Jɛremaya 25:4 - EBƆRƐ BE KAWƆL

⁴ Enyɛnpe Ebɔrɛ na shuŋi anebi damta nɛ b la mbe mbɔ menyi kutɔ, ama menyi maŋ nu n sa bumo.

Jɛremaya 25:4 ပူးပေါင်းရင်းမြစ်များ

2 Kronikɛls 24:19

Amo nɛ amo kikɛ Enyɛnpe Ebɔrɛ na daŋ shuŋi anebiana nna fanɛ b ya kpele bumo kusoe n shin nɛ b bɛta m ba mo kutɔ nɛ b kini kenu.

2 Kronikɛls 33:10

Kashenteŋ nna fanɛ Enyɛnpe Ebɔrɛ na daŋ kpele ewura Manase nɛ mbe basa kusoe a laŋɛ bumo be alubi be kaplɛa so ama b daa maŋ nu n sa mo.

Jɛremaya 16:12

Ama menyi ere wora asheŋ lubi nɛ a chɔ men nananyɛnana peya. Menyi kikɛ be ŋgbene du kpakpa nna nseŋ lubi. Menyi alɛ maa nu a sa ma.

Jɛremaya 17:23

Bumo nananyɛnana bre daŋ maŋ nu m bɛ kusɔ nɛ ŋ kaŋɛ na so. Ama b daŋ wora bumo be ŋgbene kpakpa nseŋ kini kewora ma kasonu ŋko kekoya asheŋ ashi ŋ kutɔ nna.

Jɛremaya 18:12

Ama baaŋ kaŋɛ le: ‘Ayai, manɛ so nɛ anyee yige kumo? Anyi kikɛ kraa beeŋ baa wɔ ŋgbene kpakpaso to nsaa wora asheŋ lubi kananɛ anyee sha.’ ”

Jɛremaya 19:15

fanɛ Enyɛnpetale, Israɛl be Ebɔrɛ na yɛ: “Meeŋ shin nɛ kasogberge nɛ ŋ kaŋɛ fanɛ meeŋ bar kadegboŋ ere nɛ nde kama nɛ e kulti kumo na so na kikɛ e ba amo so, ŋkpal menyi be ŋgbene ka du kpakpa nɛ menyi maa nu a sa ma mmalga so.”

Jɛremaya 22:21

Jemanɛ nɛ asheŋ daa nite nɛnɛ a sa menyi na, Enyɛnpe Ebɔrɛ daŋ kpele menyi kusoe, ama men kini kenu n sa mo. Ma nɛ menyi ka fara m pin abar dra dra na kikɛ, menyi maŋ naŋ wora kusɔ Enyɛnpe Ebɔrɛ kaŋɛ menyi kikɛ.

Jɛremaya 25:3

“Beeŋ wora fanɛ nfɛ adunyɔ nɛ asa nna na Enyɛnpe Ebɔrɛ na ka sa ma kubɔya fanɛ n ta n sa menyi. Ma alɛ maŋ kini kubɔya na be kebɔ n sa menyi, ama menyi maŋ nu n sa kumo. Ammɔn pibinyɛn, Josaya ka ji kuwura Juda be efuli so be nfɛ kuduasa to nna na.

Jɛremaya 25:7

Ama Enyɛnpe Ebɔrɛ na gbagba kaŋɛ fanɛ men kini kenu n sa mo nsaa shuŋ agbirana nɛ mbe kagbene kaa. Amoso men gbagba e bar kasogberge na menyi be amu so.

Jɛremaya 26:5

nsaa ta menyi be lakal a wɔtɔ ma mmalga nɛ mee ta a sa ma anya, anebiana, nɛ mee shuŋi bumo menyi kutɔ jemanɛ kikɛ na to. Menyi maŋ naŋ wora asɔ nɛ baa kaŋɛ menyi na kasonu kikɛ.

Jɛremaya 29:19

B ka kini kenu n sa ma abɔya nɛ m bɔla anebiana nɛ b la ma anya so m bɔ n sa bumo na so nɛ le beeŋ wora bumo na.

Jɛremaya 32:33

Ŋ ka wora ania fanɛ meeŋ ŋini bumo nɛ b baa wora ma kasonu na kikɛ be kaman, b maŋ nu nseŋ koya shɛŋ. B pal kaman nna n sa ma.

Jɛremaya 36:31

Meeŋ gberge fo nɛ fo kaman to ebi nɛ benimuana na kusoe ŋkpal alubi nɛ men wora kikɛ so. Fo nɛ Juda nɛ Jerusalɛm be basa na be ekama maŋ wɔtɔ lakal kasokpele nɛ n sa menyi na to. Amoso asheŋ maaŋ nyalɛ n sa menyi kikɛ!”

Jɛremaya 6:17

Ndoŋ nna nɛ Enyɛnpe Ebɔrɛ na shuŋi anebiana fanɛ b ba kpele menyi kusoe a laŋɛ kenishipere nɛ k bee ba na be kaplɛa so, ama men kini kenu n sa kasokpele na.

Zakareya 1:4

Men sa maa wora fanɛ men nanaana na. Dra na kikɛ nɛ anebiana na ta ma kubɔya na n sa bumo fanɛ b sa maa wɔ kebaawɔtɔ lubi to. Ama b daa maŋ nu n sa ma ŋko n wora ma mmalga kasonu.

Hibruwebi 12:25

Men baa de so nsaa maŋ kaŋ kini kenu esa nɛ e bee malga na be mmalga na. Basa nɛ b daŋ kini kenu durnya ere to be ebɔl nɛ k daŋ fiɛ bumo so na daa maŋ tiŋ ŋ gelge bumo be kasogberge. Nɛ ebɔl ka shi ebɔrɛso ba fiɛ anyi ere so nɛ an kini kenu, nuso nɛ anyeeŋ wora ŋ gelge kumo be kasogberge!