Jɛremaya 31:25 - EBƆRƐ BE KAWƆL

²⁵ Meeŋ sa basa nɛ b gbeŋ a chul to na eleŋ popɔr nseŋ sa bumo nɛ akoŋ bɛlɛ na ajibi nɛ b ji m moɛ.

Jɛremaya 31:25 ပူးပေါင်းရင်းမြစ်များ

Nshɛ 107:9

E bee sa ekama nɛ achukoŋ kɔ kusɔnuuso nna nɛ e bee nuu. Ekama malɛ nɛ akoŋ kɔ, e bee sa mo kusɔ jiso lela nna.

Nshɛ 23:3

Mo e naa sa ma eleŋ popɔr, nsaa ŋini ma kebaawɔtɔ niŋiso fanɛ kananɛ e nase kɔnɔ na.

Aizaaya 32:2

Ewura na nɛ benimuana na beeŋ baa du fanɛ kusɔ kuŋ afu nɛ kakpa nɛ esa beeŋ shile n ya ŋana bɔrɛfu so nna. Bumo alɛ beeŋ baa du fanɛ mbombi ashi kiyi to nɛ kefaltagboŋ nɛ k bee kuŋ epeŋi a sa kayul.

Aizaaya 40:29

Enyɛnpe Ebɔrɛ na e naa sa bekama nɛ b maŋ kɔ eleŋ nseŋ gben a chul to na eleŋ.

Aizaaya 41:17

Nɛ ma basa be ebɔl to wɔlto ŋkpal achukoŋ so, nɛ baa fin nchu nɛ b nuu nseŋ kule ma, ma, Enyɛnpe Ebɔrɛ na beeŋ nu bumo be kekule. Ma, Israɛl be Ebɔrɛ na, maaŋ kplaŋ bumo so kikɛ.

Aizaaya 50:4

Enyɛnpetale Ebɔrɛ na e ŋini ma kusɔ nɛ meeŋ kaŋɛ n leŋ esa nɛ e gben a chul to nsaa maaŋ naŋ tiŋ n wora shɛŋ na to. Mo e naa shin nɛ mee yɛla kenishi to kachipurso kikɛ a fin kenu kusɔ nɛ e kɔ nɛ e ŋini ma na.

Jɛremaya 31:12

Ma basa beeŋ ba Zayɔn be kebee na so m ba boŋ nshɛ kagbenefuliso, nɛ bumo be ŋgbene e fuli ŋkpal ŋ ka nɛfa bumo so. Meeŋ sa bumo ayu be yiri yiri nɛ yabra nɛ ŋku nɛ mbolpɔ nɛ ana. Israɛl beeŋ baa du fanɛ kudɔbi nɛ k nya nchu nɛnɛ nna, kumo be basa na beeŋ nya kusɔ kama nɛ ketir bumo.

Jɛremaya 31:14

Meeŋ sa bɔrɛmatapoana na kusɔ jiso alegaiso, nseŋ sa ma basa asɔ kama nɛ a daga bumo. Ma, Enyɛnpe Ebɔrɛ e kaŋɛ na.”

Ezikɛl 34:14

Ade be kaman, meeŋ shin nɛ b nya n ji kayurwushi so ashi abeemase nɛ ataŋɛ to nɛ mboŋ kama nɛ ajibi lela wɔ ashi Israɛl be kasawule so kikɛ.

Matiu 11:28

Men kikɛ nɛ men sulɔ men be esulɔ gbɛgbɛso ŋ gben na, men ba ma kutɔ nɛ n sa menyi ewushi.

Matiu 5:6

Kagbenefuli la bekama nɛ alelasheŋ be kebaawɔtɔ bee yɛlga bumo nsaa pere bumo kenishi na peya nna, ŋkpal manɛ so, baaŋ ba nya kumo kanaŋkamaso nɛ baa sha.

Luuk 1:53

E sa bumo nɛ akoŋ bee mɔ na asɔ lela ga nseŋ shin nɛ damawuraana bɛta n yɔ nɛ enɔfuloŋ.

Baru lela nɛ Jɔn kute na 4:14

ama esa kama nɛ e nuu nchu nɛ meeŋ sa mo na maaŋ naŋ shu achukoŋ kikɛ. Kashenteŋto, nchu nɛ meeŋ sa amodoŋwura na beeŋ baa wɔ mo to a bul fanɛ ketirbu na a sa mo ŋkpa nɛ k maŋ kɔ ekar na.”

2 Kɔrintebi 7:6

Ama Ebɔrɛ nɛ e bee wushi kagbenejijawuraana na, wushi anyi be ŋgbene ŋkpal Taites ka ba so.