Jɛremaya 31:23 - EBƆRƐ BE KAWƆL

²³ Enyɛnpetale, Israɛl be Ebɔrɛ na yɛ: “Ŋ kaŋ bɛta basa na m ba chena bumo gbagba be kasawule so n loge, baaŋ naa kaŋɛ le ashi nde nɛ a wɔ Juda be kasawule so na: ‘Ebɔrɛ e nɛfa Zayɔn be kebee nɛ bɔrɛlambu na nɛ ewura be laŋ yil so ashi Jerusalɛm nɛ k la kakpa cheembi nɛ e wɔ na.’

Jɛremaya 31:23 ပူးပေါင်းရင်းမြစ်များ

Nshɛ 128:5

Ma kabɔrɛkule e la fanɛ, Enyɛnpe Ebɔrɛ na e shi Zayɔn be kebee na so n nɛfa fo ashi fo kebaawɔtɔ kikɛ to; nseŋ shin nɛ Jerusalɛm be kadegboŋ na e nyalɛ.

Nshɛ 129:8

Esa kama malɛ nɛ e bɔla bumo ase a choŋ e sa maŋ kaŋɛ le: ‘Enyɛnpe Ebɔrɛ e nɛfa menyi! Ŋko mee nɛfa menyi ashi Enyɛnpe Ebɔrɛ be ketre to nna!’ ”

Nshɛ 134:3

Mee kule Enyɛnpe Ebɔrɛ nɛ e to esoso nɛ kasawule nna fanɛ e yili Zayɔn n nɛfa menyi!

Nshɛ 28:9

Enyɛnpe Ebɔrɛ, mɔlga fo basa; nɛfa fo basa laraso. Baa keni bumo so fanɛ kananɛ mbolpɔkpapo bee keni mbe mbɔlpo so na mbanaayɔ na.

Aizaaya 1:21

Menyi Jerusalɛmebi nɛ men daa ji kashenteŋ na, chɛrga nna a wora asheŋ fanɛ sakaleche. Basa nɛ b niŋi e daŋ bɔlɔ menyi be kadegboŋ to jemanɛ ko, ama naniere basa nɛ baa mɔ basa nawule e ka kumo to.

Aizaaya 1:26

Ma alɛ beeŋ sa menyi bewura nɛ besoetojipo nɛ b du fanɛ bumo nɛ men daa kɔ dra na. Ŋ kaŋ wora loŋ, baaŋ naa tre Jerusalɛm Kadegboŋ Niŋiso nɛ Kashenteŋji be Kakpa.”

Aizaaya 11:9

Kusɔ lubi kikɛ maaŋ naa wɔ Ebɔrɛ be kebee cheembi nɛ baa tre Zayɔn na so. Kananɛ nchu bɔlɔ teku to na, aloŋ nɛ basa nɛ b nyi nsaa bunyaŋ Enyɛnpe Ebɔrɛ na gba beeŋ baa kaa shi kasawule na so.

Aizaaya 32:16

Saŋɛ na basa beeŋ baa kɔ kashenteŋji nsaa wora asheŋ nɛ a niŋi nsaa ji asheŋ nɛ amo be ekpa so ashi kasawule na be kaplɛkama.

Aizaaya 33:5

Enyɛnpe Ebɔrɛ na e chɔ esa kikɛ nsaa ji kuwura kusɔ kama so. E beeŋ shin nɛ kashenteŋji nɛ asheŋ niŋiso be kebaawora e bɔlɔ Jerusalɛm to.

Aizaaya 60:21

Kumo be kaman nɛ menyi be basa kikɛ e chena kasawule na so nsaa wora kusɔ nɛ k niŋi mbaanaayɔ. B du fanɛ kedibi nɛ ŋ gbagba du ndoŋ nɛ n lara ma keshi ŋ ŋini ekama nna.

Jɛremaya 29:14

Kashenteŋ nɛ mee kaŋɛ na fanɛ menyeeŋ fin ma nseŋ wu ma nɛ ma alɛ e bɛta menyi m ba menyi be kasawule so. Meeŋ chala menyi abar so ashi efuli kama nɛ kaplɛkama nɛ men pesaŋ to n yɔ na, nseŋ bɛta menyi m ba kasawule nɛ n daŋ shin nɛ b pɛ menyi anya kumo so n yɔ efuli pɔtɛ so na so. Ma, Enyɛnpe Ebɔrɛ e kaŋɛ na.”

Jɛremaya 30:18

Ade kikɛ be kaman, nɛ Enyɛnpe Ebɔrɛ na kaŋɛ le: “Meeŋ naŋ bɛta ma basa m ba bumo be kasawule so nseŋ wu bumo be kanaŋ kama to be basa kuwɔr. Baaŋ naŋ lɔŋɛ Jerusalɛm nɛ k bure a dese ere m pɔr, nseŋ pɔr kumo to be ewurkpa n yili kumo be kakpa.

Jɛremaya 32:44

Basa beeŋ naŋ tɔ nsawule nseŋ wora amo be nwɔl n shin nɛ eshɛdajipoana nɛ bumo gbagba e yisi enɔ nwɔl na to a ŋini fanɛ b tɔ nsawule na nna. Mboŋ nɛ le beeŋ wora e la Bɛnjamin be yiri be kebonfu to nɛ ndekarso nɛ a kulti Jerusalɛm be kadegboŋ na nɛ Juda be efuli so be nde to nɛ nde nɛ a wɔ abee so nɛ amo nɛ a wɔ abeemase nɛ Juda be kelargato be kaseto be kaba so kikɛ na. Meeŋ naŋ bɛta basa na m ba chena bumo be kasawule so. Ma, Enyɛnpe Ebɔrɛ e kaŋɛ na.”

Jɛremaya 50:7

Bekama nɛ b daŋ wu bumo daa kɔ bumo kena nna. Le nɛ bumo doŋana bee kaŋɛ: ‘B wora alubi nna n da Enyɛnpe Ebɔrɛ nɛ e sa bumo nananyɛnana tama na so. Amoso kusɔ nɛ an wora na maŋ lubi. Bumo nananyɛnana daŋ yirda Enyɛnpe Ebɔrɛ nna, nɛ a daŋ daga fanɛ bumo alɛ gba ka ji kashenteŋ n sa mo.’

Obadaya 1:17

Kumɔlga beeŋ baa wɔ Zayɔn be kebee bre so, nɛ basa ko e nya ekpa n shile ŋ ŋana. Ndoŋ beeŋ baa la kakpa cheembi nsaa la Jeekɔb be kanaŋ to be kasawule.

Maika 4:1

Lalaloge be nchɛ na to kebee nɛ Enyɛnpe Ebɔrɛ be bɔrɛlambu na yil so na e naŋ ba ki abee kikɛ to be kejeŋgreŋ ga. K beeŋ baa du jeŋgreŋ a chɔ abee kikɛ nyam, nɛ efuliana na kikɛ be basa e shile m ba kumo ase

Zakareya 8:3

Meeŋ naŋ bɛta m ba chena Zayɔn be kebee na so ashi Jerusalɛm to. Aloŋ nɛ ekama beeŋ pin fanɛ Jerusalɛm la ma beyirdapo be kadegboŋ nna nɛ Zayɔn malɛ la ma kebee cheembi.

Ruf be kawɔl 2:4

B wɔ ndɔ na to nna nɛ Bowas ya shir kaman n shi Bɛtlɛhɛm be kade to m ba chɔrɔ bumo ŋ kaŋɛ: “Ansaŋ ansaŋ nɛ kushuŋ!” Nɛ bumo alɛ shuli awɔrso ŋ kaŋɛ: “Awo enimu.”