Jɛremaya 31:3 - EBƆRƐ BE KAWƆL

³ n daa wɔ kufɔ nna nseŋ lara ma kumu ŋ ŋini menyi. Ŋ ka bee sha menyi saŋɛ kama na so, nɛ mee ŋini menyi ma kasha nɛ k wɔtɔ mbaanaayɔ na.

Jɛremaya 31:3 ပူးပေါင်းရင်းမြစ်များ

1 Bewura 10:9

Kemaŋkura e baa la Enyɛnpe fo Ebɔrɛ na peya. Mbe kagbene fuli fo so ga nna so nɛ e ta fo ŋ ki Israɛlebi be ewura nɛ fo baa ji bumo so eleŋ. Ŋkpal kasha nɛ e kɔ n sa mbe basa Israɛlebi na ka maŋ kɔ ekar so, nɛ e ta fo ŋ ki bumo be ewura nɛ fo baa ji asheŋ nɛ amo be ekpa so nsaa wora asɔ nɛ a niŋi ekpa a sa bumo na.”

Nshɛ 103:17

Enyɛnpe Ebɔrɛ na bee lara mbe kasha nɛ k maa chɛrga na a ŋini bekama nɛ baa bunyaŋ mo mbaanaayɔ nna; mo alɛ nsaa wora a bɔlɔ mbe nnɔ naseso so a sa bumo be kaman to ebi

Nshɛ 25:6

N nyɛnpe, nyiŋi fo kuwɔrwu nɛ fo kasha nɛ k maa loge, nsaa wɔtɔ dra dra na kikɛ na.

Sɔlɔmɔn 1:4

Keta ma nɛ an nya manaŋ n yɔ; Ma ewura, keta ma n yɔ fo ebu to manaŋ. Ndoŋ nɛ anyi be ŋgbene beeŋ fuli anyi, nɛ an nuu nsa nseŋ ji anyi be amu. Nɛ beche bee sha fo, kumo be ekpa so nna.

Aizaaya 43:4

Meeŋ kplaŋ efuli pɔtɛana na so nseŋ mɔlga menyi, ŋkpal menyi be asheŋ ka bee par ma ga so. Ma alɛ bee sha menyi nna nsaa maŋkura menyi.

Aizaaya 45:17

Ama Enyɛnpe Ebɔrɛ na mɔlga Israɛl be basa bre, nɛ b kɔ m pɔɔ so mbaanaayɔ. Bumo be basa malɛ maaŋ ŋaba kikɛ.

Aizaaya 49:14

Le nɛ basa nɛ b wɔ Jerusalɛm to daŋ kaŋɛ: “Enyɛnpe Ebɔrɛ na lar anyi be kaman nseŋ teŋ anyi so.”

Hoziya 11:1

Enyɛnpe Ebɔrɛ yɛ: “Jemanɛ so nɛ Israɛl wɔ Ijipt be efuli so fanɛ kebia na nɛ n tre mo n lar ndoŋ fanɛ m pibinyɛn shaso.

Hoziya 11:4

Ŋ koli bumo m mata ma kumu kashaso, nseŋ maŋ bumo so m pɛga. N sa bumo ajibi nɛ b ji,

Malakai 1:2

E yɛ: “Israɛlebi, saŋkama, ma kasha wɔ menyi so nna ga.” Ama le nɛ bumo alɛ daŋ kaŋɛ: “Ekpa mo so nɛ fo ŋini anyi kasha?” Ndoŋ nna nɛ Enyɛnpe Ebɔrɛ kaŋɛ: “Isɔɔ nɛ Jeekɔb la esa nɛ mo sipo nna, ama Jeekɔb nɛ mbe kaman to ebi nɛ n lara a sha ga,

Romebi 8:30

Amoso, Ebɔrɛ tre bumo nɛ e lara n yili na nna. Bumo nɛ e tre na malɛ kikɛ nɛ e shin nɛ b ji n lar. Bumo nɛ e shin nɛ b ji n lar malɛ kikɛ nɛ e shin nɛ mo nɛ bumo nya mbe kemaŋkura na.

Romebi 9:13

Loŋ malɛ nɛ abɔrɛsibɛ na bee kaŋɛ na fanɛ Ebɔrɛ yɛ: “N lara Jeekɔb nna nseŋ kini Isɔɔ.”

Ditɛronɔmi 10:15

Enyɛnpe Ebɔrɛ na daŋ sha men nananyɛnana na ga so nna nɛ e lara menyi nseŋ yige basa nɛ b ka na. Hale nɛ mbre men kraa la mbe basa laraso nna.

Ditɛronɔmi 33:26

Israɛl be basa, Ebɔrɛ kikɛ maŋ naa wɔtɔ fanɛ menyi be Ebɔrɛ na. Mo e naa lara mbe kemaŋkura a ŋini kuwɔlpa so, nsaa bɔla bɔrɛwɔlpa to a ba menyi be kechɛto to na.

Ditɛronɔmi 33:3

Enyɛnpe Ebɔrɛ na bee sha mbe basa nna, nsaa kuŋ bekama nɛ b la mo peya. Amoso anyeeŋ gbir m bunyaŋ mo nseŋ wora kusɔ nɛ e kaŋɛ kenishipere so na kasonu.

Ditɛronɔmi 4:37

Kasha nɛ Enyɛnpe Ebɔrɛ na kɔ n sa men nananyɛnana na so nɛ e lara menyi nɛ men baa la mo gbagba be basa nseŋ bɔla mbe yukugboŋ so n lara menyi ashi Ijipt be efuli so m ba.

2 Timoti 1:9

Ebɔrɛ mɔlga anyi nna nseŋ tre anyi fanɛ an ba ki mbe basa ŋkpal kusɔ nɛ mo gbagba yili nɛ mbe kuwɔr be kakɛ so, mannɛ kusɔ nɛ an wora so, Kristo Yesu so nɛ e bɔla n wu anyi kuwɔr pɔɛŋ nɛ kusɔ kikɛ fara dra dra na kikɛ.

Jeems 1:18

Mo gbagba e yili kumo fanɛ e bɔla mbe kashenteŋ be kamalga na to n shin nɛ an ki mbe kepɔrso kikɛ be basa juŋkparso.

1 Pita 1:3

Anyee di Ebɔrɛ nɛ e la an Nyɛnpe Yesu Kristo mo Tuto na epaŋ. Ŋkpal mbe kuwɔrgboŋ so e shin nɛ an nya ŋkpa popɔr ŋkpal Yesu Kristo ka tiŋi luwu to na so.

1 Jɔn 4:19

Ebɔrɛ e daŋ kesha anyi so shin nɛ anyi alɛ kɔ kasha na.