Jɛremaya 31:14 - EBƆRƐ BE KAWƆL

¹⁴ Meeŋ sa bɔrɛmatapoana na kusɔ jiso alegaiso, nseŋ sa ma basa asɔ kama nɛ a daga bumo. Ma, Enyɛnpe Ebɔrɛ e kaŋɛ na.”

Jɛremaya 31:14 ပူးပေါင်းရင်းမြစ်များ

2 Kronikɛls 6:41

Enyɛnpe Ebɔrɛ, koso m bɔla ŋkre be deka nɛ k yili a sa eleŋ nɛ fo kɔ na so n luri bɔrɛlambu ere to, nsaa wɔ ndoŋ mbaanaayɔ. Nɛfa fo bɔrɛmatapoana ashi kusɔ kama nɛ baa wora to nseŋ shin nɛ fo basa malɛ kikɛ be ŋgbene e fuli bumo ŋkpal fo kelela nɛ fee wora a sa bumo so.

Nehemaya 10:39

Israɛl be basa nɛ Livaiebi na daga fanɛ b bar bumo be nyifu nɛ asɔnuuso, nɛ ɔlif be ŋku kakpa nɛ baa yili bɔrɛlambu na to be asɔ nɛ b kɔ a daŋɛ nɛ asɔ jito na. Bɔrɛlambu na be kakpa nɛ bekenipo nɛ beshɛbompoana nɛ bɔrɛmatapoana na wɔ na. Anyi maaŋ kplaŋ anyi be Ebɔrɛ na be bɔrɛlambu so kikɛ.

Nshɛ 107:9

E bee sa ekama nɛ achukoŋ kɔ kusɔnuuso nna nɛ e bee nuu. Ekama malɛ nɛ akoŋ kɔ, e bee sa mo kusɔ jiso lela nna.

Nshɛ 132:16

Meeŋ nɛfa kusɔ kama nɛ bɔrɛmatapoana na beeŋ baa wora nɛ basa na malɛ e baa boŋ nshɛ kagbenefuliso.

Nshɛ 132:9

Shin nɛ fo bɔrɛmatapoana e baa wora asheŋ niŋiso, nseŋ shin nɛ fo basa nɛ baa ji kashenteŋ a sa fo na e baa boŋ nshɛ nsaa ji eyur kagbenefuliso.

Nshɛ 17:15

Meeŋ ba fo anishito, ŋkpal manɛ so, m maŋ wora kulubi kikɛ. M baŋ tiŋi nseŋ wu fanɛ fo wɔ ma kutɔ, ma kagbene beeŋ fuli nna.

Nshɛ 36:8

Fee wora kejigboŋ nna a sa fo befɔ ashi fo laŋ to. Fo kasha nɛ fo kɔ a sa anyi na baŋ anyi be nfɛra so.

Nshɛ 63:2

N wu fo eleŋ nɛ fo kemaŋkura ashi fo bɔrɛlambu to.

Nshɛ 63:5

Meeŋ boŋ kapandi be nshɛ kagbenefuliso; nɛ ma eyur e saŋɛ ma to n shin nɛ m moɛ, fanɛ b ka wora kejigboŋ nɛ n ji na.

Nshɛ 63:6

Kanyɛso nɛ m baŋ dese gedo so mee nyiŋi fo nna, a fɛ fo asheŋ ashi ma edesekpa saŋkama.

Nshɛ 65:4

Fo nɛfa bekama nɛ fo lara na nna, n shin nɛ b chena n sha fo ashi fo bɔrɛlambu to. Anyeeŋ ji anyi be amu ashi fo laŋ to nɛ fo bɔrɛlambu cheembi na to.

Nshɛ 85:13

Kebaawɔtɔ niŋiso beeŋ juŋkpar a lɔŋɛ akpa a sa Enyɛnpe Ebɔrɛ na nɛ e baa bɛ so.

Nshɛ 90:14

Kachipurso kikɛ, shin nɛ fo kasha nɛ k maŋ kɔ ekar na e kukwe anyi, saŋɛ na so, anyeeŋ baa ta kagbenefuli a boŋ nshɛ anyi be kebaawɔtɔ kikɛ to.

Sɔlɔmɔn 5:1

M ba ma kudɔbi to, ŋ jipo, nɛ ma kejafɔ. N chala ma etulale nɛ asɔ dufɛso Ŋ ji ma mushoŋkɔrfɔ nɛ mushoŋchu; nseŋ nuu ma nsa belbelso nɛ kenyipochu. Ji nseŋ nu kanaŋkama so nɛ fee sha; shin nɛ kasha e boo fo.

Aizaaya 25:6

Enyɛnpetale Ebɔrɛ na beeŋ bela ajibi lela nɛ asɔ nuuso belbelso be kejigboŋ ase n sa durnya to be efuliana kikɛ so ebi ashi kebee nɛ baa tre Zayɔn na so ashi Jerusalɛm.

Aizaaya 61:6

Ama Enyɛnpe Ebɔrɛ na be basa bre beeŋ baa la Ebɔrɛ be bɔrɛmatapoana nɛ mbe nyɛrbi nna. Efuli pɔtɛana na be kanya nɛ kedama beeŋ ki mbe basa peya nɛ bumo be ketre e dii nɛ b baa puchi amo so.

Jɛremaya 31:25

Meeŋ sa basa nɛ b gbeŋ a chul to na eleŋ popɔr nseŋ sa bumo nɛ akoŋ bɛlɛ na ajibi nɛ b ji m moɛ.

Jɛremaya 33:9

Nɛ loŋ kaŋ wora, durnya to be efuliana be basa kikɛ beeŋ wu asɔ lela nɛ n wora n sa Jerusalɛm be basa nɛ kananɛ n sa bumo kayurwushi. Efuliana na be basa beeŋ ji eyur nseŋ kpaŋ ma m maŋkura ma, ama kufugboŋ malɛ beeŋ tɔr bumo so nɛ b baa chicha ma anishi to.’ ”

Jɛremaya 50:19

Ama meeŋ naŋ bɛta Israɛl be basa na m ba bumo be kasawule so. Baaŋ dɔ adɔjibi kama nɛ baa sha ashi Kaamɛl be kebee nɛ k mata Mɛditerenia be Teku na nɛ Bashan be kebonfu nɛ k wɔ Jɔɔdan be lɔr na be epeŋilarkpa be kaba so na nɛ Efrayim nɛ Giliad be apreŋsawule so n ji kanaŋkama nɛ baa sha.

Ezikɛl 34:14

Ade be kaman, meeŋ shin nɛ b nya n ji kayurwushi so ashi abeemase nɛ ataŋɛ to nɛ mboŋ kama nɛ ajibi lela wɔ ashi Israɛl be kasawule so kikɛ.

Heegai 2:19

Kashenteŋ nna fanɛ aboyu maŋ naa wɔtɔ nɛ ndibisɔrso na malɛ be kekama maŋ naŋ sɔr asɔrso kikɛ, ama yili kabre a yɔ meeŋ nɛfa menyi.”

Matiu 5:6

Kagbenefuli la bekama nɛ alelasheŋ be kebaawɔtɔ bee yɛlga bumo nsaa pere bumo kenishi na peya nna, ŋkpal manɛ so, baaŋ ba nya kumo kanaŋkamaso nɛ baa sha.

Ɛfesesebi 1:3

Men shin nɛ an chɔrɔ an Nyɛnpe Yesu Kristo be Ebɔrɛ nɛ e la mo Tuto na ga, ŋkpal manɛ so, e bɔla Kristo so n nɛfa anyi n ta abɔrɛsheŋ be kakɛ be yiri kikɛ ashi ebɔrɛso n sa anyi.

Ɛfesesebi 3:19

Kashenteŋto esa ba maaŋ tiŋ m pin mbe kasha na to n ya loge, ama kumo nɛ mee kule mo fanɛ e shin nɛ men ba pin nɛ k tiŋ n shin nɛ Ebɔrɛ e bɔlɔ men be kebaawɔtɔ kikɛ to nyam.

Ditɛronɔmi 33:23

A laŋɛ Naftali be yiri be kaplɛa so le nɛ Mosis daŋ kaŋɛ: “Enyɛnpe Ebɔrɛ na be kuwɔrwu so, nɛ e nɛfa Naftali ga. Bumo be kasawule yili Galili be kepa na nna n ya fo kelargato be kaseto nna.”

1 Pita 2:9

Ama menyi ere la kanaŋ mo nɛ Ebɔrɛ lara nna nɛ men baa la bɔrɛmatapoana nɛ b shi kuwurji be kanaŋ to nseŋ naa la kanaŋ cheembi to ebi nɛ b la Ebɔrɛ be basa gbagba nɛ men ba kute esa nɛ e tre menyi ashi tentembiri to a yɔ mo gbagba be mamachi be kefulto to na be asheŋgboŋ be asheŋ n sa basa.

Kelaraŋŋini 5:10

Fo ta bumo ŋ ki an be Ebɔrɛ be kuwura to ebi nɛ bɔrɛmatapoana nɛ b baa shuŋ mo nɛ b ba ji kuwura kasawule so.”