Jɛremaya 31:28 - EBƆRƐ BE KAWƆL

²⁸ Kananɛ n daa keni nɛ b tia bumo nseŋ lara bumo n lɛ m mur bumo na, a loŋ nɛ meeŋ naa keni nɛ b naŋ laŋɛ bumo m ba chena nseŋ chɛ bumo to nɛ b salga to.

Jɛremaya 31:28 ပူးပေါင်းရင်းမြစ်များ

Job be kawɔl 29:2

“Mee yɛlga fanɛ ma kebaawɔtɔ e baa du fanɛ kumo nɛ n daa kɔ jemanɛ nɛ Ebɔrɛ daa keni ma so na.

Nshɛ 102:16

Ŋkpal manɛ so, Enyɛnpe Ebɔrɛ na beeŋ lɔŋɛ Jerusalɛm be kadegboŋ na m pɔr nseŋ shin nɛ mbe kemaŋkura e dii efuli.

Nshɛ 147:2

Enyɛnpe Ebɔrɛ na bee lɔŋɛ Jerusalɛm nna a pɔr; nsaa bɛta mbe basa nɛ b daŋ pɛ n yɔ kenyaya to ashi efuli pɔtɛ wɔfɔ so na a ba epe.

Nshɛ 69:35

Ebɔrɛ beeŋ sɔ Jerusalɛm n yige nseŋ lɔŋɛ m pɔr Juda be ndeana, nɛ mbe basa e baa wɔ amo to ashi bumo gbagba be kasawule so.

Jɛremaya 1:10

Kabre mee sa fo eleŋ nna nɛ fo tiŋ a kaŋɛ efuliana na be basa fanɛ meeŋ lara bumo ashi to nseŋ mur bumo nɛ b maaŋ naa wɔtɔ kuraa. Kumo be kaman nɛ n naŋ lɔŋɛ m pɔr bumo be efuliana na n yili.”

Jɛremaya 1:12

Ndoŋ nna nɛ Enyɛnpe Ebɔrɛ na kaŋɛ: “Kashenteŋ nɛ fo ji, ŋkpal manɛ so, mee keni ma mmalga ekpa nna nɛ e wora m bɔlɔ so kashenteŋto.”

Jɛremaya 24:6

Meeŋ keni bumo so nseŋ bɛta bumo m ba kasawule ere so. Ma alɛ beeŋ shin nɛ asheŋ a nyalɛ n sa bumo nɛ b maaŋ laŋɛ kaman ashi kebaawɔtɔ to, nɛ k wora fanɛ ŋ ka duu bumo nɛ b kɔr na.

Jɛremaya 32:41

Kebaawora bumo kelela e naaŋ baa fuli ma kagbene. Amoso meeŋ shin nɛ b chena kasawule ere so hale mbaanaayɔ.

Jɛremaya 32:42

Kananɛ m baŋ shin nɛ basa ere ji jɛrbi na, aloŋ nɛ meeŋ shin nɛ b nya asɔ lela nɛ n nase amo be kɔnɔ na.

Jɛremaya 42:10

E yɛ: ‘Nɛ menyee sha kechena kasawule ere so, kumo ere mee leŋ menyi to nna nɛ men chena kumo so nɛ m baa chɛ menyi to, saŋɛ na so men maaŋ naŋ lar kumo so. Kemur nɛ n shin nɛ k ba menyi so na sa ma kebɔltofinfin damta ga.

Jɛremaya 44:27

Meeŋ shin nɛ menyi maaŋ nyalɛ kikɛ! Menyeeŋ mur. Menyi be galeŋga beeŋ wu kena to ŋko alɔ beeŋ mɔ menyi n ya fo fanɛ menyi to be esa koŋwule gba maaŋ ka.

Jɛremaya 45:4

Ama ma, Enyɛnpe Ebɔrɛ na bee bure kusɔ nɛ m pɔr na nna nsaa gberge kusɔ nɛ n duu a tia ashi durnya kikɛ to.

Ezikɛl 19:12

Ama agbo so nɛ n tia kumo n lɛ kasawule. Afu nɛ a shi epeŋilarkpa daŋ shin nɛ k bolo nɛ kumo be asɔrso gbaŋgbaŋ n tɔr; nɛ kumo be ayabi lempo na wɔl nɛ edɛ ji amo.

Ezikɛl 36:10

Kumo be kaman nɛ n shin nɛ Israɛl be basa e naŋ wora keshi n chena menyi be nsawule so nɛ basa e naŋ chena ndeana to nseŋ lɔŋɛ alambure na m pɔr.

Danɛl 9:14

O, an Nyɛnpe nɛ anyi be Ebɔrɛ, naniere bre fo gberge anyi kusoe. Kumo alɛ be loŋ walɛ, ŋkpal manɛ so kusɔ kama nɛ fo wora walɛ nna, anyi e maa nu a sa fo.

Danɛl 9:25

A daga fo ka pin fanɛ yili saŋɛ nɛ ebɔl beeŋ ba kenishipereso fanɛ b naŋ lɔŋɛ Jerusalɛm m pɔr na, n ya fo saŋɛ nɛ ejuŋkparpo nɛ Ebɔrɛ lara na beeŋ ba na beeŋ baa la nfɛ adushunu be ntuŋ ashunu nna. Kumo be saŋɛ so baaŋ lɔŋɛ abɔrbi ashi Jerusalɛm to nseŋ kur kemaŋ ŋ kulti kumo a kuŋ kumo nɛ k yili n ya fo nfɛ shunu be ntuŋ adeshe nɛ anyɔ. Ama etɔrɔsheŋ damta beeŋ baa wɔ kumo to.

Eemɔs 9:11

Enyɛnpe Ebɔrɛ yɛ: “Kachako bee ba nɛ n naŋ lɔŋɛ Deevid be kuwurji nɛ k ki fanɛ kelambure na m pɔr n yili nɛnɛ. Meeŋ naŋ lɔŋɛ kumo be egbalana m pɔr fanɛ kananɛ k daa du dra na.

Eemɔs 9:14

Saŋɛ na so meeŋ naŋ bɛta ma basa m ba bumo be kasawule so. Nɛ b naŋ lɔŋɛ m pɔr bumo be nde nɛ a bure na, nseŋ chena amo to. Baaŋ du asɔrso nɛ baa tre greep na nsaa wora amo be nsa a nu. Baaŋ dɔ ndɔana nsaa ji kusɔ kama nɛ b duu amo to.

Zakareya 8:14

Ade be kaman nɛ Enyɛnpetale Ebɔrɛ na naŋ kaŋɛ: “Men nanaana ka daŋ shin nɛ n nya agbo na, n daŋ kre fanɛ meeŋ shin nɛ b ji jɛrbi nna nseŋ shin nɛ loŋ wora.

Zakareya 8:15

Ama naniere mee kre kenɛfa Jerusalɛm to nɛ Juda be efuli so ebi nna. Amoso men sa maa lɔ kufu.

Ashuŋ Shunso 15:16

‘Kede be kaman meeŋ naŋ bɛta m ba m ba bar Deevid be kanaŋ ŋkpa to n naŋ pɔr kanaŋ na be alambure na m bɛ abar so.

Ditɛronɔmi 30:9

Kumo be kaman, Enyɛnpe menyi be Ebɔrɛ na beeŋ shin nɛ men nya mbia nɛ asɔbɔya damta nseŋ naŋ shin nɛ menyi be adɔjibi e wora ga. Kananɛ e daŋ fuli kagbene n shin nɛ asheŋ nite nɛnɛ n sa men nananyɛnana na, aloŋ nɛ e beeŋ fuli kagbene n shin nɛ asheŋ e nite nɛnɛ n sa menyi alɛ gba.