Jɛremaya 27:6 - EBƆRƐ BE KAWƆL

⁶ E yɛ: “Ma e sa ma kenya, Babilɔn be ewura Nebukadneeza yuku efuliana ere kikɛ so nseŋ shin nɛ kupuŋ to be asɔbɔya kikɛ gba wɔ mbe kaseto.

Jɛremaya 27:6 ပူးပေါင်းရင်းမြစ်များ

2 Bewura 25:28

Ewura Evilmɛrodak daŋ shu Juda be ewura Jehowachin so n wora mo kelela nseŋ sa mo bunyaŋ a chɔ bewura kama nɛ b pɛ m ba Babilɔn be efuli so na kikɛ.

2 Kronikɛls 36:23

“Ma Sairus nɛ n la Pɛshiya be efuli so be ewurgboŋ na e naa kaŋɛ menyi le na fanɛ Enyɛnpe Ebɔrɛ nɛ e wɔ ebɔrɛso na e ta durnya ere kikɛ be kuwura m buu ma nseŋ ta bɔrɛlambu na be kepɔr ashi Jerusalɛm nɛ k wɔ Juda be efuli so na be kushuŋ n sa ma. Amoso, menyi bekama nɛ men la Ebɔrɛ be basa na e yɔ n ya lɔŋɛ bɔrɛlambu na m pɔr. Enyɛnpe menyi be Ebɔrɛ na e baa wɔ menyi kutɔ.”

Aizaaya 44:28

Ma e kaŋɛ Pɛshiya be efuli so be ewura Sairus le: ‘Feeŋ baa la fanɛ ma mbolpɔkpapo n juŋkpar ma basa n wora m bɔlɔ kusɔ kama nɛ mee sha kewora so. Fo e naŋ shin nɛ b naŋ lɔŋɛ Jerusalɛm be kadegboŋ na nɛ bɔrɛlambu na m pɔr.’ ”

Jɛremaya 21:7

Ama fo nɛ fo benimuana nɛ basa nɛ baaŋ ji efute ashi kena na nɛ akoŋ na nɛ alɔ lubi na to na bre, Babilɔn be ewura Nebukadneeza nɛ men doŋana nɛ baa sha kemɔ menyi na beeŋ pɛ menyi fanɛ anya nɛ ewura Nebukadneeza e ya mɔ menyi. E maaŋ yige menyi be ekoŋwule gba ŋko n wu menyi kuwɔr ŋko n shu menyi so. Ma, Enyɛnpe Ebɔrɛ na e kaŋɛ na.”

Jɛremaya 22:25

Meeŋ ta fo n sa Babilɔn be ewura Nebukadneeza nɛ mbe benapo nɛ baa sha kemɔ fo nɛ fee ŋana bumo na.

Jɛremaya 24:1

Babilɔn be ewura Nebukadneeza ka pɛ Juda be ewura, Jehowachin nɛ e la ewura Jehowakim pibinyɛn, nɛ Juda be efuli so be benimuana nɛ basa nɛ b nyi enɔ to be ashuŋ nɛ bumo nɛ baa lɔŋɛ asɔ kikɛ n yɔ Babilɔn be efuli so kufɔ kufɔ na be kaman nɛ Enyɛnpe Ebɔrɛ na shin nɛ ŋ ku bɔrɛdare n wu nlantaŋɛ anyɔ nɛ figidibi be asɔrso wɔ amo to a yil Enyɛnpe Ebɔrɛ na be bɔrɛlambu na be anishito.

Jɛremaya 25:9

meeŋ shuŋi n tre efuliana nɛ e wɔ kelargato be esoso be kaba so na be basa kikɛ nɛ ewura Nebukadneeza nɛ e la Babilɔn be efuli so be ewura nɛ ma kenya na, nɛ b ba kɔ Juda nɛ efuliana nɛ e kulti ndoŋ na kikɛ kena m mur. Ndoŋ beeŋ mur a dese loŋ mbaanaayɔ nɛ k chinchiŋ ekama nɛ e beeŋ wu amo, ama b kraa beeŋ baa wora menyi eyurto. Ma, Enyɛnpe Ebɔrɛ e kaŋɛ na.

Jɛremaya 28:14

Enyɛnpetale, Israɛl be Ebɔrɛ, na kaŋɛ fanɛ e beeŋ ta kebɛlso be kubɔ to be kebarga n wɔtɔ efuliana ere kikɛ be basa be abɔ to nɛ b baa shuŋ Babilɔn be ewura Nebukadneeza. E yɛ, e beeŋ shin nɛ ewura Nebukadneeza e ji eleŋ kupuŋ to be asɔbɔya gba so.”

Jɛremaya 43:10

Kumo be kaman nɛ fo kaŋɛ bumo fanɛ ma, Enyɛnpetale, Israɛl be Ebɔrɛ na beeŋ shin nɛ ma kenya, Babilɔn be ewura Nebukadneeza e ba nfe m ba ta mbe kuwurputi n nase ajembu nɛ fo puli ere so nseŋ chena kumo so n ji kuwura bumo so.

Jɛremaya 49:30

Hazɔɔ be basa, ma, Enyɛnpe Ebɔrɛ na e naa kaŋɛ menyi na fanɛ men shile n yɔ kufɔ n ya ŋana. Babilɔn be ewura Nebukadneeza kre kulubi a laŋɛ menyi be kaplɛa so. Kusɔ nɛ e kaŋɛ nde:

Ezikɛl 29:12

Meeŋ shin nɛ Ijipt e ki efuli nɛ shɛŋ shɛŋ maaŋ naa wɔ kumo so ashi durnya ere kikɛ to. Nfɛ adena nɛ Ijipt be efuli so be ndegboŋ dese alambure. A beeŋ dese n chɛr a chɔ nde nɛ a bure a dese kikɛ. Kumo be kaman nɛ n shin nɛ Ijiptebi na e pesaŋ to n yɔ efuli pɔtɛana so; ŋkpal manɛ so baaŋ shile n yɔ efuli kama so n ya kaa wɔ ndoŋ be basa to.”

Ezikɛl 30:24

Ade kikɛ be kaman, nɛ n wɔtɔ Babilɔn be ewura eleŋ to nseŋ ta tokobi m bɔɔ mo enɔ. Meeŋ shin nɛ Ijipt be ewura e kɔ n tɔr n wu mo doŋ be anishito.

Danɛl 4:12

Kumo be afantaŋ daa walɛ nna ga, nɛ k kɔ asɔrso damta nɛ durnya ere to be kepɔrso kikɛ beeŋ tiŋ n ji amo ŋ kukwe. Kupuŋ to be asɔbɔya bee dese kumo be kayul to nna a wushi nɛ mbuibi malɛ bee tɔ asha kumo be ayabi so nɛ kepɔrso kikɛ malɛ bee ji kumo be asɔrso.

Danɛl 4:22

Yiramu, fo e la loŋ be kedibi tenteŋ lempo na. Fo eleŋ nɛ kemaŋkura wora kishi hale n ya fo awɔlpa so kikɛ, nseŋ salga to hale n ya fo durnya ere be kaplɛkama.