Jɛremaya 25:34 - EBƆRƐ BE KAWƆL

³⁴ Enyɛnpe Ebɔrɛ na be basa du fanɛ mbe mbolpɔ nna nɛ menyi bejuŋkparpoana na malɛ du fanɛ mbolpɔkpapoana. Ama naniere saŋɛ fo nɛ b mɔ menyi fanɛ ekpakpa, amoso men baa shu awɔrso nsaa dese shishɛr to a melti. Ŋkpal manɛ so, baaŋ kpla menyi to fanɛ kapuya ka bure to a dese na.

Jɛremaya 25:34 ပူးပေါင်းရင်းမြစ်များ

2 Kronikɛls 36:10

Dɔchubɔrɛ be jemanɛ ka fo nɛ ewura Nebukadneeza pɛ Jehowachin nseŋ ta bɔrɛlambu na to be asɔ lela n ti mo so n yɔ Babilɔn nseŋ ta Jehowachin mo wɔpa Zɛdikaya ŋ ki Jerusalɛm be ewura.

Nshɛ 2:9

Feeŋ ta fo kebɛlso be kuwurkpabi n ji amo so kuwura. Fo alɛ beeŋ bure amo to fanɛ ebɔ be kapuya na

Aizaaya 10:12

Kumo be kaman nɛ Enyɛnpe Ebɔrɛ na kaŋɛ: “Ŋ kaŋ loge kusɔ nɛ mee wora kebee nɛ baa tre Zayɔn na so nɛ Jerusalɛm to, meeŋ gberge Asiriya be efuli so be ewurgboŋ kusoe ŋkpal mbe mpuchi nɛ kamoowu kikɛ so.”

Aizaaya 2:16

Teku so be ekuloŋgboŋ lela kikɛ beeŋ mur nchu to.

Aizaaya 30:14

Men ki fanɛ kapuya nɛ k bure to kpachɛrkpachɛrbi nna nɛ kumo be kapɛlanfu kama maaŋ tiŋ n chɔ edɛ ŋko m jɔ nchu.”

Aizaaya 33:1

Asheŋ maaŋ nyalɛ n sa an doŋana! B suge anyi be asɔ nseŋ naŋ debɔr anyi, ama esa kama maŋ naŋ suge bumo ere be asɔ ŋko debɔr bumo. Bumo be kasuge nɛ kedebɔr be jemanɛ beeŋ fo ekar nɛ beko malɛ e suge bumo be asɔ nseŋ debɔr bumo.

Aizaaya 34:6

Bumo be ŋklaŋ beeŋ gbiti Enyɛnpe Ebɔrɛ na be tokobi na fanɛ kananɛ mbolpɔ fɔlbi nɛ mboe nɛ b ta n lara esarga be ŋklaŋ bee gbiti nsaŋɛbi na. Ŋkpal manɛ so, Enyɛnpe Ebɔrɛ na beeŋ mɔ basa damta n ta bumo n lara sarga ashi kadegboŋ nɛ baa tre Bozra na nɛ Edɔm be efuli so be kaplɛkama.

Aizaaya 34:7

Basa na beeŋ wu n tɔr fanɛ egbolufɛlso nɛ egbolufɔlbi, nɛ bumo be ŋklaŋ e pere kasawule so nɛ nfɔ e sɔ kaplɛkama.

Jɛremaya 18:22

Enyɛnpe Ebɔrɛ, basa ere kur amaŋ nna fanɛ n tɔr amo to nseŋ naŋ fe ajigbelɛ a jo ma. Jemanɛ nɛ bedoŋ be benapo beeŋ ba kɔ bumo kena ashi bumo be elaŋana to na, shin nɛ kufugboŋ e tɔr bumo so nɛ b baa shu a boŋ to.

Jɛremaya 22:28

Kumo be kaman nɛ Jɛremaya kaŋɛ le: “Ewura Jehowachin, fo ki fanɛ kapuya bureso nɛ b maa sha nna. Amoso baaŋ ta fo nɛ fo mbia kikɛ n ya lɛ efuli pɔtɛ wɔfɔ nɛ menyi maŋ nyi so.”

Jɛremaya 23:1

Asheŋ maaŋ nyalɛ n sa benimujipoana nɛ baa mur Enyɛnpe Ebɔrɛ na be basa nsaa pesaŋ bumo to na! E beeŋ ji bumo demu kpakpaso.

Jɛremaya 25:12

Nfɛ adushunu na be kaman nɛ ŋ gberge Babilɔn be ewura nɛ mbe basa kusoe n shin nɛ kasawule na e ki kasawule fuloŋ a dese mbaanaayɔ ŋkpal bumo gba be alubi so.

Jɛremaya 25:36

Menyeeŋ baa shu kagbenejijaso nna nsaa wora kuwɔr be asheŋ ŋkpal Enyɛnpe Ebɔrɛ na ka nya agbo m mur menyi be efuli nseŋ shin nɛ menyi be kasawule dese fuloŋ so.

Jɛremaya 27:7

Efuliana na kikɛ be basa beeŋ shuŋ Ewura Nebukadneeza nɛ mbe mbia nɛ mo nanabiana fanɛ anya n ya fo fanɛ bedoŋ ka beeŋ ba mur mbe efuli na gba. Kumo be kaman nɛ efuliana nɛ e kɔ yuku ga nɛ bewurgboŋana e ba abar so m ba tintiŋ mbe efuli so be basa nɛ b shuŋ bumo fanɛ anya.

Jɛremaya 3:19

Kumo be kaman nɛ Enyɛnpe Ebɔrɛ na kaŋɛ le: “Israɛl be basa, n daa sha keta menyi fanɛ ma mbia nseŋ sa menyi kasawule nɛ k beeŋ par menyi a walɛ a chɔ kasawule kikɛ durnya to. Ma alɛ naa sha fanɛ men baa tre ma men tuto nsaa maŋ naŋ lar ma kaman kikɛ.

Jɛremaya 48:26

Kumo be kaman nɛ Enyɛnpe Ebɔrɛ na naŋ kaŋɛ le: “Ŋkpal Mowabebi ka keni ma, Enyɛnpe Ebɔrɛ na jiga nseŋ kaŋɛ fanɛ b kɔ eleŋ a chɔ ma so, meeŋ kaŋɛ efuli pɔtɛana na be basa fanɛ b shin nɛ Mowab be basa e nuu nsa m boo nseŋ kwiɛ n dese amo to a melti; saŋɛ na so basa beeŋ mushe bumo.”

Jɛremaya 48:38

Bumo be achoŋi nɛ alɔnɛ kikɛ so, b baa shu nli nna, ŋkpal manɛ so, ma, Enyɛnpe Ebɔrɛ na farnyaŋ Mowab be basa to nna fanɛ kapuya nɛ esa kikɛ maa sha nɛ b ta n lɛ nɛ k bure na nna.

Jɛremaya 50:27

Men mɔ bumo be benapo kikɛ. Babilɔn be basa wu asheŋ pasaa! Ŋkpal manɛ so, bumo be kasogberge be jemanɛ fo!”

Jɛremaya 6:26

Kumo be kaman, nɛ Enyɛnpe Ebɔrɛ naŋ kaŋɛ mbe basa le: “Men ta nli be asɔbuuso m buu nseŋ dese nsunɔ to a melti. Men baa shu kenishipereso fanɛ kananɛ menyee shu ebi koŋwule be luwu be keeli na. Ŋkpal manɛ so, basa nɛ baaŋ ba mur menyi na maaŋ chɛr nseŋ ba kɔ menyi kena.

Nfabel 4:21

Menyi Edɔm be efuli so, nɛ Uz be kasawule so be basa, menyi be ŋgbene fuli menyi nna nɛ menyee mushe. Menyeeŋ ji jɛrbi nseŋ ji awurfoŋ ga. Menyeeŋ nite kesaria a jante fanɛ men ka boo nsa na.

Ezikɛl 34:20

Amoso, naniere ma Enyɛnpetale Ebɔrɛ na bee kaŋɛ menyi nna fanɛ, meeŋ keni so m barga mbolpɔ nɛ b kɔ eleŋ na ashi bumo nɛ b maŋ kɔ eleŋ na to.

Danɛl 11:8

E beeŋ ta bumo be agbirana nɛ asɔ lela nɛ b ta shuwa nɛ gbiti n lɔŋɛ na kikɛ n yɔ Ijipt be kasawule so. Kede be kaman, baaŋ chena kagbenewushi so nfɛ damta pɔɛŋ,

Hoziya 8:8

Israɛlebi gba ki fanɛ efuli pɔtɛana so ebi nna a shuŋ agbir. Amoso b maŋ kɔ tɔnɔ n sa ma fanɛ kapuliya bureso na.

Eemɔs 5:11

Ŋkpal men ka mɛaŋ betirpo nseŋ suge bumo be adɔjibi so, menyi alɛ gba maaŋ nya elaŋ lela nɛ men ta ajembu m pɔr na n luri to, ŋko n nya men be asɔrso nɛ baa tre greep na be yabra belbelso n nuu.

Zakareya 10:3

Enyɛnpe Ebɔrɛ na yɛ: “N nya agbo nna n wora befɔ nɛ baa ji kuwura ma basa so nsaa shin nɛ ŋ gberge bumo kusoe. Juda be efuli so be basa na la ma basa nna, nɛ ma Enyɛnpetale Ebɔrɛ na beeŋ baa keni bumo so. Baaŋ baa du fanɛ ma kena to be egbaŋɛ lempo nna.

Zakareya 11:3

Men nu mbolpɔkpapoana ka bee shu awɔrso; ŋkpal bumo be mbolpɔ be ejikpa lela na ka mur so! Men nu ebuluŋ ka bee munto; ŋkpal Jɔɔdan be lɔrkar be kupogboŋ lela na ka mur so!

Jeems 5:5

Asɔ lela nɛ ebel be keji to nɛ men baa wɔ durnya ere to. Men daŋ nna a du fanɛ ana nɛ b bela nɛ a daŋ nɛ b kɔ a yɔ nɛ b ya mɔ na nna.