Jɛremaya 31:22 - EBƆRƐ BE KAWƆL

²² Saŋɛ mo nɛ menyeeŋ chɛrga a ji kashenteŋ? Kachako meeŋ shin nɛ asheŋ e baa kɔr to, kumo e la fanɛ eche ka beeŋ baa kuŋ enyɛn.”

Jɛremaya 31:22 ပူးပေါင်းရင်းမြစ်များ

Jɛnesis 3:15

Ma alɛ beeŋ ta kedoŋ n wɔtɔ fo nɛ eche na be nferinto nseŋ naŋ ta kedoŋ n wɔtɔ fo pibi nɛ eche na be kebia to. Eche na be kebia na beeŋ baa bɛa fo kumu to nɛ fo alɛ e baa duŋ mbe kenaŋkuŋ.”

Aizaaya 7:14

To, kumo ere Enyɛnpe Ebɔrɛ na gbagba e naaŋ sa anyi tɔɔnɛ. Kasuŋgurbia nɛ e maŋ nyi enyɛn ŋ ku so beeŋ di kedampo ŋ kurge ebinyɛn nseŋ nase mo ketre Immanuɛl. Kumo be kifito e la fanɛ Ebɔrɛ wɔ anyi kutɔ.

Jɛremaya 13:27

Ŋkpal manɛ so, e wu fo basa ka wora asheŋ nɛ e kishi nna. Kumo e la fanɛ e wu menyi nɛ menyee shuŋ nnyamase be agbirana ashi abee so nɛ adɔsawule to fanɛ kananɛ enyɛn ko bee yɛlga mo barkasa be eche nsaa shil a chɔ mo so na ŋko fanɛ kananɛ gbaŋɛ nyɛnso bee ju a bɛ gbaŋɛ cheso so na. Asheŋ maaŋ nyalɛ n sa menyi, Jerusalɛm to be basa ere! Jemanɛ mo nɛ menyeeŋ naŋ nyalɛ so a maaŋ naa kɔ eyurpi menyi so?

Jɛremaya 14:7

Ma basa bee shu a tre ma a kaŋɛ le nna: ‘Kashenteŋto, anyi be alubi bee ji a bri anyi, amoso chɛ anyi to, Enyɛnpe Ebɔrɛ, fanɛ kananɛ fo nase kɔnɔ fanɛ feeŋ chɛ anyi to na. Ale damta nɛ an shile n lar fo kaman. An wora alubi ŋ gbiti fo kashenteŋto

Jɛremaya 2:18

Men ka daŋ yɔ Ijipt nɛ Asiriya be efuliana so n ya nuu elɔrgboŋ nɛ baa tre Nail nɛ Yufreetes be nchu na, manɛ nɛ men daa fɛ fanɛ menyeeŋ nya ashi efuliana na so?

Jɛremaya 2:23

Menyee chɛ fanɛ men maŋ wora alubi, a kaŋɛ menyi maŋ kɔ eyurpi menyi so. Menyi alɛ maŋ shuŋ kegbir nɛ baa tre Baal na. Ama men laŋɛ menyi be nfɛra n yɔ asɔ nɛ men wora ashi Hinnɔm be Ketaŋɛ to na be asheŋ. Men daa shile a kulti nna a shuŋ agbir fanɛ enyɔma fɔlbi nɛ e tuge afɔl so na.

Jɛremaya 2:36

Men paŋ anishinyɔr nseŋ ya kaa shuŋ efuli pɔtɛana so be agbirana. Kananɛ Asiriya be efuli so be agbirana maŋ tiŋ n chɛ menyi to na, aloŋ nɛ Ijipt be efuli be agbirana gba maaŋ tiŋ n chɛ menyi to.

Jɛremaya 3:1

Nɛ Enyɛnpe Ebɔrɛ kaŋɛ Israɛl be basa na le: “Nɛ enyɛn baaŋ kini mbe eche nɛ eche na ya kil enyɛn pɔtɛ, loŋ be eche na maaŋ naŋ tiŋ m bɛta n yɔ mo kul dra na kutɔ. Nɛ e wora loŋ kasawule na beeŋ wora eyurpi daŋkare be ekpa so. Ama menyi Israɛl be basa kɔ agbir damta nɛ e chɔ sakaleche be benyɛnana gba. Nɛ manɛ so nɛ ma ere beeŋ naŋ sɔ menyi?

Jɛremaya 3:14

Menyi basa nɛ men maŋ kɔ kashenteŋji ere, men bɛta m ba ma kutɔ. Ŋkpal manɛ so, men la ma basa nna. Meeŋ keni menyi be ndeana to nɛ kanaŋ be mbunaana to n lara basa koko ŋko benyɔnyɔ nɛ b juŋkpar menyi m bɛta m ba kebee nɛ baa tre Zayɔn na so.

Jɛremaya 3:22

Menyi nɛ men shile Enyɛnpe Ebɔrɛ na e bɛta m ba nɛ e shin nɛ men naŋ nya kashenteŋji be kebaawɔtɔ. Le nɛ menyee kaŋɛ: “Mm, anyee ba Enyɛnpe Ebɔrɛ na kutɔ nna ŋkpal e ka la anyi be Ebɔrɛ so.

Jɛremaya 3:4

Naniere kusɔ nɛ menyee kaŋɛ ma nde: ‘Fo e la an tuto. Anyi be kebia to kikɛ nɛ fee sha anyi.

Jɛremaya 3:6

Jemanɛ nɛ Josaya daa la Juda be ewura na nɛ Enyɛnpe Ebɔrɛ na kaŋɛ ma le. E yɛ: “Jɛremaya, fo wu kusɔ nɛ Israɛl be efuli nɛ k du fanɛ eche nɛ e maa ji kashenteŋ a sa mo kul na wora, ŋko? E kini ma nseŋ ya kaa shuŋ agbir ashi abee jeŋgreŋ so nɛ ndibigboŋ nɛ e kɔ afantaŋ ga be afito.

Jɛremaya 3:8

Juda daŋ wu ŋ ka kini Israɛl n lɛ fanɛ eche nɛ mo kul kini mo nseŋ ju mo n lɛ na, ŋkpal b ka shuŋ agbirana so. Ama kufu daa maŋ pɛ Juda be efuli so be basa. Kumo be kaman nɛ bumo alɛ gba shuŋ agbir ŋ ki fanɛ ebojua

Jɛremaya 4:14

Jerusalɛm to ebi, men lara asheŋ lubi men be ŋgbene to nseŋ yige nfɛra lubi be kebaafɛ, saŋɛ na so menyi beeŋ nya kumɔlga.

Jɛremaya 49:4

Manɛ so nɛ menyi, Ammɔnebi, nɛ menyee maa ji kashenteŋ ere bee puchi? Menyi be eleŋ bee duga so nna na nɛ manɛ nna nɛ men kraŋ yirda menyi be yuku nsaa kaŋɛ fanɛ esa kikɛ maaŋ tiŋ ŋ kɔ menyi kena?

Jɛremaya 7:24

Ama b daa maŋ nu n sa ma. Kusɔ nɛ bumo be ŋgbene kpakpaso kaŋɛ bumo nɛ b daa wora, nɛ kumo be loŋ shin nɛ bumo be kebaawɔtɔ jija n ti so.

Hoziya 11:7

Ma basa baŋ yili kumo nna fanɛ baaŋ kini ma, nseŋ ya kaa bɛ agbir nɛ e maaŋ tiŋ n chɛ bumo to so.

Hoziya 14:4

Enyɛnpe Ebɔrɛ yɛ: “Meeŋ shin nɛ ma basa e naŋ bɛta m ba ŋ kutɔ, nɛ n ta ma kagbene kikɛ n sha bumo; a maaŋ naŋ nya agbo n wɔtɔ bumo kikɛ.

Hoziya 4:16

Israɛlebi ki basa kpeŋso nna fanɛ ekurmanyɛn. Nuso gba nɛ meeŋ wora ŋ keta bumo n yɔ keji to ashi kupuŋ to fanɛ mbolpɔbi?

Hoziya 8:5

M maa sha gbolu nɛ Samɛria be kade to ebi ta shuwa n lɔŋɛ a shuŋ fanɛ kegbir na be asheŋ. N nya agbo alegaiso n wɔtɔ bumo. Saŋɛ mo gba nɛ baaŋ yige kebaa shuŋ agbir ere?

Zakareya 7:11

Ama ma basa ta ŋkpensheŋ nna m pal kaman n sa ma nseŋ ti bumo be asoe ŋ kini kenu n sa ma. B daŋ kplaŋ ma so nna

Nɔmbɛs 16:30

Ama nɛ fanɛ Enyɛnpe Ebɔrɛ na wora kusɔ nɛ k maŋ naŋ wora kikɛ nseŋ shin nɛ kasawule baŋɛ to n ta basa ere nɛ bumo be beche nɛ mbia nɛ kusɔ kama nɛ b kɔ kikɛ m min, loŋ nɛ menyeeŋ pin fanɛ basa ere kini Enyɛnpe Ebɔrɛ na kashenteŋto.”

Matiu 1:21

E beeŋ kurge ebinyɛn nɛ men nase mo ketre Yesu, ŋkpal manɛ so, mo e naaŋ mɔlga mbe basa ashi bumo be alubi to.”

Galeeshaebi 4:4

Ama jemanɛ nɛ k daga na ka ba fo nɛ Ebɔrɛ shuŋi mo Pibinyɛn nɛ e bɔla durnya be eche to n lar a wɔ mbra na to na