Jɛremaya 26:19 - EBƆRƐ BE KAWƆL

¹⁹ Ndoŋ nna nɛ benimuana na kraŋ naŋ kaŋɛ ewura Hɛzekaya nɛ e shin nɛ Juda be basa na maŋ mɔ anebi Maika. Ama kusɔ Hɛzekaya daŋ wora e la fanɛ e daŋ maŋkura Enyɛnpe Ebɔrɛ na nna nseŋ kule mo fanɛ e wu mo kuwɔr. Kumo be kaman nɛ Enyɛnpe Ebɔrɛ na chɛrga mbe nfɛra a laŋɛ jɛrbi nɛ e daŋ kaŋɛ fanɛ e beeŋ shin nɛ b ji na be kaplɛa so. An peebi Juda be basa, nɛ an mɔ Jɛremaya, anyeeŋ ji jɛrbi lubi.”

Jɛremaya 26:19 ပူးပေါင်းရင်းမြစ်များ

2 Samuɛl 24:16

Ama Enyɛnpe Ebɔrɛ be Malaika ka daa shin nɛ e mur Jerusalɛm na, nɛ kuwɔr pɛ Enyɛnpe Ebɔrɛ nɛ e chɛrga mbe nfɛra a yɔ basa na be kasogberge na be kaplɛa so nseŋ kaŋɛ Malaika nɛ e bee mɔ bumo na le: “K nyalɛ loŋ. Lara fo enɔ ashi bumo be asheŋ to!” Kumo be jemanɛ na nɛ Malaika na wɔ Aruna nɛ e la Jebusi be esa na be kugooro na ase.

2 Kronikɛls 32:20

Ndoŋ nna nɛ ewura Hɛzekaya nɛ Amɔz pibinyɛn, anebi Aizaaya kule Ebɔrɛ n shu n fin kechɛto mo kutɔ.

2 Kronikɛls 34:21

“Enyɛnpe Ebɔrɛ na be agbo beeŋ ba wɔ ma nɛ ma basa kama nɛ b kra wɔ Israɛl nɛ Juda na so ga ŋkpal an nananyɛnana ka maŋ nu n sa mo nseŋ kini kewora kusɔ nɛ kawɔl ere bee ŋini fanɛ b wora na so. Amoso men ya bishi n fin kusɔ nɛ Enyɛnpe Ebɔrɛ na bee sha fanɛ an wora.”

Ɛksodɔs 32:14

Ndoŋ nna nɛ Enyɛnpe Ebɔrɛ chɛrga mbe nfɛra nsaa maŋ naŋ bar tɔrɔ na bumo so.

Aizaaya 26:21

Keni, Enyɛnpe Ebɔrɛ na beeŋ shi ebɔrɛso m ba gberge durnya to be basa kusoe ŋkpal bumo alubi so. Basa kama nɛ b mɔ ashiri to na be asheŋ beeŋ lar efuli nɛ b nya kumo be kasogberge.

Aizaaya 37:1

Ewura Hɛzekaya ka nu kubɔya nɛ Asiriya be benapo be ejuŋkparpo kaŋɛ na, nɛ mbe kagbene jija mo ga nɛ e kpɛa mbe asɔbuuso to nseŋ ta keeli be asɔbuuso m buu n yɔ Enyɛnpe Ebɔrɛ na be bɔrɛlambu to.

Aizaaya 37:4

Asiriya be ewurgboŋ shuŋi mbe benapo be ejuŋkparpo nna nɛ e ba tege Ebɔrɛ nɛ e bee sa ŋkpa na. Enyɛnpe fo Ebɔrɛ na e naaŋ nu katege ere kikɛ nseŋ gberge basa nɛ baa tege mo na kusoe. Amoso kule Ebɔrɛ n sa anyi be basa nɛ b kraa wɔ ŋkpa to na.”

Jɛremaya 26:15

Ama men baa nyi fanɛ, nɛ men mɔ ma menyi nɛ basa nɛ b wɔ kadegboŋ ere to kikɛ beeŋ tɔr ntaŋ ŋkpal men ka mɔ esa nɛ e maŋ wora shɛŋ so. Ŋkpal manɛ so, Enyɛnpe Ebɔrɛ na e shuŋi ma fanɛ m ba kpele menyi kusoe.”

Jɛremaya 26:3

Ashere basa na beeŋ nu kamalga na nseŋ yige bumo be asheŋ lubi na. Nɛ b wora loŋ bre, meeŋ chɛrga ma nfɛra a laŋɛ kemur nɛ n daŋ kre keta m ba bumo so na be kaplɛa so ŋkpal bumo be asheŋ lubi so na.”

Jɛremaya 44:7

To, ma, Enyɛnpetale, Israɛl be Ebɔrɛ na bee bishi nna fanɛ manɛ so nɛ menyee wora menyi gbagba be amu le be kulubi ere? Menyee sha fanɛ benyɛn nɛ beche nɛ mbia wurbi nɛ mbi popɔrbi kikɛ e mur nna nɛ menyi be esa kama maaŋ naŋ ka a wɔtɔ a?

Eemɔs 7:3

Ndoŋ nna nɛ Enyɛnpe Ebɔrɛ chɛrga mbe nfɛra nseŋ kaŋɛ le: “M maaŋ shin nɛ kusɔ nɛ fo wu ere e wora kikɛ.”

Habakuk 2:10

Ama ŋkpal kusɔ nɛ men wora beko na so, menyeeŋ bar ŋaba menyi be nnaŋ to ebi so nseŋ shin nɛ kemur e ba menyi gbagba so.

Zakareya 7:2

Bɛtɛl be kade to ebi daŋ shuŋi Shareza nɛ Regɛm-Mɛlɛk nɛ bumo be benyɛn ko nna fanɛ b yɔ Enyɛnpetale Ebɔrɛ na be bɔrɛlambu to n ya kule Enyɛnpe Ebɔrɛ be nɛfa n sa bumo

Nɔmbɛs 16:38

ŋkpal b ka ta amo m ba Enyɛnpe Ebɔrɛ na be bɔrɛsure na ase so. Ta basa nɛ edɛ chɔ m mɔ ŋkpal bumo be alubi so ere be edɛtɔl m bɛl ebuuso a buu bɔrɛsure na so nɛ kumo be loŋ e baa la kefiɛso n sa Israɛlebi.”

Matiu 23:35

Amoso, belelapo nɛ b mɔ baŋ fara jemanɛ nɛ b mɔ Ebel elelapo na kikɛ m ba fo Barakaya pibi Zakareya nɛ men mɔ bɔrɛsure na nɛ bɔrɛlambu be nferinto na achɛ be luwu be turju beeŋ baa bɛ menyi.

Ashuŋ Shunso 5:39

Ama nɛ kashenteŋ nɛ k shi Ebɔrɛ kutɔ, men maaŋ tiŋ m pɔɔ bumo so kikɛ. Nɛ menyi alɛ gbagba maŋ de so, menyeeŋ baa wora a da Ebɔrɛ so.”

Kelaraŋŋini 16:6

Ŋkpal b ka mɔ fo basa laraso nɛ anebiana n lara bumo be ŋklaŋ so, fo alɛ gba ta ŋklaŋ n sa bumo nɛ b nuu. Kusɔ nɛ k baŋ daga bumo nna na.”