshaebi 6:5

Ekama e baa de mo gbagba be asheŋ woraso so.

Ditɛronɔmi 24:16

A maŋ daga fanɛ b mɔ betuto nɛ benio ŋkpal alubi nɛ bumo be mbia wora so. Kumo alɛ maŋ daga fanɛ b mɔ mbia ŋkpal alubi nɛ bumo tutoana nɛ bumo nioana wora so. Ekama daga fanɛ e wu nna ŋkpal mo gbagba be alubi nɛ e wora so.

Jeems 1:15

Kulubi malɛ baŋ ba wora keshi, kumo be lalaloge e la luwu.