Jɛremaya 29:20 - EBƆRƐ BE KAWƆL

²⁰ Menyi kikɛ nɛ n shin nɛ b pɛ n yɔ Babilɔn be efuli so n ya ki anya na e nu kusɔ nɛ ma, Enyɛnpe Ebɔrɛ na kaŋɛ.

Jɛremaya 29:20 ပူးပေါင်းရင်းမြစ်များ

Jɛremaya 24:5

“Ma, Enyɛnpe Israɛl be Ebɔrɛ na bee wu basa nɛ b pɛ n yɔ Babilɔn be efuli so na fanɛ figidibi be asɔrso lela nna.

Jɛremaya 29:1

N daŋ sibɛ kawɔl n sa bɔrɛmatapoana nɛ anebiana nɛ bejuŋkparpoana nɛ basa kama nɛ ewura Nebukadneeza daŋ pɛ n shi Jerusalɛm n yɔ Babilɔn be efuli so na kikɛ nna.

Jɛremaya 29:2

B ka pɛ ewura Jehowachin nɛ mo nio nɛ ewurkpa be ekrachiana nɛ Jerusalɛm to nɛ Juda be efuli so be benimuana nɛ basa nɛ b nyi enɔ to be ashuŋ kikɛ n yɔ kenyaya to na be kaman, nɛ n sibɛ kawɔl na.

Jɛremaya 29:31

n chise Juda be basa nɛ b wɔ kenyaya to ashi Babilɔn be efuli so na. E yɛ: “Ma, Enyɛnpe Ebɔrɛ na e naaŋ gberge Shemaya nɛ mbe kaman to ebi kusoe. M maŋ shuŋi mo, ama mo alɛ malga menyi kutɔ fanɛ anebi n shin nɛ men yirda mbe efɛ na. E maaŋ nya kaman to ebi ashi menyi to kikɛ. E maaŋ baa wɔ ŋkpa to n wu asheŋ lela nɛ mee sha kewora n sa ma basa na, ŋkpal manɛ so, e daŋ kaŋɛ bumo nna fanɛ b kini ma nseŋ lar ma kaman. Ma, Enyɛnpe Ebɔrɛ e kaŋɛ na.”

Ezikɛl 11:9

Meeŋ lara menyi kadegboŋ na to n ta menyi m bɔɔ befɔ enɔ nɛ b gberge menyi kusoe.

Ezikɛl 3:11

To, yɔ fo kurgepoana nɛ b pɛ menyi kikɛ n yɔ Babilɔn be efuli so na kutɔ n ya kaŋɛ bumo kusɔ nɛ ma, Enyɛnpetale Ebɔrɛ na kaŋɛ. Baaŋ nu ŋko b maaŋ nu, fo ere e ya kaŋɛ bumo.”

Ezikɛl 3:15

Kumo be kaman nɛ m ba kakpa nɛ basa nɛ b pɛ anya n yɔ efuli pɔtɛ so na wɔ na ashi kebeebi nɛ baa tre ‘Tɛl Abib’ nɛ k dese m mata Lɔr nɛ baa tre Kɛba na ase na n ya tu bumo n chena nchɛ ashunu. Kusɔ nɛ n wu nseŋ nu ndoŋ na daŋ chinchiŋ ma nna.

Maika 4:10

Men baa shu nsaa kii nnɔ to fanɛ eche nɛ kakurge ta na, ŋkpal manɛ so, k maaŋ chɛr nɛ men lar kadegboŋ na to n yaa kaa wɔ kupuŋ to. Baaŋ pɛ menyi n yɔ kufɔ kufɔ Babilɔn be efuli so, ama ma, Enyɛnpe Ebɔrɛ na, beeŋ mɔlga menyi ashi men doŋana be enɔ to ndoŋ.