Jɛremaya 26:2 - EBƆRƐ BE KAWƆL

² E yɛ: “Jɛremaya, ŋ kɔ kubɔya ko a sa ekama fanɛ Juda be ndeana to be basa e ba kaa shuŋ ma ashi ma bɔrɛlambu to. Yɔ bɔrɛlambu na be kelɔnɛ so n ya kaŋɛ kusɔ kama nɛ meeŋ kaŋɛ fo fanɛ fo malga. Sa maŋ kaŋ yige kamalga na kusɔ kama n lɛ.

Jɛremaya 26:2 ပူးပေါင်းရင်းမြစ်များ

Jɛremaya 1:17

Jɛremaya, wora shiriya n ya kaŋɛ basa na kusɔ kama nɛ ŋ kaŋɛ fo kenishipereso na. Sa maa ŋana bumo, nɛ mannɛ aloŋ meeŋ shin nɛ kufu nɛ k chɔ loŋ a pɛ fo jemanɛ nɛ feeŋ baa wɔ bumo to na.

Jɛremaya 1:7

Ama kusɔ nɛ Enyɛnpe Ebɔrɛ na kaŋɛ ma e la fanɛ: “Sa maŋ kaŋɛ fanɛ fo la kebifɔlbi gbagba nna, ama yɔ basa nɛ n shuŋi fo bumo kutɔ na n ya kaŋɛ bumo kusɔ kama nɛ ŋ kaŋɛ fo kenishipereso.

Jɛremaya 19:14

Kumo be kaman nɛ n lar kakpa nɛ Enyɛnpe Ebɔrɛ shuŋi ma nɛ n ya bɔ mbe kubɔya nɛ baa tre Tɔfɛf na, n ya yili bɔrɛlambu na be kelɔnɛ so ŋ kaŋɛ basa na kikɛ

Jɛremaya 23:28

Anebi kama nɛ e ku edare, e kaŋɛ fanɛ edare nɛ e ku. Anebi kama malɛ nɛ e nu ma kubɔya, e bɔ kubɔya na kashenteŋ be ekpa so. Ŋkpal manɛ so, kananɛ amimi kɔr ayu to na aloŋ nɛ edimɛdi be edare kɔr Ebɔrɛ be kubɔya to.

Jɛremaya 25:2

Ndoŋ nna nɛ ŋ kaŋɛ Juda nɛ Jerusalɛm to be basa na kikɛ le:

Jɛremaya 28:5

Kumo be kaman nɛ ma alɛ kaŋɛ anebi Hananiya ashi bɔrɛmatapoana na nɛ basa nɛ b daa yil bɔrɛlambu na to na be anishito le:

Jɛremaya 42:4

Nɛ ma alɛ kaŋɛ le: “To, n nu kusɔ nɛ men kaŋɛ na! Meeŋ kule Enyɛnpe, anyi be Ebɔrɛ na, fanɛ kananɛ men kaŋɛ na. Kusɔ kama nɛ e kaŋ kaŋɛ ma, meeŋ kaŋɛ menyi. M maaŋ ta shɛŋ ŋ ŋana menyi so.”

Jɛremaya 7:27

Ŋkpal loŋ so, Jɛremaya, fo kaŋɛ ma basa mmalga ere kikɛ gba, b maaŋ nu n sa fo. Fo tre bumo gba, b maaŋ shuli so.

Ezikɛl 3:10

Kede be kaman nɛ Enyɛnpe Ebɔrɛ na naŋ kaŋɛ: “Dimɛdi pibi, kaŋ kusoe n nu kusɔ nɛ mee kaŋɛ fo ere nɛnɛ nseŋ fɛ kumo be nfɛra.

Ezikɛl 33:7

Dimɛdi pibi, naniere mee lara fo nna nɛ fo baa la esa nɛ e beeŋ baa wu asheŋ nsaa kaŋɛ Israɛl be basa. A daga fanɛ fo shin nɛ b nu kefiɛso be kubɔya kama nɛ meeŋ sa fo fanɛ fo ta n sa bumo na.

Ezikɛl 40:4

Kumo be kaman nɛ kanyɛn na kaŋɛ ma le: “Dimɛdi pibi, bugi anishi nɛ asoe ŋ keni nseŋ nu kusɔ nɛ mee sha keŋini fo ere nɛnɛ, ŋkpal manɛ so, loŋ so nɛ m bar fo nfe. Feeŋ kaŋɛ Israɛl be basa na kusɔ kama nɛ fo wu.”

Matiu 28:20

Menyi alɛ e baa nyiŋi fanɛ ma nɛ menyi e naaŋ baa la hale jemanɛ ere e ya fo kumo be ekar.”

Luuk 19:47

Ade be kaman nɛ e wɔtɔ a yɔ bɔrɛlambu na to kachɛ kama n ya kaa ŋini basa abɔrɛsheŋ. Ndoŋ nna nɛ bɔrɛmatapowuraana na nɛ mbraŋinipoana na nɛ kade na to be benimuana fara a fin kananɛ baaŋ wora m mɔ mo.

Baru lela nɛ Jɔn kute na 18:20

Nɛ Yesu kaŋɛ mo: “N daa bugi to a malga nna a sa ekama. Nshɛrbuana na to ŋko bɔrɛlambu na to, kakpa nɛ Juwebi kikɛ bee kaa shɛr na nɛ n daa malga saŋkikɛ, n daa maa malga shɛŋ wulo to kikɛ.

Baru lela nɛ Jɔn kute na 8:2

Kare ka bee chɛ nɛ e naŋ ba bɔrɛlambu na to nɛ basa na kikɛ shɛr ŋ kulti mo nɛ e kilgi n chena a ŋini bumo abɔrɛsheŋ.

Ashuŋ Shunso 20:20

Men nyi fanɛ saŋɛ nɛ n daŋ bɔ kubɔya na n sa menyi nseŋ ŋini menyi asheŋ basa to nɛ menyi peana na, n daa maŋ ta kusɔ kama nɛ k beeŋ chɛ menyi to ŋ ŋana menyi so kikɛ.

Ashuŋ Shunso 20:27

ŋkpal manɛ so, m maŋ ta kusɔ nɛ Ebɔrɛ yili fanɛ e beeŋ wora na ŋ ŋana menyi so.

Ashuŋ Shunso 5:25

Ndoŋ nna nɛ kanyɛn ko ba kaŋɛ bumo: “Men nu nfe, basa nɛ men ti ebu na yil bɔrɛlambu na to a ŋini basa.”

Ashuŋ Shunso 5:42

Kachɛ kama malɛ b daa luri bɔrɛlambu na to nɛ basa peana nna ŋ kraa ŋini nsaa bɔ baru lela na a sa basa a kaŋɛ fanɛ Yesu e la Kristo na.

Ditɛronɔmi 12:32

Men baa wora mbraana nɛ mee ta a sa menyi ere kikɛ kasonu nsaa maŋ ta shɛŋ n ti amo so ŋko n lara shɛŋ ashi amo to.”

Ditɛronɔmi 12:5

Enyɛnpe Ebɔrɛ na gbagba beeŋ lara kakpa nɛ menyi to be eyiriana na beeŋ baa shɛr a shuŋ mo ashi bumo be mboŋ nɛ baaŋ chena.

Ditɛronɔmi 4:2

Men sa maŋ ta shɛŋ n ti asheŋ nɛ mee kaŋɛ menyi kenishipere so ere so ŋko n lara shɛŋ ashi amo to n lɛ. Men baa wora Enyɛnpe, menyi be Ebɔrɛ na be mbraana nɛ mee ta a sa menyi ere kasonu.

Joshuwa 8:35

Mosis be mbra na be kedosobi gba maŋ ka nɛ Joshuwa maŋ kraŋ ŋ ŋini jimaŋ na. Beche nɛ mbia nɛ befɔ nɛ b wɔ bumo to na kikɛ daŋ ti so.

Kelaraŋŋini 22:19

Ekama malɛ nɛ e lara mmalga ashi abɔrɛsheŋ wuŋkaŋɛ be kawɔl ere to, Ebɔrɛ beeŋ lara mbe kachigeso ashi ŋkpa be kedibi be asɔrso na to nseŋ naŋ lara mbe kachigeso ashi kadegboŋ cheembi nɛ b malga kumo nɛ ŋkpa be kedibi sɔrso be kananɛ a du be asheŋ ashi kawɔl ere to na.